أزمة النّقل بالرباط تتفاقم بعد إضراب مُستخدمي شركة "ستاريو"

أزمة النّقل بالرباط تتفاقم بعد إضراب مُستخدمي شركة "ستاريو"
الجمعة 1 نونبر 2013 - 22:00

معاناةُ سكان العاصمة الرباط مع النقل العمومي لا تنتهي. فمنذ بداية الأسبوع الجاري توقّفت حافلات شركة “ستاريو” المكلفة بتدبير النقل الحضري بالعاصمة عن العمل، وشُلّت حركة الحافلات على جميع الخطوط، بعد أن دخل مستخدمو الشركة في إضراب مفتوح عن العمل.

الإضراب المفتوح عن العمل الذي يخوضه عمّال شركة “ستاريو”، ضاعف من أزمة الرباطيين مع النقل العمومي، حيث تعرف مختلف محطات سيارات الأجرة الكبيرة بالرباط في العشيّة، ازدحاما شديدا، ويطول انتظار المواطنين، في انتظار الظفر بمقعد داخل سيارة أجرة، فيما يفضّل آخرون الانحشار داخل سيارات “الخطافة”، في ظروف تنعدم فيها شروط السلامة.

وجاءَ إضراب مستخدمي شركة “ستاريو”، حسب ما أكّده محمد الأشقر، عن الكونفدرالية الديمقراطية للشغل، في اتصال مع هسبريس، بسبب تراجع مدير الشركة عن قرار سابق يقضي بتخصيص مقاعد خاصّة داخل الحافلات للقباض المكلفين بالتذاكر، مضيفا أنّ إدارة الشركة هي التي اتخذت هذا القرار، غير أنّها تراجعت عنه بعد ستة شهور، حيث عمدت إلى مطالبة القباض بالوقوف أثناء أداء عملهم.

ويرجع سبب تراجع إدارة الشركة عن اتفاقها السابق، حسب محمد الأشقر، إلى وجود تراجع في المبالغ المالية المستخلصة، وهو التبرير الذي رفضه مستخدمو الشركة، الذين يروْن أن ضعف المردودية لا يعود إلى جلوس القباض، بل إلى “غياب ترشيد التسيير”، يقول الأشقر، مضيفا أنّ الشركة سبق لها أن استفادت من دعم وصل إلى 45 مليار سنتيم، وأنّ لجوء مدير الشركة إلى هذا التبرير جاء بهدف تحميل المسؤولية للمستخدمين، بعد أن حمّلته وزارة الداخلية مسؤولية تتبّع المردودية، وبعد إعلان الجماعات المحلية عن توقيف دعمها للشركة.

من جانبه قال رضوان حباشي، الذي يشتغل مراقبا بشركة “ستاريو”، إنّ إقدام إدارة الشركة على مطالبة القباض بالعمل واقفين أمر غير مقبول، خصوصا في ظل الاكتظاظ الذي تعرفه الحافلات، والذي يصعّب مهمّة التحرك بالنسبة لهم، إضافة إلى أنّ من بينهم من يعاني من أمراض لا تسعفه على الوقوف لمدّة طويلة”.

وعلى صعيد الظروف العامّة التي يشتغل فيها مستخدمو الشركة، أضاف رضوان حباشي أنها “ظروف يُرثى لها”، مشيرا إلى أنّ المستخدمين يواجهون مخاطر يوميّة، في تعاملهم مع الزبناء، الذين منهم من يلجأ إلى السلاح الأبيض في حال مطالبته بأداء ثمن التذكرة، حيث سبق أن أصيب عدد من المستخدمين”، على حدّ تعبيره.

في هذا السياق قال محمد الأشقر، إنّ سائقي الحافلات المشتغلين مع الشركة كانوا يستفيدون من منحة 1300 درهم كل ستة أشهر، غير أنّ إدارة الشركة عمدت إلى إلغاء هذه المنحة، “في الوقت الذي تتراوح فيه أجور المدير العامّ للشركة والمدراء المحليين ما بين 3.5 ملايين و 6.5 ملايين سنتيم شهريا”، مضيفا أنّ ظروف عمل مستخدمي الشركة “جدّ مزرية ولا تستفيد من أي مكتسبات”.

