‫تعليقات الزوار

139
  • محب للسفر
    السبت 14 ماي 2022 - 23:08

    السيد عندو قناة في اليوتيوب أو الأخبار فراسكوم والله أعلم

  • Brahim bonn
    السبت 14 ماي 2022 - 23:10

    وجهك مقزدر علامات النفاق تظهر في وجهك إنت و حريمك التي تعمل به الإشهار ستر زوجتك وهيا تقفز تما ودور في عينيها بحال الجاريات

  • المنطق
    السبت 14 ماي 2022 - 23:11

    معرفتش
    واحد التساؤل عندي معرفتش واش صحيح
    اللحم طابت ودود مطابش والله أعلم

  • jadore paris 75000
    السبت 14 ماي 2022 - 23:12

    انا وقعات لي ف الحاجب واحد الريسطو ، فالسلاطة لقيت دودة كاتسارا ، كانت حدايا مراتي فرانسوية ، حيتها درتها قدامي او ضربتها بسكتة لا تعود تقولي منعودتش نزال المغرب ، المهم الوسخ كاين شوية

  • منير
    السبت 14 ماي 2022 - 23:12

    اليوتوبر المغربي والعربي عامة يقدر يدير اي حاجة على ود نسبة المشاهدة والفلوس والفاهم يفهم

  • siwar
    السبت 14 ماي 2022 - 23:13

    واحد ديما يهز معاه خبزو ومطيشة كاع وميكلش من زنقة حتى يوصل لدارو انا شخصيا فمكناس شفت واحد كيعجن سفنج برجليه مزغبين ومراتو كتقلي وهو مخبي وراء قيطون او خيمة بمناسبة مولد نبوي فمكناس وسبحان من صدفة انا دزت وراء خيمة وشفتو وشفت بانيو لكيعجن فيه كلو صدء الله يعافيكم جميعا اخوتي ومتباقاوش تاكلو من زنقة

  • ملاحظ سابق
    السبت 14 ماي 2022 - 23:13

    اعباد الله واش دود غيبقى حي فطجين شديد الحرارة اولا غيكون لحم خانز .ونعرف بأن الدود ضعيف جدا مثل الشحمة غيدوب مع الحرارة فإني أكتب هدا التعليق ولست صاحب محل للاكل ولا اسكن بمنطقة سياحية والله أعلم بأن القدية فيها إن

  • شاهين
    السبت 14 ماي 2022 - 23:15

    مهما يكن.كان بامكانكم التستر على المكان والتحدث مع صاحب المطعم.بسلوككم الارعن ضربتم جهود وزارة السياحة عرض الحاءط.الذود سياكلكم في القبر شءتم ام ابيتم.

  • مغربي
    السبت 14 ماي 2022 - 23:15

    ضحية ؟ انا مفهمتش كيفاش الدود بقى تيتحرك و طاجين نهار كامل فوق الجمر ؟؟؟؟

  • مغربية
    السبت 14 ماي 2022 - 23:15

    كلشي واضح و باين غلبغا يتعاما هد الناس بغاو ينصحكوكم ندمتوهم

  • moula7id
    السبت 14 ماي 2022 - 23:17

    معك حق .الا خليتي الطاجين و مشيتي ديكلاري مشات ليك الحجة. الى خديتي معاك الطاجين غادي يمنعك مول المطعم ويجبد مغاك الصداع. الى خديتي اللحم و توجهتي للبلدية غادي دير الماراطون عاد توصل عند صحاب مكتب الصحة فاقرب مدينة .. غادين يعلموه لانهم كياكلو عندو كيتهالا فيهم .. و غادي مول المطعم ينكر بللي اللحم الخانز ديالو …و هنا سيضيع حقك … التصوير و التشهير بالمخالفات انجع حل برافو عليك
    زا٦لم انك عتقني عباد الله كما انك اعطيت درسا لاصحاب المطاعم فكلهم بداو يحافو من الزبناء و نقاو محلاتهم من الشبهات .

  • laaaaaaaaaaasssssssssss
    السبت 14 ماي 2022 - 23:19

    اودي لا إله إلا الله
    طمع تيعمي بنادم

  • والله اعلم
    السبت 14 ماي 2022 - 23:20

    يا ناس تاكدوا وتمعنوا من الطاجين اكل منه اكثر من نصفه وكدلك اللحم تم طهر الدود وبعضه حي وكيف يعقل داك الطاجين لوحده به الدود وبالمطعم ناس اخرين ياكلون لان المطعم معروف بالطاجين هنا يتضح او القضية فيها شئ مبهم من طرف الزوجين

  • سعد
    السبت 14 ماي 2022 - 23:20

    طاجين طايب أكثر من ساعتين و الدود بقى عايش …سبحان الله

  • ابراهيم
    السبت 14 ماي 2022 - 23:20

    من ستر مسلما ستره الله في الدنيا والآخرة
    فكان عليه فعلا ان وجد في الطاجين مايدعي
    ان ينصح لاخيه وان لا يفضحه لانه من تتبع عورة أخيه المسلم تتبع الله عورته ومن تتبع الله عورته فضحه ولو كان في قعر بيته . وكما تدين تدان والايام دول

  • نظرة عين
    السبت 14 ماي 2022 - 23:22

    شكرا لكما والحمد الله على سلامتكم ولعنة الله على كل مخلوض فهاذ البلاد والشكر الجزيل لسلطات المحلية والتي بتصرفها هذا تجعلنا نفتخر بها .

  • راجل
    السبت 14 ماي 2022 - 23:23

    الله يعطيهم الصحة هكذا يكون المواطنين الاحرار لايسكتون على الذل والعار ويغيرون المنكر فالمرجوا من جميع من له غيرة على هذا الوطن العزيز ان لايسكت على فضح مثل هؤلاء الذئاب الذين يتلاعبون بمشاعر الناس ولا يعطونهم أهمية بقدر مايبحثون عن كسب المال ولا يبالون بصحة الإنسان الذي يقصدهم معتقدا انه في مأمن فيجد نفسه وأسرته قد تعرض لمثل ماوقع لهذه العائلة المسكينة

  • ملاحظ
    السبت 14 ماي 2022 - 23:24

    انتم لستم بمراكشيين وذالك من خلال سحنتكم، دخلاء على مراكش، على اي كان سنرى من بعد ان كان ما قلتم صحيح فصاحب المطعم تاتيه الربحة، وإن حصل العكس فسوف تكملون العطلة في………! لان القضاء لا يتساهل مع هذه القضايا.

  • السلام عليكم
    السبت 14 ماي 2022 - 23:24

    المغاربة أصبحوا مسنطحين ومقزدرين .لا يجدون حرجا في البحث عن البوز والفضيحة ونشرها والظهور بوجه مكشوف .فاين الستر ؟

  • Dina
    السبت 14 ماي 2022 - 23:25

    ردو بالكم من الدبانة الزرقاء الكبيرة الحجم راها تمشي الحوت أو اللحم كتبزق عليه داكشي صغير ابيض بحال مسحوق الكوك من بعد ساعات يتحول إلى دود مسبب الامراض الخطيرة أضعف الإيمان التسمم والذهاب إلى المستشفىالخطأ الذي حصل هو ان اللحم نزل عليه الذباب الازرق ووضع بيضه عليه

    لا حول ولا قوة الا بالله

    الناس اللي في المطبخ مزيد من الحذر من هذا الذباب

    او ربما نزلت عليه في المسلخ

    المهم الذباب الازرق هو مول الفعلة

    يطلق عليه اسم (الزوزع )

  • idéal
    السبت 14 ماي 2022 - 23:25

    كلام معقول و على صواب، وكاينين اصحاب مطاعم همهم الوحيد المال.