وبخصوص المدّة التي سيدومها الإضراب، قال محمد الأشقر، إنّ الإضراب سيظلّ مفتوحا، ولن يعود المستخدمون المضربون إلى عملهم إلا بعد أن تستجيب إدارة الشركة لمطالبهم، التي على رأسها الوصول إلى اتفاق جدّي وموثّق، ينصّ على تخصيص كراسي للقباض داخل الحافلات، “وإذا لم نصل إلى اتفاق فلن نشتغل أبدا، ولو ظلّ القطاع متوقفا إلى ما لا نهاية”.

وأضاف أنّ المستخدمين، الذين يعتزمون القيام بمسيرة احتجاجية بواسطة الحافلات نحو مقر ولاية الرباط، في حال إذا لم تسفر الاجتماعات المنعقدة داخل الولاية بين المستخدمين وممثلي الشركة والسلطات المحلية عن أي نتيجة، يطالبون برحيل المدير العامّ للشركة، ومدير الاستغلال، وإعمال مبدأ المحاسبة، حتى تتبيّن مكامن الخلل في تسيير الشركة.

‫تعليقات الزوار

38
  • الذبابة السريعة
    الجمعة 1 نونبر 2013 - 22:13

    اليوم خوكم ضرب 8 كيلوميطر على رجليه .. ولكن الصراحة الشركة عندها الحق

    دابا أنا كاندخل لطوبيس من الباب الأول .. و كان نصيب داك خيتي اللي كاالتخلص جالسة فالأخر .. وخاصني آنا النوض بلا شقا .. نمشي نداحس مع عباد الله وكحز بالاك لهيه .. أح .. عندك رجليا .سمحي لي آ الشريفة .. خويا عافاك ..باش نوصل لعندها نمكل ليها 4 الدراهم و نص ديالها .. أوووو … ما نجلي نوصل لعندها تا نكون وصلت لدارنا ..

    ديرو كيما كاي يديرو الناس وديرو ماكينة ديال لخلاص عند الشيفور ..

  • موطني
    الجمعة 1 نونبر 2013 - 22:19

    ادا كونتو باغيين تقطعو الوراق ونتوما جالسين داك ساعة الشركة معندا مادير بيكم غير عتنقصو من المساحة .. هاد اخدمة ديال تقطاع اوراق يقد ديرها الشيفور بحال فالشمال

  • عباس
    الجمعة 1 نونبر 2013 - 22:30

    هاد ستاريو فالحقيقة قمة الكلاخ. واش يا عباد الله بغاو القابض يجلس كيف القابلة وبغاو يربحو؟ بغيتو تريحو القابض على الأقل يجلس فالباب الأمامي للحافلة ماشي توخروه اللور وتبغيو تربحو؟
    زرت دولة أجنبية وشفت فيها نظام ماشي صعيب نطبقوه عندنا. خاصنا فقط لي يبغي يطبقو من المسؤولين.
    كتوصل الحافلة يطلعو الركاب من الأمام وكاين الروسوفور فالكرسي الأمامي كيتخلص من الناس لي معندهمش بطاقة الانخراط. أما هؤلاء فعندهم ماكينة البوانتاج بحال ديال الطرام عندنا. هكذا تدوز الأمور بسلاسة وبسرعة. والباب الخلفي ديال النزول.
    شحال من مرة كنشوف مناظر فالطوبيس، الأغلبية مكتخلصش حتى تبدا تغوت عليهم القابضة. وعلاش هادشي ما دام بإمكاننا نستفدو من التقدم التكنولوجي ونواكبو العصر ولو بحافلات قديمة مخرخشة حتى يجيب الله ما أحسن منها.
    إيه الله يرحم أيامك يالجماني السربيس كان غادي مزيان الطوبيسات موجودين والعمال مهلي فيهم.
    نطلبو الله خير

  • Abderrahmane
    الجمعة 1 نونبر 2013 - 22:31

    في انتظار الظفر بمقعد داخل سيارة أجرة، فيما يفضّل آخرون الانحشار داخل سيارات "الخطافة"، في ظروف تنعدم فيها شروط السلامة. … على أساس الطاكسيات فيها السلامة؟ 2 لقدام … اللهم خطاف فبارطنير ولا كونغو وراكب لقدام وداير السمطة ولا حالة الطوبيس والطاكسي … حيدو الكريمات وحيدو الشركة الوحيدة اللي دايرة ما بغات وديرو للناس دير طكسيات بسعة 4 دالناس 1 لقدام و 3 اللور وديرو 2 أو 3 شركات د الحافلات وحلو علينا هاد الأزمة د النقل راه ولينا في جحيم ما بين تمارة الرباط سلا … وليتي تخمم 100 مرة قبل ما تخرج لشي بلاصة … وبلا حشمة بلا حيا فبداية الشهر شركة سطاريو واخدين الطوبيسات + 60 طوبيس جديد في خدمة القمة د "الديمقراطية" اللي دارت فالرباط وبقينا حنا بعدد قليل (أصلا العدد المتوفر غير كافي والازدحام والاكتظاظ فالحافلات والشفارة وانعدام أبسط شروط السلامة ولاو روتين يومي وواقع معيش) ديال الطوبيسات … اللوم يقع على جميع المسؤولين من وزير النقل واللي سبقوه حتى لآخر موظف

  • usager
    الجمعة 1 نونبر 2013 - 22:38

    Avant l'avènement de Stario en 2009/2010, il y avait plusieurs sociétés chargées du transport urbain dans la région de Rabat, et la situation était nettement meilleure en raison de la concurrence entre les sociétés. Une de ces sociétés mettait en service des autobus du modèle Mercedes propres et confortables à 4dh le ticket. La plus grande faute qui a été faite c'est l'élimination des sociétés marocaines pour donner le monopole à Stareo…

  • محمد السراج
    الجمعة 1 نونبر 2013 - 22:41

    المسؤول الأول عن وضعية توقيف العمل بوسائل النقل العمومية بالرباط هو مجلس المدينة فالسيد الرئيس واغلبيته المكونة من الاتحاديين وأغلبية من pjd لا يعيرون لمعاناة المواطنين أهمية كبرى والدليل على ذالك هو الإضرابات المتكررة بقطاع النقل العمومي الحضري بالرباط والنواحي .. فخدمات هذاالقطاع تعد من أردأ الخدمات على الصعيد الوطني وحافلات النقل المستعملة الكثير منها لاتتوفرفيه الشروط الدنيا لراحة المواطنين الذين لا يجدون بدا من استعمال هذه الحافلات.. وأعطيكم مثالا واحدا عن الحافلات التي تشتغل في الخط 33 و 45 اللذان يربطان الرباط بالهرهورة وسيدي العابد حيت تضطرني الظروف أحيانا الى استعمالها .. حافلات مهترئة زجاج مكسور روائح كريهة أبواب تفتح وتغلق بصعوبة وبضجيج كبير كراسي اغلبها غير صالح للجلوس ألوانها غيرموحدة مع باقي الحافلات عدم احترام التوقيت الاستهانة والاستهتار بالركاب أطفالا ونساء ا وشيوخا.. ولقد كنت شاهدا في يوم ممطرعلى إحدى السيدات حاملة لمظلة سوداء مفتوحة وسط الحافلة لكي تقي نفسها من رداد المطر المتساقط الذي تحمله الرياح لداخل الحافلة من نوافدها المفتوحة على الطريق بدون زجاج ولا واقي آخر