  • kadmiabdrrahim
    السبت 14 ماي 2022 - 23:26

    ميمكنش طحين طيب دودحي
    لايمكن هد سيد بغا حكم مول مطعم

  • مغربي حر
    السبت 14 ماي 2022 - 23:26

    حشومة عليكم دمرات سياحة ديل لمنطقة كملة بفعليكم ناس كترزق الله اصلا هما تعنيو من قلة شغل ولفقر مفهمتش واش مفكرتش على سياحة ديل لبلاد انتما خصكم تبعكم على شوهة ليدرتو لبلاد دولة كتخسر امول بش تشجع سياحة ديل لبلاد ونتم بركين على شوهة حسبنا الله ونعم الوكيل

  • توفيق بلقبلي
    السبت 14 ماي 2022 - 23:30

    اللحم طايب أو الدود مزال عايش إتقوا الله

  • الولقعي
    السبت 14 ماي 2022 - 23:30

    هذا و مرتو بغاو البوز . دبا واحد لقا دود فقهوة .واش ممكن بكأس فشي قهوة مزال .لعجب و هو جالس فقهوة

  • nadori
    السبت 14 ماي 2022 - 23:31

    صراحة احيي فيك هذه الشجاعة وكنشكرك على المبادرة اللي درتي في هاذ الاطار اللي غادي تكون ساهمتي بيه باش بزاف ديال ارباب المطاعم والمقاهي يديرو اعادة النظر فالنظافة والخدمات اللي كيقدموا للزبناء ديالهم. وكيف ما قلتي ” الواحد خاصو يخلي العاطفة جانبا في الامور بحال هادي” راه حنا المغاربة بسباب ديك العاطفة الزائدة ما عمرنا غادي نتقدمو. نهار نبقاو نتعاملو بالعقل وبالقانون وماشي بالعاطفة كلشي غادي يتقاد عندنا فالبلاد. تحياتي مرة اخرى.

  • محمدوش
    السبت 14 ماي 2022 - 23:31

    لعله خير حتى يغير بعض اصحاب المقاهي من سلوكاتهم وتعفناتهم .فقد وقع لي نفس المشكل في مدينة السعيدية انا وعائلتي .اثناء الغداء طلبت شواية ديال الحوت ولكن الاطفال لايريدون الحوت وطلبت صاحب المقهى واعطانا دجاج لكن الزوجة فطنت الى ان ذالك الدجاج ليس عاديا وذقت منه قليلا فوجدته كريه الرائحة وناديت صاحب المقهى يعني السرباي فقلت له ان الدجاج خانز يعني بايت ديال البارح فماكان منه الا ان دافع على دجاجه انه جيد ووو واخده بسرعة .ورمى به داخل المطبخ وبدأ يسب و..ولكن تدخل بعض الحاضرين وامرونا بالانصراف دون ان نؤدي ثمن اي شيء حتى الحوت .وهددته باحضار الامن وماكان منه الا ان طلب منا المسامحة استحيينا ثم انصرفنا .الحذر ثم الحذر

  • عالية
    السبت 14 ماي 2022 - 23:32

    وجوه تمارة …بغيتو تربحو على فلوس فاليوتوب…من الافضل عدم جرح مشاعر الناس عامة ..هدا الفيديو ليس و حتى لو كان صحيحا يجب تسليمه الى مصالح الدرك دون نشره

  • ابو سهيل
    السبت 14 ماي 2022 - 23:32

    في نظري الطاجين طايب و بايت و مع الحال سخون الذباب يحط بيضه على اللحم و هو ليس ب دود انما هي يرقات و ستصبح ذباب بسرعة مع الحرارة الزائدة و انتم تعلمون الذباب الاخضر هذا هو وقته

  • الوسخ والغبار والميكروبات
    السبت 14 ماي 2022 - 23:32

    المقاهي والمطاعم موسخة بزاف المواطن مسكين واكل الحق ماكاين غير الغش

  • Sofia
    السبت 14 ماي 2022 - 23:33

    دابا هادشي جاني عادي ومن حقكوم حيت صحتك وصحة ولدك لي مهددة وتنقول لصاحب المطعم كون ماتوا ليك هذا الناس فين غادي تولي

  • كمل لفيديو كامل باش تفهم
    السبت 14 ماي 2022 - 23:34

    حسب ما شت فالتعاليق كيقولو بلي كيفاش دود باقي حي و طاجين كثر من ساعتين و هو فوق المجمر كمل لفيديو كامل راه قال بلي دود راه ميت و شرح كيفاش و الله اعلم غير ماتبقواش ظلمو ناس و نتوما ما سامعينش الهدرة كاملة.

  • سلام
    السبت 14 ماي 2022 - 23:35

    بجب أن تكون لجنة مراقبة لكل المطاعم في المغرب

  • med
    السبت 14 ماي 2022 - 23:38

    زوجين لم يسكتا على الباطل و التبرير على كون الدود وجد فاللحم وحده وغير ميت هو انهم كيطيبو الخضرة جديدة وكيزيدوها اللحم البايت المعفن لي شاط ليهم

  • رشيد
    السبت 14 ماي 2022 - 23:45

    واااش هادوك مستنقعات لي ف أزود ؟؟، أباركة راااك أسأت للمنطقة وللسياحة المغربية مقابل البوز ؟؟!! بحال هاد الأمور ، وإن وقعت فعلا، تعالج بشكل ودي وبيبنك وبين صاحب المطعم . وعاد كانقلبوا على جواب للسؤال الشائع بيننا : مالنا حنا هكا ؟؟؟!!

  • غيورة على بلدي
    السبت 14 ماي 2022 - 23:46

    والله كان عليك تستر، أولى أن تتجه إلى السلطة مع عدم الفضيحة ونشر الفيديو، وبما انه تم نشر الفيديو يعني البحت عن البوز، مع العلم ان زوجتك غير مراكشية من اللكنة، و في قناتكم الإشهارية الخاصة بالمحلات، تنشرون الفيديو عن السلع، وعند إتجاهنا إلى هذه المحلات لا نجد الكلام موافق للوصف اللذي قدمتموه، هنا يضهر انه الإنسان يستطيع فعل اي شيء فقط للشهرة.

  • مواطن
    السبت 14 ماي 2022 - 23:46

    المهمًً هاد شي بصح اوًلا. المهم في المغرب الضمير ميت، الناس مكيهمها غير الربح ، ولي مساعدهم هو المواطن لي عطيتيه يسرطو، اضافة انه كيجلس فشي محل كيبان ليه مسخ وكيبقى جالس، في هذه الحالة علاش صاحب المحل غادي يصدع راسو . شوفو غير المحلات لي فيهم شخص واحد يصوب ليك سنتويتش ويشد منك الفلوس دازو منعرف فين.

  • nadia
    السبت 14 ماي 2022 - 23:48

    هذا شيء لا يصدقه العقل. كيف يمكن ان ياكلوا من الطاجين فيه لحم مدود بدون ان يحسوا بمذاق الجيفة.كون كان مدود كون عطات ريحتو

  • idéal
    السبت 14 ماي 2022 - 23:49

    كلام Dina معقول وهذه المسألة لاحظتها في عيد من الاعياد على اللحم المدبوح، عندما كنت اقطع اللحم في آخر النهار يوم العيد كان فيه ديدان. اذا الذبابة الزرقاء.

  • منير
    السبت 14 ماي 2022 - 23:49

    والله استغرب من تعاليق اللذين سبقوني ولا يزالون يناقشون الدود هل هو حي أم ميت، المهم هو لحم فاسد ووجبة نيئة تنفر منه النفوس، البعض يقول استر أخاك السترة شيء جميل فلماذا لا نرجع الى الحديث ” لا يومن أحدكم حتى يحب لأخيه ما يحبه لنفسه “، فبالأحرى لصاحب المطعم أن يطعم أخاه بمثل ما يطعم نفسه، بالنسبة للضحية فبالأحرى به أن يقول خيرا أو ليصمت لأنه بدون شعور لا يدرك أن هناك اعتبارات أخرى مهمة أكبر منه ومن أهمها صورة بلدنا أمام العالم

  • شاكر
    السبت 14 ماي 2022 - 23:50

    سبحان الله هادو كلاو الدود ولحم متعفن واللحم طايب والدود مزال عايش وصحتهم بخير وعلى خير ما وقع ليهم حتى حاجة.فهم تسطى

  • امام مسجد
    الأحد 15 ماي 2022 - 00:10

    لو سترته لكان خيرا
    عليك أن توثق الفيديو لكي يكون لك حجة عند الدرك الملكي دون أن تنشره
    أما الآن فقد سببت في جريمة كبيرة بالنشر،
    حتى لو صح ما قلته ربما صاحب المقهى على غير علم بما جرى وربما وربما،
    قال النبي صلى الله عليه وسلم : من ستر مسلما في الدنيا ستره الله في الدنيا والآخرة