  • نوال
    الجمعة 1 نونبر 2013 - 22:46

    انا وحدة من الناس لي كتركب (طوبيس) واش لي بغى يخدم فهاد لبلاد كيقلب غي على الخدمة الساهلة يخدم هو جالس واش هذا لي باغي يجلس عند بالوا خدام فوزارة المالية يشد لفلوس هو جالس فهاد لبلاد اي وحد خدام شي خدمة فقطاع خاص ولا عام او كيكمل العام ديالو كيدير فيها هواو ديك الكونفدرالية الديمقراطية للشغل،قصة او سيناريو ناقصهم غي شركة الانتاج.قبل منسى (سيرفور) مكيشدش غي بلاصة كيشد جوج حيت وحدة ليه او وحدة لي عزيز عليه اوي الله يعتين وجوهكم

  • زكرياء
    الجمعة 1 نونبر 2013 - 23:00

    الله يحسن عوانهم مساكن من حقهم يطلبو مقعد مخصص لكن الزبون للي كاتخليه الحافلة واقف فالمحطة وتزيد ما عندو غير الله اللي يشكي ليه

  • اعكوش
    الجمعة 1 نونبر 2013 - 23:07

    للأ سف الضحية من كل هدا المواطن البصيط لا حول ولا قوة له كان من الممكن عدم ادخال هده الشركة المنحوسة للمغرب ولكن اصحاب الصفقات لايهمهم سوى انفسهم موت نتا الله يرحم ايام بلحسن و الكرامة والجماني و و وخا كانو القزادر كلشي راكب

  • koooko
    الجمعة 1 نونبر 2013 - 23:17

    اوا المواطن مسكين هو من يؤدي الفاتورة

  • marwan abu ali
    الجمعة 1 نونبر 2013 - 23:30

    الصراجة من حق اي شخص ضرر من شي حاجة يدير اضراب لكن في المغرب و تقريبا متأكد 100% أن هاد العمال ضحية مؤامرة نطبخ في الخفاء .و هدا تحليلي الشخصي من منطلق أبحاث.
    الحقيقة هي العمال مكرفسين
    و المواطين بلا مل تسولو فيه…
    و الفيلم كامل على شكون الشركة لي غادي تحل محل ستاريو و هاد السيناريو دايرينو غير باش يضغطوا بيه بحيث المواطن يحن لشاركات السابقة اللي كانت تسيير القطاع منهم أنا حيث شئ طبيعي. أهم الشركات هي الجوماني صراحة و هو المسؤول عن قطاع النقل الحضاري داخل المجموعة الحضارية لنقل في الرباط و ربما يريد ان يكون شريك مع ستاريو بالاضافة الى الشركة لمسيرة لطرام الرباط.
    و في النهاية المسكين هو المواطن بالدرجة الاولى و العمال الصغار
    و انا متأكد لو عاد الجماني لتسيير و سوف يعود باينة القابض يوقف بزز منو و نحلف عليها

    و لكن هادشي لي كايطرى خطير على النظام المغربي بصفة عامة
    فضغط يولد الانفجار

  • marocain
    الجمعة 1 نونبر 2013 - 23:30

    ا تمنى ان يجد( المسؤلون ) ادا كان هناك اصلا اشخاص يحملون هده الصفة حلولا في اقرب الاجال قبل عودة الملك والا فالخطاب الملكي القادم غادي يجبد الودنين.
    اباقين واحلين غا فtransport بشااااااخ العود
    وايلي وااااايلي.