  • صراحة
    الأحد 15 ماي 2022 - 00:13

    داءىما كنت تنتساءل اثناء السفر اشنو تيوقع للطوجن للي متتباعش، واش تلوحوها ؟ اولا تيعاود يحطوها الغد… منكونوش سدج، راه حنا عارفين بعض لمغاربة يقد يدير اي شيء باش يزيد الربح ديالو (او ينقص الخسارة) …
    بنسبة لناس لي تتقول حشومة عليهم، الستر، السياحة،…. واش من نيتكم !!!! هاد شي راه سميتو اجرام ، راه خاصو يتفضح باش وحدين اخرين يتردعوا،…. بغيتو حتا يوموتو الناس عاد نهضرو ؟
    كون وقعات ليك و تسممتي، كون شفناك كتغوت فشوف tv…
    الله يهدي ما خلق

  • مكناس
    الأحد 15 ماي 2022 - 00:16

    السلام عليكم كلامه موزون والله اعلم

  • إدريس الجراري
    الأحد 15 ماي 2022 - 00:18

    القصة ملفقة وهناك من يقصد صاحب المطعم والدود لا يمكن ان يكون في اللحم إل ابعد 36ساعة على الأقل وفي جو حار وغن طبخ اللحم سيطف الدود فوق المرق هناك من يتربص بصاحب المطعم لأنه في موقع استراتيجي وله زوار كثر و يعاني احد الفنادق القريبة من منافسته يجب إعطاء صاحب المطعم حق الر د في اليوتيوب ويسال رواد المطعم هل لا حض احد زبناه أي تقصير في الجودة او النظافة من قبل
    تشم رائحة المكر وهناك من له المصلحة في إزاحة صاحب المطعم من هدا المكان
    ليستولي عليه لاستراتيجية الموقع …

  • bensaid
    الأحد 15 ماي 2022 - 00:19

    السيد و السيدة يقولون ان الدود ميت. و المعلقون يقولون هل يعقل ان يبقى الدود حي ؟ باز و الله يلا باز لكم. اقول للزوجين الله يكثر من أمثالكم.

  • اخمد
    الأحد 15 ماي 2022 - 00:21

    لماذا اثناء التصوري مطعم فارغ من الناس

  • عابر السبيل
    الأحد 15 ماي 2022 - 00:22

    السلام عليكم ورحمة الله وبركاته
    الاخوان انا كيبان ليا الصدق عند هاد الناس حيت الى شفتو اللون ديال اللحم غادي يبان ليكم مطايبش او زايدون قالو واحد الهضرة زوينة هي ان بحال هذاك المطعم ضروري تكون فيه الكاميرات او بحال هذاك الدود كيتكون فهادوك الاماكن فاللحم بحالو بحال النمل للي كيكون فالسمن الحايل نتمناو السلامة لان اصحاب هاد المطاعم صعاب شحال من وحدين كلاو اللحم ديال الحمير بحال فسيدي علال التازي يعني هاد النوع ديال البشر راه كاين او بكثرة.
    الله يحد الباس

  • احمد
    الأحد 15 ماي 2022 - 00:24

    وعلاش كليتو بطاطا لأن غتكون خانزة

  • ولد بوزكري
    الأحد 15 ماي 2022 - 00:28

    شي غريب وغير مفهوم
    في نظري لا يسمح لاي احد ان يصدق او ينفي
    يجب تد خل :
    الفرقة الوطنية للشرطة للتحقيق
    خبير في الطبخ للتوضيح
    مصلحة حفظ الصحة لتحايل
    و تظهر الحقيقة
    كفى من كثرة الآراء

  • مرزوك عبدالله
    الأحد 15 ماي 2022 - 00:37

    مثل هؤلاء يلزمهم الترحال والنفي من بلد ترعرع فيه ةكبر وسطه والجزاء هو انه شوهه مابك يااخي لم تجد ما تعمله بينك وبين صاحبك حساب فلا تجعل بلدة بأكمله في مأزق
    الله ياخذ فيك الحق

  • abdou
    الأحد 15 ماي 2022 - 00:41

    على العموم القضاء وحده سيكشف لنا الحقيقة بالتاكيد . الملاحظ حتى أن الدرك تابعهم مشكورين . لكن كيف يكون الاكل فيه ما تقولون و معفن و لم يصبكم لا مغص و لا تسمم . هل هذا يستقيم ؟ نتمنى من القضاء أن ينزل على الجانب أقصى العقوبات ليكون عبرة للمتلاعبين على مشاعر المغاربة .

  • عمر
    الأحد 15 ماي 2022 - 00:42

    كلام مقنع
    شكرا لكما على كل ماقمتما به من أجل صحتنا

  • Moussa
    الأحد 15 ماي 2022 - 00:45

    سبقلي كليت الحوت ف جامع الفنا كنت غنموت وزايدلو الفلوس
    التجار مكايخفوش الله الله يسلط عليكم الكحط

  • مراكشي
    الأحد 15 ماي 2022 - 00:45

    من خلال اللقاءات مع جميع المنابر الالكترونية والصحف انا اتضح لي انكما : انت والزوجة ديالك صاحبة القناة اللي باغا تطلع نسب المتتبعين؛ انكما حافظين نفس الحوار والسيناريو بنفس الكلمات والمفردات. وهذا السلوك اذا طرح على ذوي تخصص علم النفس يدل على انه فعل مدبر مسبقا
    وكان عليكما بالاحرى قبل التوجه الى الدرك الملكي ان تتوجها الى اقرب مقر للتحليلات لتبيان الامر َوعدم التظلم وهي الجهة المخول لها الحكم على طاجينك وتناولك تقريرا شاملا
    دمتما سعيدين ياصاحبا الدعاية

  • achraf
    الأحد 15 ماي 2022 - 00:51

    انك في المغرب فلا تستغرب انتبهو راسكم كلشي،ممكن ناس،باغيا تربح بكل الطرق واغلب المطاعم والمقاهي تتغيب فيها الجودة ونقا . باش،تتوقع شي حاجة كلشي،تتيتهرب من كشف الحقيقة ولكن راه كلشي،باين كل الناس،تاكل بلا متتراقب او تنتبه اش،تاتكل من حر الجوع قليل لي لكينتبه وهد شي ء راه يوقع لي ولك ولكن حنا المغاربة كنشوفو ونسكتو قليل لي،غدي،يديكلاري ونطلب السلامة للجميع

  • مالك طيب
    الأحد 15 ماي 2022 - 00:53

    حشومة هاذ التشهير
    يتكلمون وهم بصحة و عافية ماشي اصابهم مرض من الاكل
    كان على المشتكي حين لقى دود يتوجه لصاحب و المطعم و إن يضع شكاية لمصالح المختصة اللتي خولت لهاته المهام ( ONSSA السلامة الغدائية و السلطة ) بدون شوهة في وسائل التواصل الاجتماعي
    يلزم على هاذ النوع من المهرجين ان يكتموا
    – يبخسون دور المصالح المعنية
    – يقتلون النشاط السياحي و التجاري
    – يكسروا سمعة ، شرف و رزق الناس

    انت مغربي اخي حشومة عليك ، بغيتي طاجين قول الزوجة ديالك تحضرو ليك ، كول خارج دارك Bimo & Raibi

  • بوبو عليا حديدان الحرامي
    الأحد 15 ماي 2022 - 00:53

    فعلا السلطات تقوم بواجبها لكن أطرافها منها من يترخى تحت الرشوة ومنها من يرخيه الكسل ويبقى البوز هو البوز

  • غيور
    الأحد 15 ماي 2022 - 00:58

    تحياتي وتقديري عاليا لك ولزوجتك. نفس الشيء كنت سافعله ولن اتردد ولو هنيهة . فلا يهمك قول الغير والذين يصطادون في المياه العاكرة. اقسم بالله لم اتردد في الابلاغ عن اي شيء يهدد سلامتي و سلامة اولادي و اي سيخص مغربي. فاطمئن ولا تزعجك اقوال الفاشلين. تحياتي

  • ابراهيم
    الأحد 15 ماي 2022 - 01:06

    من خلالل هادشي اللي سمعت و التعاليق السلبية اللي كنشوف، هاد السيد ميمكنش يبدل اللحم و كاميرات المراقبة حداهم هده من جهة و من جهة أخرى واش غادي يدير شكاية عند السلطة بدون دليل و اللحم اللي كاين فالطاجين كاين ف الطواجن اللي تما، التحقيق غادي يبين كل شيء

  • ام فاطمة الزهراء
    الأحد 15 ماي 2022 - 01:26

    تحية كبيرة لهذين الزوجين على روح المواطنة و على غيرتهما على خير العباد والبلاد
    سمعت لهما في شتى المنابر فوجدت كلامهما مركزا و دقيقا ولا اختلاف فيه مما يدل على صدقهما
    حفظ الله بلادنا من كل فساد أو فاسدين
    وتحية كبيرة كذلك للسلطات التي تجاوبت بحزم مع هذه النازلة و باهتمام بصحة هذه الأسرة المحترمة

  • مواطن
    الأحد 15 ماي 2022 - 01:33

    باينة من هضرتهم و عينيهم شلاهبية و منافقين و بغاو يطلعو قناتهم على حساب السيد و المنطقة و السياحة بصفة عامة و لكن الظلم ظلمات يوم القيامه و الجزاء في الدنيا قبل الاخرة

  • mokhtar berghwati
    الأحد 15 ماي 2022 - 01:36

    ياودي شحال من مرة لقيت الحوت مقلي وخانز او الدجاج مشوي في الشواية الروتيسري وحتى هو خانز. خلصت وخرجت. النادل وصاحب المطعم كانو صحاح وانا ضعيف والسلام. وحتى ايلا مشيت عند الشرطة شحال قدك ديال سير واجي. هاذ الشي راه كاين في جميع المدن المغربية . تقد تاكل لحم حمار او كلب انتا وزهرك.

  • deterte
    الأحد 15 ماي 2022 - 01:56

    انا اقول ان ما صرح به هذا الشخص يمكن ان نجده عند بعض واكرر بعض التجار بجميع الأصناف مطاعم ومقاهي ومواد غدائية وجزارين كل الحرف هذا ليس حالة شاذة بل هناك الصالح والطالح غير ان الأخ دخل في التفسير وشرح ليس ما وقع له وعاينه لانه سيحاسب عن صحة نواياه في الدنيا والآخرة بما نوى لكن ان يعطي تفسيرا مفصلا عما قام به صاحب المطعم بتدقيق وكأنه كان حاضرا حين ازال الخضر وترك اللحم فهذه تصريحات لا تستقيم يا اخ فاللحم ولو بات أكثر من ثلاثة أيام في الطاجين فلن يتكون فيه الدود ابدا وجرب في منزلك لحما مطبوخا اتركه خارج الثلاجة لثلاث ايام لن تشاهد الدود فالدود هو آخر عملية التعفن اي تعفن جد متقدم ويتطلب أكثر من أسبوع ليظهر وجرب وتعرف صدق اقوالي ربما اللحم كان متعفنا وبه الدود قبل الطهي وهذا ممكن لكن هذا الأمر ستكون رائحة الطاجين كريهة ولن تستطيع اكل الخضر اصلا فبمجرد فتح الطاجين ستنبعث الرائحة الكريهة واقول لك جرب وسترى بنفسك لهذا شك الناس في أقوالك

  • مواطن من هنا
    الأحد 15 ماي 2022 - 01:58

    الله يخد فيك الحق
    انت تستفلد المغاربة
    ما شمتي والو قبل الدود
    ادن هدا دون ايف يسارمتن
    اسير الله يهديك راك اديت المغريب والمغاربة

  • محمد
    الأحد 15 ماي 2022 - 01:59

    ادا كنت انت مسلم حقيقي فيجب ستر اخيك المسلم وادهب الى الشرطة او للمراقب ولا تشهر اخوك في الفيسبوك فهاذا عمل غير مقبول انت تريد تشويه صورة المغرب في العالم ولهدا يجب متابعتك قضائيا اتقي الله في نفسك واستر زوجتك

  • أدم
    الأحد 15 ماي 2022 - 02:00

    كل واحد عند الحق اشكي. ديرو في بالكم بزاف الناس تغشو عارفين الكلييان دايز او احتمال ماعمرو اشفو عتاني تقاوها فرصة. لا اقول ان المطعم مخطئ ولا اقول انا صاحب الشكايه على حق. العلم عند لله. باش اعرفو ان المطعم دايرا قصدا خاصهم اشوفو الطاجن كامله. ولله اعلم الله ايستر ويهدي الجميع

  • حميد
    الأحد 15 ماي 2022 - 02:13

    باش نفهمو كاملين
    كليت طواجن فهادوك لقهاوي ديال لوطوروت بين أكادير و مراكش زعما لاكلاس و نفس المشكل كيحط ليك طجين شعلة فيه العافية منين كتقلب لحم قتلقاه مجمد ،باش نفهمو واحد الحاجة هادوك لي كيديرو طواجن راه كيطيبو لحم بوحدو و الخضرا بوحدها،علاش ،؟ باش لاماجا تحد كيخبيو لحم فلفريكو ،تا لغدا تالبعدو ،منين كيجي شي مليان كيخلطو لحم و لخضرا فطاجين ديال الطين و كيشعل فيه العافية كحتا كايتحرق باش يعطيك ريحة و هديك السرعة باش مطلوقة البوطة كتسخن غا القاع و جناب اما لحم مكتوصلوش السخونية ,حتا كنكون نتا كتاكل،يعنى لا كان شي دودج راه كاين

  • مواطن
    الأحد 15 ماي 2022 - 02:14

    بعض المطاعم أقصد من ليس لهم ضمير حي .الا ملتبعلوم الطاجين كيخدو منو اللحم ن غدا اعودو ليها الخضرا جديدة باش .اما ناس ليقولو الطاجين الدود انكن اتحرق .فعلا هذا علامات استفهام…ولكن الطريقة باش كيطيب هاد الطجين كل واحد او كبفاش كيخدمو.المهم .لي كيخدم المعقول كيبقى ديما ناجح حتى البركة كاتكون من عند الله اما الربح ف الخاوي لايساوي شيء .

  • OMEGA
    الأحد 15 ماي 2022 - 02:20

    هذا الزبون لم يسكت عن الحق حتى لا يكون شيطاناً أخرصاً . لأن *الساكت عن الحق شيطان أخرص*. و أنا على يقين أن هذا الزبون الشهم لو سكت عن هذه الواقعة لمرِض من تأنيب الضمير . أما الذين يقولون أستر أخاك المسلم فليعلموا أن المراد من الستر هو ستر عورته، وعدم تتبع أسراره و التجسس عليه والبعد عن فضيحته، والاجتهاد في نصحه حتى لا يؤذي نفسه . فلا يجوز أن يتستر المسلم على جريمة تلحق أذى بآخرين أو تضر المجتمع، وليس في الستر على المسلم تغطية على خطيئة أو مواطأة على منكر، ولا سكوت على معصية، و ما قام به هذا الزبون واجب وطني و اجتماعي و أخلاقي و ديني يمكن أن يساهم أو ساهم في إنقاذ بعض الأرواح بإبتعادهم عن هذه الأكلات العفنة ، و الله عز وجل يقول في سورة المائدة :﴿ مِنْ أَجْلِ ذَٰلِكَ كَتَبْنَا عَلَىٰ بَنِي إِسْرَائِيلَ أَنَّهُ مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا ۚ.) الآية

  • شهادة الله
    الأحد 15 ماي 2022 - 02:35

    هؤلاء ضحايا جراء الأطعمة الفاسدة ما هم إلا عشرة في المئة ممن تعرضوا لهذه الكارثة فانطلاقا من تحليل افادات وتصريحات صاحب المقهى الذي عقب بقوله هؤلاء الزوار جلسوا بعض الوقت وانصرفوا قبل الطلب وذلك لتذكرهم أو إن صح التعبير راجعوا أوراقهم في قدومهم للمقهى المذكور ثم رجعوا ليغيروا رأيهم في سمعة المقهى جلسوا به في وقت متأخر عن وجبة الغذاء (الثالثة زوالا)أرى أن صاحب المقهى المتواضع أحس شيئا من الحكرة والإستخفاف به وبعماله فقام برد الصاع صاعين فالواقعة يا ناس حقيقية مئة بالمئة وهؤلاء الزوار صادقين الطاجين لم يأخذ وقت كثير لطهيه كان جاهزا منذ البداية يجب إحالة صاحب المقهى وعماله إلى النيابة العامة للتحقيق معهم جيدا لأن هذه الظواهر كثرت عندنا في المجتمع ظاهرة الإنتقام من الزبون.