  • يوسف
    الجمعة 1 نونبر 2013 - 23:49

    ما دامت هناك اقتصاد الريع في النقل سيظل الحال على ما هو عليه. سبب النقل في المغرب خاصة الطاكسيات هو لاكريمات او اكراميات القصر. الحل سهل و بسيط جداً هو إلغاؤها جميعا و إعطاء البلديات المحلية الحق في منح الرخص كما هو معمول به هنا بأوروبا، وبالتالي سعر التنقل سينخفض والبلديات ستحصل على مداخيل مالية هامة و سيتحسن جودة سيارات الطاكسيات و تكون اكثر سلامة

  • تماري
    السبت 2 نونبر 2013 - 00:07

    مطالب. مبعترة جلوس القابض ما الفائدة؟ صراحتا خﻻل هده الايام الثﻻثة عم الهدوئ اهم شوارع العاصمة. حبد لو كان اسطول العاصمة مثل اسطول طنجة او تطوان لما ارتحنا من هادا القابض !مقعدان للقابض وامرأة حامل أو شيخ هارم واقف على رجل واحدة الله إعطيك الفﻻس ياشركة استاريو و الله اجعل البراكة فالطاكسيات والخطافة أمييين المرجو النشر

  • محب لفريق الجيش الملكي
    السبت 2 نونبر 2013 - 00:15

    العاصمة مدينة بدون نقل مند تقريبا ثلاث سنوات.. فلم يعد سكان الرباط يفرقون بين اضراب أو= عمل الحافلات…نصيحة..الى أي شخص سيدهب الى مدينة الرباط أو سلا أو تمارة أو الهرهورة فليجلب معه المال الكافي لتنقل عن طريق الطاكسيات الزرق لانك خدمة الحافلات هي شبه منعدمة و كارثية في العاصمة..

  • zguiril
    السبت 2 نونبر 2013 - 00:20

    يمكنكم لمجىء إلى عين العودة للتأكد من المعانة الحقيقة

  • زائر
    السبت 2 نونبر 2013 - 00:20

    غريب أمر هولاء المسؤولين سواء من مجلس مدينة الرباط أو الحكومة الموقرة حيث انهم لم يحركا ساكنا إلى حد هذه الساعة غير مبالين بما يعانيه سكان العاصمة الرباط

  • EL HABIB
    السبت 2 نونبر 2013 - 00:22

    C'est écrit noir sur blanc, le Chef, un membre important de l'USFP, le CDT et l'un de ses bras ; résultat : le citoyen en otage – est ce que j'ai été clair,…

  • ayman garti
    السبت 2 نونبر 2013 - 00:38

    واش أ عيباد الله خصنا نخرجو مع 6 د صباح عاد نوصلو فالوقت ؟ واش خصنا ضروري نتزاحمو باش نوصلو ؟ راه خصنا نديرو شي حل الهادشي حيت إلا مادرناهش حنا الراسنا ماغدي يديرو لينا حتا شي حد، أغلبيتنا سامع بالقصة ديال الناس ديال المكسيك و البيض نهار زادو عليهم فالبيض تا واحد ماشراه و خلاوه ليهم تما حتى دارو ليهم الثمن لي بغا الشعب ، واش هاد الناس حسن منا ؟ تاحنا نقدو نديرو هادشي و نقاطعو هاد زين الطوبيسات لي عندتا ، كاين لي أيٌول هدا تيخربق علينا فاش غانمشيو و شنو غانديرو جواب بسيط ، نهار هوما تيديرو إضراب فاش تنمشيو ؟ خطافة طاكسيات هوندات … اللهم بعدا تاهدو بحالنا مضرورين بحالنا

  • مستخدم بشركة ستاريو
    السبت 2 نونبر 2013 - 00:45

    نعم الله يحسن عوان المواطن ولكن يقول المثل المغربي :"ماتيحس بالمزود غير اللي مخبوط بيه"
    انا شخصيا اصبت بمرض الظهر بسبب العمل في هده الحافلات ومشاكل الطريق التي كلها حفر والاكتضاض و المشادات مع الشفارة و قليلي الادب الي غير دلك من المشاكل و انا الان طريح الفراش ولا معين لي والله يخلص هدوك لي كايسبو فينا ومعرفينش المشاكيل ديالنا

  • somanabie
    السبت 2 نونبر 2013 - 00:51

    دابا راه مابقا حتا واحد تايخلص ملي دارو المقاعد للقابض , واش انا نوض نخلص نلقى البلاصة خداها واحد اخر , استعينو بالالات لتسهيل عملية الولوج الى الحافلة

  • معانتتنا مع لخطافة
    السبت 2 نونبر 2013 - 01:35

    ركبنا مع واحد الخطاف من باب دوانة لسلا لقرية مركب 2لبنات بجانبو و7لور 5دراهم بسيارت كونكو نزل لبنت بحي مولاي سماعيل و6ركاب باب لقرية بقيت انا حتى رمبا جديدة مدخل القرية اتجاه سوق لخميس قبل طلبات الشابة من لخطاف باش ينزلها قاليه ندخلك لقرب سكناك حتى مدرسة لعيون نزلت وسيارة شدات طريق لتجاه سوق لخميس واحد لحضة جاي واحد صديق بدراجة نارية من نوع تربرتور حكيت لو الامر ركبت معاه وصلنا على لبرتنير ولخطاف بتجاه طريق المؤدي للكلية ومعمورة لبنت تقابلن معه مفزوعة كاليناه بالمطور نزلات البنت في حالت دعر شديد احضي راسكم من لخطافة وسيارات مرسديس 240و 250مصبوغة بالابيض يستعملونه لخطافة شبيه بطاطسي كبير تتجول بسلا سيدي موسى لنبعات وباب دوانة الرباط وخصوصا بالمساء واليل سائقيها يتحرشون بالفتيات على مسمع ركاب سلا ولات فيه لفوظى والشيشة والاجرام خرجو على شباب وشابات في هد لبلاد مقاهي شيشة مملوئن بالفتيات وشبان في مقتبل العمر ودوريات الامن كيدوز حداهم في عدد من الاحياء شعبية خاص حملة لتطهير مدينة سلا من شماكرية ومقاهيي شيشة ولمخدرات وسعاية وماكترهم بارومبات وقرب السوق الممتاز كرفور عاوني نشري قرعة شراب

  • فؤاد
    السبت 2 نونبر 2013 - 01:59

    السلام,هدا الشيء والله عيب قال ليك يديرو ماكينة تقطع التذاكر وفيناهما الناس اللي باغين يخلصوا التذكرة اولا،الناس و الشباب باغين غير يسلتوا بين قوصين كيتمناو غير ميوصلهمش القابض هذا من جهة ، من جهة أخرى إحنا مزال معندناش تقافة اطلع او دوز لاكارط في الماكينة حيت من التربية ممربينش بما فيه الكفاية هذا الى أوقف ليك الطوبيس بعدا وهنا أقول والله العظيم الى كيبقاو فية الطلبة حيت هما اول المتضررين لا منحة ولا شيء، أم الحنين الى طوبيسات الازرق و الجماني ف لا لا لا ولسان حالنا يقول كما قال الشاعر سإمت تكاليف الحيات ومن يعش ثمانين لا حول لك ولا اب يسأل,معذرة الى كنت قاسي بعض الشيء ولاكن المواطن المغربي مايستاهلش هاذ التكرفيص حيت في الأخير راه طالب غير التعادل، لامدرسة لا امن لا طب لا كرة لا ادارة لا طوبيس،اوقالك ادخلوا استثمروا في بلادكم،الله المستعان الله يدير لينا شي مخرج ولاكن نبداو من انفسنا الى بغينا نوصلوا او نحتارموا الممتلكات ديال الدولةا او نحتارموا بعضنا البعض ف انتضار ذالك مدبرها حكيم الله يدير شئ تاويل ديال الخير ل الجميع.

  • طالب
    السبت 2 نونبر 2013 - 09:39

    مثلا في الدارالبيضاء تجد القابض في الباب الأمامي .بعد تعديل نظام الولوج إلى الحافلات أصبحنا نأخذ تذكرتنا قبل أخذ مكاننا فيها،.