  • deterte
    الأحد 15 ماي 2022 - 02:45

    إلى كافة المواطنين احذروا اكل اللحم المفروم اي الكفتة بكل الأماكن لان العديد من الجزارة يقومون بافعال غير انسانية ولا أخلاقية وبملاحظة بسيطةان آلة طحن الكفتة دائما توضع بعيدة عن الزبون وتانيا في مكان عالى ومرتفع لن تستطيع مشاهدة ما يوجد داخل دلك الحوض ودائما يقوم الجزار بالصعود اليه على عثبة خشبية حتى لا يمكن للزبون رؤية محتوى الوعاء انا شخصيا تناولت الفطور برمضان في مدينة بعيدة عن مسكني وفي طريق العودة ومع اقتراب وقت السحور دخلت إلى مطعم وطلبت كمية من الكفتة وأبناء الانتظار لاحظت من داخل المقهى ان هناك باب صغير ينفتح على محل الجزار وكان نصف مفتوح وشاهدت مع عائلتي طفل جالس أرضا وراء الجزار بيده مقص وهو يقطع الكرشة والبلعوم واطراف من اللحم لقطع صغيرة ونحن نلاحظ رايناه فتح قارورة واخد منها شيئ احمر مثل التحميرة واخد يخلط ما قطعه وملء بالضبط سطل بلاستيكي مثل ما نجدم في أماكن الوضوء وناوله إلى الجزار الذي افرغه داخل الحوض الذي يضع فيه اللحم قبل الطحن واخد نفس الكمية من البصل المفروم ورماها هناك ولكم الحكم لماذا ثمن الستيك أغلى من الكفتة رغم انه نفس الهبرة طبعا عرفتم السبب

  • منى
    الأحد 15 ماي 2022 - 02:46

    في حادث مفجع وقع لخالتي وزوجها في مطعم بطريق طنجة اكلوا الكفتة وتوجهوا مباشرة لاسبانيا عبر الباخرة، خالتي الحمد لله تعرضت لالام في البطن والقيء والإسهال، أما زوج خالتي فقد كان التسمم أشد وتم نقله للعناية المركزة، الحمد لله على لطف الله

  • samir
    الأحد 15 ماي 2022 - 02:49

    انت خاصك تحاكم لأنك بدون ضمير هل شعرت باللذي فعلته ضربت السياحة المغربية ادا كان فعلا كلامك صحيح لمادا لا تتصل بالدرك الملكي ويحررون محضر دون تشويه المنطقة والبلد ككل انا أطلب لك العقوبة واطلب من المسؤولين ان يغلقوا لك قناتك في اليوتوب

  • Insane
    الأحد 15 ماي 2022 - 02:58

    كلام معقول و اللي ينكر أنا هادشي كاين فالمطاعم الله يلقيه ليه.
    لازم نحبسو هاد القمع و يخلي الناس يطالبو بالجودة

  • أبو أيمن كاني
    الأحد 15 ماي 2022 - 03:02

    سبحان الله على معلقين كي مكلخين يخخخخخخ ، السيد يقول الدود ماشي حي ميت وهم يقولو واش الدود يبق حي ، ،ولش كتفهمو ولا مالكم مكلخين

  • louzar
    الأحد 15 ماي 2022 - 03:02

    اخواني بصح الدود كين
    مكين لا كذوب الا والو
    مول المطعم مشافش اللحم مزيان
    القضية من عند الجزار
    انا جزار وشاهدت بنفسي الدود في اللحم النيء
    السبب الذبابة الزرقاء تبيض في اللهم المعرض للشمس خارج الثلاجة
    اللحوم المعلقة خارجة محل الجزارة
    تسمى الزعزع بيض الذبابة ابيض بعض ساعات يعود دود
    والسلام عدم الانتباه من الجزار وصاحب المطعم

  • Lamkhantar
    الأحد 15 ماي 2022 - 03:08

    أولا اللحم حتى كيدير الريحة عاد كيدود والناس اللي صورو الفيديو أكلو تقريبا نصف الطاجين وما شمو حتى رائحة
    ثانيا اللحم طاب والدود ما طابش باقي حي
    ثالثا إذا كان صاحب المطعم غشاش فعلاش الناس اللي أكلت طواجن قبل هذا الطاجين ما لاحظو ةلا شموا حتى حاجة

  • عزيز
    الأحد 15 ماي 2022 - 03:18

    يجب على الناس المطالبة بوجود مراقبيين دائمين الخدمة في كل المطاعم والمقاهي على أرض هذه البلاد

  • كلمة حف
    الأحد 15 ماي 2022 - 03:38

    هاد السيد نصاب هو و مراتو باينين ….ما تعطوهومش كتر من ما يستحقو …. الحبس او السجن احسن .

  • drisses
    الأحد 15 ماي 2022 - 04:25

    اذا كان صاحب المطعم قد أخطأ في حقك.
    فأنت أخطأت في حق المنطقة وفي حق المغرب بالتشهير .

  • صلاح
    الأحد 15 ماي 2022 - 04:51

    ممكن داك دود كان في اللحم ملي كان مزال خضر والناس مغسلوهش مزيان وحطوه في الطاجين وطيبوه عادي ودود مات وبقا باين فوسط اللحم حيث اصلا الطجيت ملي كيكون كيطيب مكيتحركش بالملعقة يعني اللحم دار الدود وهو مزال مخبي ومكانش في الثلاجة هدا احتمال لاغير….

  • خافوا الله
    الأحد 15 ماي 2022 - 05:41

    كنا مصدقينهم لكن لما عرفنا بأن عندهم قناة في اليوتوب مابقيناش مصدقين لأنهم اكيد دارو هذا الشيء باش يتشهرو ويستفدو ماديا والكل عارف ان أصحاب اليوتوب انساقوا وراء المال وتخلوا عن المبادىء والمثل وكشفوا حتى عن عوراتهم . اللهم ارزقنا القناعة . خافوا الله الذي ستقفون أمامه يوم القيامة ولن ينفعكم اليوتوب انذاك

  • مغربي
    الأحد 15 ماي 2022 - 05:51

    المرجو الاكل في منزلكم انا وجدت يوما دبانة في الحريرة في مطعم

  • مراكشي
    الأحد 15 ماي 2022 - 06:10

    للتصحيح فقط
    عند المراكشيين تينغل بمعنى حي…..بنادم تينغل تاهوا حي ….
    ولا تجادلاني في المعلومة .

  • سعيد موحا
    الأحد 15 ماي 2022 - 06:16

    الاخ من خلال كلامه و كلام زوجته فإنهما صادقان كما يقال 100 في 100 و لا شك في ذلك و المغاربة ليسوا باغبياء فهم أذكياء و يعرفون الكذاب من الصادق اما صاحب المطعم و ما صرح به يدخل في نطاق كلام حفضه عن ضهر قلب بعدما لقنه له مجموعة من المسؤولين لكي يبرء نفسه و الآخرين هذه من جهة و من جهة أخرى قال هناك لجان للمراقبة فهل يعقل بأن تفثش هذه اللجنة كل طاجين واحدا تلو الآخر قبل أن يسلم لطالبه فهذا بالطبع مستحيل و لذلك وجب على لجن المكلفة بحماية المستهلك و من المسؤولين الآخرين أن يبحثوا و يراقبوا أولا نضافة مراحيض المطاعم قبل كل شيء لانه من البديهي و كما يقال : 《امارت الدار على باب الدار 》فكم من مراحيض انا شخصيا وجدتها عندما كنت في سفري لبعض المناطق لا تتوفر حتى وساءل و معدات التنضيف من ساءل المعد لغسل اليدين و ما إلى ذلك، أما عن المراقب فهي تكتفي بمراقبة طاجين واحد فقط إن راقبت أصلا، إذا على المسؤولين هناك أن يتحملوا مسؤولياتهم كاملة كل على حدى لأن الوقت تغيرت و مستوى وعي المغاربة قد تغير هو كذلك بشكل كبير و لم يبقى اي مجال للغش و للتهاون و لتغليط الرأي العام.

  • سعيد
    الأحد 15 ماي 2022 - 06:41

    نصيحة على كل من أراد القيام بالسفر أن يأخذ معه طاجينه معه و يشتري اللحم من عند الجزار الذي يتعامل معه في حيه كما عليه بان يشتري الخضر و التوابل و مستلزمات الشاي كما يفعل الساءقين المحترفين الذين تراهم متوقفين في أماكن الاستراحة أو في الغابات يهيؤون طواجنهم بكل نضافة و أثقان زيادة على حسن الإقتصاد خصوصا و نحن نعيش في هذه الضروف الصعبة المليءة بالزيادات في الأسعار.