  • abdessamad
    السبت 2 نونبر 2013 - 10:10

    المسؤلون لديهم سيارات فارهة ولا يمكن أن يفكروا في معاناة المواطنين
    فعلا هناك العديد من الركاب الذين لا يدفعون ثمن التذكرة، وقد ينهالون بالسب على القابض إذا طلب منهم ذلك
    كما أن القابض إستحوذ على مقعدين بدل مقعد واحد خصصته له الشركة
    لك الله أيها المواطن المسكين

  • عبدو
    السبت 2 نونبر 2013 - 10:16

    مــا بــقــاو غـيـر الـشــمـايت في هذه النــقــابـات . شحال من شــركـة خـرجـوا عليها غير النقابات ديال والــو

  • ismail
    السبت 2 نونبر 2013 - 11:46

    وبزااااااااااااااااااااف هادشي نهار يومين ولكن بزاااااااااااااااااف هادشي

  • معانات BUS
    السبت 2 نونبر 2013 - 11:58

    منذ مجيء هاد ستاريو و حتاكرات السوق و المواطن يعان ويعان فناهيا المنافسة فناهيا راحت المواطن ولن كنتسناو BUS بالساعات والازدحام والاختناق والسرقة حتا باش نخلصو 4dh خاصك تسافر فالطبيس حشوما هاد الشي في العاصمة RABAT الناس صابرين مي مغديش يبقاو ساكتين

  • محسن
    السبت 2 نونبر 2013 - 12:20

    صباح الخير انا من راي نحيدو طوبيس او نديرو. مركبات بحال نقل الموضفين لان طوبيس مكاينش طريق ديالو رباط مضيق زيادة نمتصو عدد بطالة كل منطقة نديرو ليها لون خاص كلا مركبة تهز 10 ركاب بنضام ونتضام او انا تتلاحضو التغيير انا تتشوق طوبيس ناس لي خداما فيه اول حاجة مافهماش القانون السير حثى الوعي ماكيانش. وقفت عليهوم نهار قولت لمجموعة من سائقين لماذا تتركون حافلة مشتغلة رغما أنكم واقفون في محطة لمدة ساعة اجابوني. راه سيركوي الى ضفناه. مايدمريش دخلنا عليكوم بالله واش إحنا صنعناه شوفو عقلية كيف دايرة امية من راس حثى رجلين

  • طالب جامعي
    السبت 2 نونبر 2013 - 12:43

    الحل في نظري التعاقد مع. شركة الزا Alsa
    فهي شركة رائدة في هذا المجال. و خدماتها في مراكش و اكادير اكثر من جيدة و ممتازة.

  • mr bennani
    السبت 2 نونبر 2013 - 12:58

    بالنسبه إلي القابض وجد راحته و هو جالس و لا يقول لك أدي ثمن التذكره . و أنا أحد المتدررين و أطالب السلطات بقمع هذا اللإضراب و أين هي أيام المخزن عندما يكون إضراب يقم العسكر بتولي المسؤولية

  • ام رجاء
    السبت 2 نونبر 2013 - 14:45

    اكفس خدمة هي تكون شيفور الا رسفور فشركة ستريو. واش لكيخرج من دار ف3 تصباح انهار كامل اهو خدام اكيسمع لكلام الفاسد افا خر شهر كيشد 2فرانك اناس ديال ادارة كاين لمكيجيش يخدم اكيتخلص مزياااااان يعني ناعس و كايتخلص على ظهر الشيفور و رسوفور. واش ماشي حكرة هادي ??

  • ايوب من الجيل الصاعد
    السبت 2 نونبر 2013 - 15:19

    السلام عليكم و رحمة الله و بركاته
    في القنيطرة متلا انسحبت قبل اشهور شركة الهناء دات الحافلات القديمة من الخدمة و احتكرت شركة الكرامة القطاع …. رغم جودة حافلاتها لكن يبقى الاحتكار اهم اسباب الأزمة في كل القطاعات فمتلا … ان قام موظفوها بالاضراب وهو حق مشروع فمن يتكفل بنقل الركاب !؟
    الاحتكار ليس فقط في مجال النقل بل في كل القطاعات !!
    للعلم وزير النقل و التجهيز هو الرباح المرشح من مدينة القنيطرة
    والسلام خير كلام