  • أخمد
    الأحد 15 ماي 2022 - 06:52

    الله ايعز ماكلة الدار
    أما ماكلة الزناقي فكولشي ممكن ايكون فيها.

  • وئل
    الأحد 15 ماي 2022 - 06:55

    يا خي انا اساندك المطاعم في المغرب اغلبها موسخة و تفتقر إلى ابسط شروط السلامة الصحية…لا تبالي من لا يبالي فالمكيروبات و الدود تزيد من لدة الطاجين في راي بعض الواسخين العقول و العديمي النظافة….

  • في الصميم
    الأحد 15 ماي 2022 - 07:09

    علاش في سيدنا رمضان مكيضرنا والو؟ كانفطرو ف ديورنا وكانكلو ماكلا ديال الدار. صوموا تصحوا اعباد الله. السيد عندو الصح والله يرحمليه الوالدين. السناكات والمحلبات عامرين بسراق الزيت وحنا كنشوفو وساكتين….شكرا

  • حكم
    الأحد 15 ماي 2022 - 07:56

    السيد الضحية ديال طجين الدود يوضوح ويوضح ويوضح ان الدود ميت وبعض المعلقين يحرفون الاقوال ومصرين على اعتبار الدود حي ، المهم والخلاصة ان هناك مطاعم في المستوى ومطاعم دون المستوى تنقصها النضافة لا من حيت اماكن واواني الطبخ او من حيت الاشخاص المكلفين بالطبخ ملابسهم وسخة وهم تنقصهم النظافة وبعضهم يغمره العرق وقد يعطس ويلمس انفه ويستعمل ريق فمه في اعداد الاكل وهذا من عدم الوعي بأهمية النظافة ، المهم ان صحة المغاربة او غيرهم لا يجب ان تكون في يد مثل هؤلاء الأشخاص اللذين يعملون وفق منطق الربح السريع . وتحية لمن فضح الفساد

  • أشرف - الجديدة
    الأحد 15 ماي 2022 - 08:12

    الأمر خطير جداً يجب تطبيق اقسى العقوبات على صاحب المقهى أو العمال أو من له مسؤولية في ذلك . الشيء الذي لم يعجبني هو لماذا خرج الفيديو للإعلام .وصل للجهات المسؤولة نعم ، ولكن لماذا تجاوزها وخلق ما يمكن اعتباره فضيحة وطنية وقد يتجاوز الأمر ذلك. مثل هذه الحالات واردة في كل بقاع المعمور لكن العمل على محاربتها ليس هو تشويه السياحة وشيطنة الكل لكل يتضرر الكل. اما التعليقات الواردة بخصوص الموضوع فهي دون المستوى إلا ما رحم ربك لكي لا أعمم .

  • عزوز
    الأحد 15 ماي 2022 - 08:16

    لي بغ الاكل ديال الصح فلمغرب ثلاث مدن فقط تكل مهني ،، طنجة ، الناضور، اكادير ، والباقي نت وزهرك ،،،

  • salim
    الأحد 15 ماي 2022 - 08:16

    الغرض هو اشوهو السمعة ديال المنطقة 14 لواحد خدامين تماك خرجو عليهوم اشنو اديرو الطاجين بغيتيه كولو ف دارك الله يأخذ فيك الحق

  • Rhimou
    الأحد 15 ماي 2022 - 08:28

    انا اريد فقط ان اقول: عليكم بالنظافه واتقو الله في الزبناء يااصحاب المطاعم فكلنا راحلون .

  • ساءح سابق للازود
    الأحد 15 ماي 2022 - 08:40

    اشهد ان ناس الاوزود ليسوا مخلصين! وقدسبق وان اصطدمت بحالات مماثلة، وقررت أن لا أزور المنطقة ثانية.
    أصدق شهادة الشاهد.

  • مغربي
    الأحد 15 ماي 2022 - 08:42

    الله يلطف بنا
    الدود لي كاين في مطاعم جامع فنا مكاين حتى في شي بلاصة و هنا طبعا لا أعمم .
    الإخوان لي باغي ياكل و كان مسافر ياخد معاه سندويتشات من البيت او يشري اللحم و يشويه باش تعرف اشنو كتاكل .

  • Bensimon Chourafi
    الأحد 15 ماي 2022 - 08:43

    المهم في هذا الفيديوا كيف يبقى الدود حي لمدة 4-6 ساعات على النار هاذا رأي ولم ألوم أي أحد. والسلام

  • محايد
    الأحد 15 ماي 2022 - 09:09

    لفترض ان الواقعة حقيقية ما كان عليه اللجوء بالفيديو الى الانترنت بل الى المصالح المختصة ،لان ما فعل اضرار كبير بصاحب المطعم ومستقبله ومستقبل العاملين معه وبالسياحة المغربية وبالطاجين المغربي وكل العاملين به في المغرب ، فعلته خبيثة وسينال جزاءه من الله عما قريب

  • حمزة
    الأحد 15 ماي 2022 - 09:09

    لفضيحة الكبرى والضريبة القاضية للسياحة والبلاد عامة هي من كانو أجانب ،سوهتنا شوهة.

  • رشيدة
    الأحد 15 ماي 2022 - 09:31

    هؤلاء بتصرفهم غير المسؤول يسيؤؤن الى اصحاب المطاعم بل يضربونهم في الصميم و منه يشوهون الطاجين المغربي المعروف عالميا و لكن الذي نشر الفيديو عليه ان يحاسب و يثبت صحة ما فالصرورةو نحن بالترويج لهذه الخزعبلات نشجعهم

  • يكفي
    الأحد 15 ماي 2022 - 09:32

    بصراحة ذاك السيد و مراتو الله يحفظ منهم الشر كيبان علي وجههم كانو علي الاقل يتعاملو بلباقة و يراعيو شويا لسمعة المنطقة و الناس لي خدامين في هذا الميدان

  • ayour
    الأحد 15 ماي 2022 - 09:46

    سبحان الله اغلاب تعليق كيقولو كفاش دود حي واش تفرجتوا بعد ف الفديوا اش قالت سيدة كيغلي يعني ف ماكس بالكثرة
    درتو تعليق قبل متفرجوا ف هذ الفديوا كملو الفديو وحكوا كومنتر

  • ااا
    الأحد 15 ماي 2022 - 10:09

    كلام منطقي جدا. …………………………….

  • filali
    الأحد 15 ماي 2022 - 10:09

    السلام عليكم الكلام الي كان في الأول مشي هو الكلام الي راه يقولو
    حسبي الله ونعم الوكيل

  • Fofo
    الأحد 15 ماي 2022 - 10:11

    الفعل انا كم من مرة وجدت دجاج خانز وصاحبه كيخرج عينيه

  • غيور على بلادي
    الأحد 15 ماي 2022 - 10:17

    أخي أنا كنساندك الراي بسبب هذه المأكولات المعفونة أكثر المغاربة يعانون من مرض السرطان السلطات مزال كثف الجهود ديالها باش تحارب هاذ المفسدين باغين الربح السريع تنشكرك على هاذ الشجاعة ديالك

  • خالد
    الأحد 15 ماي 2022 - 10:17

    هاد المشاكل تتوقع وخاصة في الأماكن لي متكونش فيها مراقبة. فعلا مقاله الزبون فيه 85 في المئة كلام صحيح انا تعرضت لمثل هاد المشاكل. في يوم من الايام طلبت طجين وعندما رأيت اللحم رأيت بان لون اللحم بدأت تتغير وتميل إلى الأزرق والأسود وبدأت اشم رائحة كريهة وعندما طلبت استفسارات حاولوا ان يبدلوا الطاجين. ولكن انا انصرفت. أعود إلى الموضوع الناس الذين يقولون انه عنده قناة ويريد البوز انا لا اضن أن هدفه هو هادا.اصحاب المطاعم أشنو بغيتو اديروا إلى مباعش طواجن ديالوا كاملين. يرميهم لا كيخليوهم حت. الغد أو بعد الغد المنطقة معروفة بالحرارة والى مكانش عنوا ثلاجات لحفظ هاته الطاجين راها غادي دود في نفس اليوم المهم نحن نريد من العدالة ان تقوم بواجبها وان توضح للعموم من هو المخطيء وان تقوم بمعاقبتها حسب القانون. انا لدي اليقين أن صاحب المطعم هو المخطيء. شوف شحال من واحد خدام عندو وهو لا يستطيع أن يراقب الجميع.وهناك أناس ما يهمهم هر الربح السريع. وكور واعطي لعور لأن من ياكل في تلك المطاعم هم زوار.