  • غاضب
    السبت 2 نونبر 2013 - 15:52

    هاذ الشركة ما كيهمها غير الربح السريع على حساب المواطن المغلوب على أمره. أما الشيفورات والقباض فهم رافعين اقنانفهم فب السما. شحال من مرة كيدوز الطوبيس خاوي وميوقفش للناس انتقاما من الشركة ومن المواطنين. أما النقابة الكدش فبدلا من حل المشاكل بين العمال والشركات بالحوار فهي تلجأ للنصعيد والتهديد والإضراب وفي النهاية راه العمال والمواطنين هم الضحايا.
    وحنا في هاذ البلاد ىمزال المسؤولين كيدبزوا غير مع مشكل النقل ويعلم الله كيف غادي إحلوا مشكل البطالة والصحة والتعليم و و…

  • mohamado
    السبت 2 نونبر 2013 - 17:25

    اللهم بدل سوء حالنا بحسنه اميييييييييييييييييييين

  • ايمان
    السبت 2 نونبر 2013 - 18:18

    انا متفقا مع صاحب التعليق 3 – عباس كون يديرو ديك الطريقة ديال ان القابضة تكلس القدام واللي طلع يخلص واللي بغا ينزل يهبط من الوراء كون ميلقاوش المشاكل انا شحال من مرة كتسولني شي مرا بغا تخلص واش مكاينش الرسفور حيت كايكون كالس بحالو بحال الناس باش غيعرفوه او القضية ديال انهم يوقفو ادورو على الناس باش يخلصو صراحة صعيبة عليهم حيت فاش كيوقف الطوبيس فشي محطة خصوصا مع 6.00 دلععشية الفوق كيهجمو قوم على الطوبيس او اغلبية سالتين كي غيدير يتخلص منهم انا صراحة كيبقاو فيا غير الرجال والعيالات الكبار في السن او المعاقين مكيرحمهومش كلشي غراضو غير يركب ايوصل الا القليل اللي ف قلبو الرحمة الله يكون مع الجميع و الله يسهل الامور

  • الأشقر
    الإثنين 4 نونبر 2013 - 17:21

    السلام عليكم
    كلكم غير تتخربقو المسؤول الوحيد ماشي القابض ولا السائق ولا النقابة
    اللذي يتحمل المسؤولية هو المجلس المدينة الرباط و سلا و مستشرين كنصوتو عليهم كينجح ثم كقلب وجهو هما لي خصهم يبلغ معانات السكينة البرلمان و ناضلو. ولكن هما خصهم غير ممي و نني وحنا نعاودو رسنا.

  • فاعل خير
    الخميس 7 نونبر 2013 - 15:37

    ا لمشكل الحقيقي كاين فمواطن اللي قاضي باي حاجه لوكان درنا العزراسنا
    لوكان تقاد الطوبيس ومواليه

صوت وصورة
وزير النقل وامتحان السياقة
الخميس 28 مارس 2024 - 16:02 3

وزير النقل وامتحان السياقة

صوت وصورة
صحتك النفسانية | الزواج
الخميس 28 مارس 2024 - 16:00 1

صحتك النفسانية | الزواج

صوت وصورة
نقابة الممرضين تعتصم بالبيضاء
الخميس 28 مارس 2024 - 15:40 1

نقابة الممرضين تعتصم بالبيضاء

صوت وصورة
ما لم يحك | البصري وتبذير الأموال
الخميس 28 مارس 2024 - 15:00 2

ما لم يحك | البصري وتبذير الأموال

صوت وصورة
الأمطار تنعش الفلاحة
الخميس 28 مارس 2024 - 13:12 3

الأمطار تنعش الفلاحة

صوت وصورة
حاجي ودمج الحضرة بالجاز
الخميس 28 مارس 2024 - 12:03

حاجي ودمج الحضرة بالجاز