  • الرحالي اليزيد
    الأحد 15 ماي 2022 - 10:18

    ولو افتراضا ما تقوله صحيح كان عليك ان تخبر السلطات المعنية دون التشهير بالمنطقة كلها ،زيادة على ذالك في اي مطبخ في العالم ،ولكن من خلال طريقة كلامك ونظرات السيدة لي بجوارك يظهر ان العملية كيدية

  • ملاحظة
    الأحد 15 ماي 2022 - 10:23

    ملاحظة من التعاليق : الا ترون الى اي حد وصلت ازمة الثقة في المجتمع ؟ النتيجة : برانويا عميقة .
    ثمن العولمة باهض واهل المعرفة من يدركه .

  • محمد
    الأحد 15 ماي 2022 - 10:42

    يبدوا لي ان هناك فرق بين الدود كينغل يعني الدود كيتحرك اي حي وبين اللحم كينغل بالدود يعني ان اللحم عامر بالدود والله اعلم

  • اتقو الله في الناس
    الأحد 15 ماي 2022 - 10:49

    لو اتتمتم الفيدو هوا قال الدود ميت … هذشي راه كاين عمر شمس ماتتغطى بالغربال فمطاعم قداش ناهيا تتخد سلاطة لاوية خضرة قديمة وبزاف الا من رحم الله فالباطوار تاع اللحم مفور خدينا اللحم وختاريناه انا والوليدات وعطانا واحد اخر قديم سخنو ملي جابوه ملقينا مانكلو قاسح ولاوي ماشي لي ختارينا وربي على ماقول شهيد وشحال تاع المواقف خص تكون صرامة ومراعاة لحقوق المستهلك شحال من واحد فيكم تياخد الحليب بتاريخ بعيد وملي تيحلو تيلاقاه راب مابقاش حليب علاااش حينت مامخدمش مولاه ثلاجة الله يهدي هاد ناس راه خرتها موة والانسان اول حاجة غايتحاسب عليه لي بينو وبين الخلق حرااام الواحد يتقي الله فناس راه الربح لي فيه الغش حرم ليك تا داك الوقفة تاع نهار كامل ونتا واقف ضربتي كلشي ف 0 اتقو الله في انفسكم وفي عباد الله وانا تنحي هاد ناس لي جاتهم نفس على العباد الاخرين وهما مساكن كلاو المكروب العفن ودود كون واخد اخر كون مشى المصحة نيشان يغسل معدتو هوا ولادو ويدعي مول المطعم شخصيا بتعويض المعنوي والمادي هوا سيد حذركنا الله يجازيه بخير

  • farah france
    الأحد 15 ماي 2022 - 10:51

    كلامه صح 100/100 الرجل ومراته ماعندهم عباش يكذبوا

  • المراقبة و النظافة
    الأحد 15 ماي 2022 - 11:01

    دود ولا الببض ديال الذبان كله بحال بعضياتو،فايت ضربت ذبانة على زجاج النافذةوهي تمعس،قسظا بالله مرت عليها أزيد من عشرة سنوات ومازلت تنتفكرها تنتروع،باز لي مردوش بجوج،فايتة كليت تم عادي ولكن ولدي ناض يغسل يدو ودخل غلط لمكان الطبخ وارجع قالي لو شفتي البلاصة فين تيطيبو متسخة بشكل تيروع.مطاعم كثيرة تفتقد للنظافة والناس عائلة وباينين محترمين والقضية مين مردوش البال لمذاق الطاجين أكيد شي ذبانة وضعت البيض فيه أو كان ديجا طايب قبل وحطو عليه الخضر تطيب دون ملاحظة تغير اللحم.وانا جارتي شرات كوميرا لقات فيها سراق الزيت ميت من الحجم الكبير،

  • عبد الصبور المراكشي
    الأحد 15 ماي 2022 - 11:11

    في رأيي هذا الرجل لا يبث للمراكشيين بِصِلة ، و كمتابعة للواقعة رجل يريد البوز ، زعما هاد الناس عندهم حاسة الشم معدومة؟ لو لكان اللحم فاسدا سيعطي رائحته و لم من بعيد…
    حسبي الله و نعم الوكيل

  • خالد
    الأحد 15 ماي 2022 - 11:14

    قلت نضافة ولعفن وقلت ورقابة هيا لي كتوصل لهاد شي سيد حاطين لي اكل عامر بدود هاد شي حرام

  • mario
    الأحد 15 ماي 2022 - 11:15

    عيب هذا الكلام الذي يقال عن المغرب والسياحة المغربية بصفة عامة …..وكان الامر يدعو الى شيء مريب ….على السلطات المكلفة بالامر ان تبحت عن الحلول الناجعة …..فالتاجر المغربي متسيب يعمل ما يحلوا له مع الزبناء….ولا يقدر مصالح الوطن ….والاعلام اصبح سيف ذو حدين ان لم تقطعه قطعك ….فالمرجو قطع هذا الكلام …الذي تشمئز منه الانفس …..

  • مواطن
    الأحد 15 ماي 2022 - 11:21

    صاحب الفيديو ……متهور و دون مسؤولية

  • مغربية
    الأحد 15 ماي 2022 - 11:36

    الله يجازيكم بخير ويكثر من أمثالكم ولا يهمكم كلام الناس .. نتوما قصدتو الخير للناس وربي غدي يجيبو ليكم فمتخليوش كلام الجهلة لي تيخلطو الامور يأثر فيكم .. شكرا مرة أخرى على الخير لي درتو فالمغاربة خاصة أننا على أبواب الصيف ولي عندو شي قاذورات تيبغي يوكلهم لينا باش يربح الرباح ديال العام كلو وتيبقى المستهلك ديما هو الضحية

  • ولد حميدو
    الأحد 15 ماي 2022 - 11:52

    ما دام ليس هناك شهود أو كاميرا فلا يمكن أن نتهم اي احد
    بما انه عنده قناة فكان عليه أن يترك الفيديو عنده و لا يبثه و يستدعي الدرك و المراقبين و ادا تستروا على صاحب المطعم حينها من حقه ان يفضح ما وقع بنشر الفيديو و ليس البحث عن الإثارة

  • مصطفى
    الأحد 15 ماي 2022 - 11:55

    تعاليق بعض الناس باين انهم من جيهان مول القهوة بغاو احاربو هاد التوثيق ديال هاد العائلة المحترمة. صراحة كانحيي العائلة لي فضحات هاد الفعل ديال هاد الطماعين القتلة عديمي الرحمة. هادي عبرة للناس اجمع باش ماتيقش فمكلة الزنقة لي عندو طموبيل اطيب ماكلة راسو ولي غادي فالدار اهز ماكلتو من الدار، انا وقعات لي كلينا طاجين بايت، حتى الاخير عاد عقت من اللحم لي كان مكنزز ولون قديم.

  • Myhafid
    الأحد 15 ماي 2022 - 12:14

    انتم جايين من صويرة زعما وغادين لمراكش زعما مدينيين وهذه المناطق غير ارياف بغيتو تغرقو لهم بلا مراعات للوضع ديال هاد ناس زربانين تمشيو للدرك وديرو حايحا ماعرفتوش تعالجو الأمر بشكل ناضج وعقلاني وطلبوا طاجين آخر أو طلبو تعويض وتمشيو في حالكم ونتم جيتو شحال من مرة وكان كلشي مزيان كنتو كتقلبو غير على الشر شرانيين نتم.

  • abdoelkharraz56
    الأحد 15 ماي 2022 - 12:29

    الناس متمرسين على الكلام أمام الكميرة يعني تقدوا ليهم جميع المواضع دارو هدشي باش يطعوا في طندوس يجب معاقبتهم لكي لا تعاد متل

  • اكرم الناظور
    الأحد 15 ماي 2022 - 13:41

    اش غادي نقول لهاد السيد او لمرا ديالو
    إلا كنتو غادي ديرو البوز على دهر داك السيد راه غادي تغرقو فالحبس هناك العديد من الناس كيبغيو إديرو شي حاجة ما كيشوفوش فين غادي يوصل راسو ، السيد مول المطعم الا كان الطجين اصلا ماشي مزيان راه غادي يحصل حتا هو لأن التحقيق سيكون ، ما مفهمتش السيد كاع الطواجن لي عندو غير واحد الطاجين

  • قوم حسد
    الأحد 15 ماي 2022 - 14:03

    الغريب الذي ارى انه كل من التمس لصاحب المحل العذر وهاجم الرجل الذي صور، تحد عنده اكبر علامات عدم الاعجاب. ههههه هذا كله حسد من عند انفسكم. القضية مبهمة وغير واضحة المعالم. كفاش زعما عمرنا سمعنا بهاد الدود في الطاجين حتى جا هاد اليوتوبر المثير للشك. وليتو باغيين دخلو فلوس باي طريقة ولو على حساب العرض ديال خوتكم المسلميين. ان شاء الله تبان الحقيقة. الناس المسلمين دائما تذكروا قوله تعالى ”
    يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ” الآية. والسلام عليكم ورحمة الله وبركاته

  • خالد بنسيدي
    الأحد 15 ماي 2022 - 14:30

    السيد والسيدة كينصحوا المواطنين والناس كتقابح معاهوم .شعب باقي معطل

  • Abdou
    الأحد 15 ماي 2022 - 15:07

    الناس الي قالو كان يستر على صاحب المقهى . أنا وقع لي نفس المشكل في اوزود و مشينا بلا ما نديرو شوهة لصاحب و سمحنا في حقنا و من بعد عرفت أني كنت غالط حينت بالتستر على صاحب المطعم يجعله يتمادى في اعماله

  • الحق يقال
    الأحد 15 ماي 2022 - 15:42

    يجب الضرب من حديد على هؤلاء الظالمين اللي يبغيوا يحققوا الربح على حساب المواطن،
    انا وقعت لي في السعيدية مع البنت ديالي’ و الله اكلنا في مطعم رفيع على الساعة الخامسة مساء ، و على الساعة الثامنة البنت 9 سنوات. تطلع لها درجة الحرارة. 40 درجة و لما اخذتها اامستشفى ببركان قال لي الطبيب. لقد اكلت ماكول مسموم‏

  • محمد
    الأحد 15 ماي 2022 - 17:31

    البوز لي كان يقلب عليه صاحب الفيديو وصل ليه. القناة غادي تخدم ليه مزيان دابا

  • hak
    الأحد 15 ماي 2022 - 17:57

    واحد التساءل واش الدود صحيح من لحم او داره مع الزيتون . اولا هدى كدب باينا اللحم من كتقلا مديرش الدود لاحقاش فيه الملح أو طايب زيادت اعلي هدا قالك الخضر مزيانا وتانيا هو الأهم لو كان راجل وهدك مرا كن كطيب فداها أو فالرحلة احنا عندنا العائلة كنطيبو فالرحلات عظ وليدتنا خصهم اطيبو صراق الزيت فالدار عاد ايعود تمتيل الجريمة لان صراق الزيت صحيح

  • لا ادافع عن اصحاب المطاعم
    الأحد 15 ماي 2022 - 18:11

    الا أحد وجد الدود في الطاجين فقط شخص واحد وجد الدود والعشرات من الزوار يأتون لأكل في عهذا المطعم ولم يتقدم اش شخص منم بأي شكاية فقط هدا الرحل الدي وحد الدود في وجبة الغداء غريب هدا الأمر غريب قالت كاينغل مسطليح بيريمي هدا

  • خالي
    الأحد 15 ماي 2022 - 18:17

    التفسير الصحيح:
    هداك الطاجين كيفما كان بايت ولا دنهارو اللحم معفن قبل ما يطيب، كان معلق وولد فيها الذباب البيض هو داك الدود ملي كيفقص هو لي كايعطي الدود ديال الدبان الزرگ ( asticots )

  • جلال الحلبي ايطاليا
    الأحد 15 ماي 2022 - 19:17

    اذا كان الطاجن فيه الدود فلوصول الدود لابد وان يكون اللحم قديم جدا فيتغير لونه . وهذه الحالة تحصل أيضا مع لحم الكباب يعني الشورمة المتبقي التي يضعها صاحب المطعم بالثلاجة عند نهاية العمل ثم يستخرجها مرة أخرى لكن وصول الدود إليها يتطلب اكثر من ثلاثة أيام بالضبط لأنها تطبخ مرتين مما يجعل البكتريا المولدة اللدود اسرع إلى النمو .وكذلك الأمر بالنسبة للطواجين . لكن فالمناطق السياحية يكون الاقبلال على الطواحين اكثر واستهلاك كبير جدا . فكيف يكون نمو الدود وهذه المنطقة يكون الإقبال على الطواحين كبير ثم النار الحارة والمدة الزمنية للطبخ تجعل الأمر مستحيل جدا اللهم اذا كان الأمر فيه سابوطاج من جهات خفية

  • عادل
    الأحد 15 ماي 2022 - 19:53

    الله يجازيكم بخير يا أصحاب المطاعم، اتقوا الله في عباده، راه حرام تعطي طاجين بايت للناس، وخا ميكونش في دود، راه طاجين البايت فيه أضرار على الصحة، اتقوا الله
    اما الناس لي تيدافعوا على صاحب المقهى بدون علم ولا بينة يجب ان يتقوا الله

  • مسلم
    الأحد 15 ماي 2022 - 20:07

    أول شئ شكر خاصة لناس هسبريس على هاذ المصداقية ؤ مقارعة الحجة بالحجة

    تاني وأخيراً ظهر الحق و زهق الباطل إن الباطل كان زهوقا

  • حضيو راسكم من الزيتون
    الأحد 15 ماي 2022 - 20:14

    بالفعل، أيضا وجدت الزيتون الأسود في مقهى بأكادير يغلي بالدويدات، في الأول تظنه غبارا أبيضا، وعندما تنظر عن قرب تجده دويدات

  • من غشنا فليس منا
    الأحد 15 ماي 2022 - 21:29

    هناك الكثير جدا من الناس التي تتطفل على ميدان المأكولات و هي ليس لها اي دراية بالطبخ و لا يهمها الاالربح السريع و لو على صحة الزبناء ، فالحذر واجب و المراقبة الإستباقية من طرف السلطات منعدمة ، و اريد التنويه بما قاله هذا السيد فيما يخص عدم السكوت على هذه المخالفات و فضحها بجميع الوسائل المتاحة حتى يرتدع اي واحد يفكر بغش المواطن كفى من السكوت والخجل فقد اصبح الزبون في جميع المعاملات التي يقوم بها هو الطرف الاضعف.

  • Drisse
    الإثنين 16 ماي 2022 - 01:36

    خرجتي على هديك المنطقة او دوك الناس لي خدامين فهاديك المقهى الله يخد فيك الحق كنتي تحد اللحم او تديه الجندارم او دير الشكاية ديالك او لابغيتي الشهرة ديال البوز غدي تخلصك من عند لي خلقك ان شاء الله مينفعوك الفلوس لي درتي فالقناة ديالك

  • نوالدين
    الإثنين 16 ماي 2022 - 17:25

    سواء كان دكشي صحيح او لا خاص الناس ترد بال مزيان اش كتاكل ونصيحة لناس لعندها المطاعم تقا الله في الجودة وتمن .قال ليه شمتك قال ليه عرفتك .

صوت وصورة
احتجاج تلاميذ ثانوية فرنسية
الجمعة 29 مارس 2024 - 00:30 1

احتجاج تلاميذ ثانوية فرنسية

صوت وصورة
شهادات للتاريخ | العثماني بالجزائر
الخميس 28 مارس 2024 - 23:00 2

شهادات للتاريخ | العثماني بالجزائر

صوت وصورة
فواجع النقل المزدوج
الخميس 28 مارس 2024 - 22:15 3

فواجع النقل المزدوج

صوت وصورة
تقنين التنقل بالتطبيقات
الخميس 28 مارس 2024 - 19:55 11

تقنين التنقل بالتطبيقات

صوت وصورة
الفهم عن الله | إصلاح العيوب
الخميس 28 مارس 2024 - 18:00

الفهم عن الله | إصلاح العيوب

صوت وصورة
وزير النقل وامتحان السياقة
الخميس 28 مارس 2024 - 16:02 6

وزير النقل وامتحان السياقة