تتجه وزارة الصناعة والتجارة والاقتصاد الأخضر والرقمي إلى تعديل قرار الحصول على تراخيص التصدير، بما يسمح للمصانع المشتغلة في مجال الكمامات أن توجه جزء مما تنتج إلى الخارج.
وسبق أن حددت الوزارة قائمة السلع التي تستوجب الحصول على تراخيص خاصة قبل استيرادها أو تصديرها في وقت منعت فيه استيراد الأقنعة الجراحية في الفترة الحالية، ودخل هذا القرار حيز التنفيذ ابتداء من نشره في الجريدة الرسمية في الثاني من مارس الماضي.
قرار منع تصدير الكمامات إلى الخارج وضع استثناء واحدا، هو عدم تجاوز 50 في المائة من إنتاج أي مصنع، رابطا ذلك بضرورة أن تكون الوحدة الصناعية قد استوردت ثوب التصنيع من الخارج في إطار الاستيراد المؤقت. وهذا الأمر تم اشتراطه على شركة إيطالية أرادت التصدير.
وفي الوقت الذي تصدر فيه عدد من الوحدات التي لا تعتمد على الثوب المغربي نصف الكميات المنتجة من طرفها إلى الخارج، يرتقب أن تتخذ الوزارة المعنية قرار بدء تصدير الكمامات المغربية التي تلقت بشأنها المملكة العديد من الطلبات من طرف دول كثيرة، منها دول أوروبية، حسب ما سبق أن كشف عنه الوزير حفيظ العلمي.
وبلغ الإنتاج اليومي للمغرب من الكمامات، وفقا لآخر المعطيات، سبعة ملايين وحدة، بالإضافة إلى مليون وحدة صالحة للاستعمال أكثر من مرة، وهو ما جعل المملكة تتوفر على فائض كبير من هذه الواقيات التي كثر عليها الإقبال منذ الإعلان عن إجبارية ارتدائها عند الخروج من المنازل وفي الفضاءات العمومية.
المعطيات التي توفرت لهسبريس أكدت أن الوزارة المعنية قررت تقليص عدد نقاط البيع بعد اعتمادها على الصيدليات في هذه العملية، الأمر الذي جعل منصات التخزين الجهوية تكدس ملايين الكمامات، ما قد يعرضها للتلف في حال عدم تصديريها واستمرار المصانع في إنتاجها.
يأتي هذا في وقت بلغ فيه عدد الشركات التي تصنع الكمامات في المغرب 19 شركة، في حين يرتقب أن يتم الترخيص لحوالي 32 شركة أخرى وضعت طلباتها، وهو ما سبق أن كشف عنه الوزير العلمي الذي أوضح أن “جميع الشركات التي تتوفر على الآليات ستشتغل في مجال تصنيع الكمامات”.
وتكلف صناعة كمامة واحدة 1.10 درهما، وتقرر في البداية أن تباع للعموم بسعر يتراوح بين 2 و2.5 درهما، دون هامش ربح للمصانع، إلا أن الملك محمد السادس قرر أن لا يشتري المغاربة الكمامات بهذا الثمن.
وبناء على توجيهات الملك محمد السادس للوزير العلمي، تم التراجع عن بيعها بدرهمين ونصف، وحدد ثمنها في 80 سنتيما للعموم، كما تم الاتفاق على أن تخرج الكمامة الواحدة من المعمل بـ60 سنتيما مقابل دعم من الدولة في حدود 50 سنتيما.
ههه شي ستة تاع المرات ولا كثر تنمشي نسول عليهم تيقولو مكينينش توليت نصبنها ولبسها الكمامات مجودين غير فتلفزة
واش باغين تحمقوني. وانا كانقلب على كمامة وحدة مالقيتهاش وانتوما كاتقولو فائض فالإنتاج.
بالنسبة لالكمامات التي تباع في السوق المحلي لا مواصفات ولا وقاية ووضعها مثل هدمها
فين الفائض، ولم ن حد في الأسواق الا الكمامات الرديئة والتي في أدنى المستويات…..!!!
واش بصححح ياربي مايكونوش بحال هادوك ليشريت مابغيتش اضحكو علينا هادوك لغادي اشريوهوم
واش كنامات حنا مالقينهمش وكيصدرو فيهم ؟
ايلا كانو غي بحال هادو اللي كايتباعو فلحوانت و الله شراتها منكم شي دولة
عالق في ولينغتون عاصمة نيوزيلاندا منذ 50 يوما وقربت نسطي بغيت نكون مع الواليدين في رمضان. جيت برحلة عمل 5 دالايام وقبل يوم واحد من رحلة العودة حبسوا كلشي في المغرب وسدوا الحدود. كنتمنا دابا على الاقل نكون في العيد مع الواليدين والاهل.
ياك ساكن تما في فندق 5 نجوم واكل شارب والحمد لله وكلشي مدفوع من الشركة ولكن هدي أول مرة غنكون خارج المغرب فرمضان.
مستعد نخلص التمن ديال العودة وخا حتى لو غادي يكون 100 الف باش نعود للدار.
جودة الكمامات لا ترقى إلى المستوى المطلوب: الهواء يدخل بشكل عادي فما بالك بالفيروس. شريط واحد لتتبيت الكمامة يجعلها غير مجدية دون الحديث عن الرائحة التي لا تطاق. التمن هو 3 دراهم في الواقع الذي يختلف عن إشهار التلفزة.
التصدير ؟ اكيد جودة أعلى. فقيمة المغربي لا تساوي عندكم قطعة كمامة جيدة للأسف
فين موجودين الكمامات. الصيدليات في الرباط وسلا كسول المرة الاولى كيقولو شويا ويجبوهم بعد ساعة كترجع كيقولوا ليك سلاو اما المغرب غير النافع كيسمعوا بهم غير في التلفزة وعلى لسان الوزير
عنداك احشمونة راه شي كمامات تنشوفهوم مافيهوم مايتشاف
وسيدي زيد وبارك صدرو مع راسكوم وصدرونا حتي حنا
شاطو علينا نخاف لا يصدر تجربة قانون التكميم 22.20
نشكر الملك محمد السادس لحرصه على صحة الشعب المغربي، نتمنى لك يا ملكنا الصحة و العافية، و اللهم احفظ هذا البلد
على الدولة أن ترفع الدعم على الشركات المصدرة مع الإبقاء على ثمن البيع ب80 سنتيم !
فيما كنخرج كنسول فالحوانت وفالصيدليات كيقولو ليا مكاينينش وليت كنضطر نعاود نخدم بيها كنشرها فالشمس لعلا وعسى تقضي على شيحاجة لكانت داك الفائض عطيوني منو غير شي 2 علب
أودي راكم كتخاطروا بالعمال مساكن….على الأقل زيدوهم في الأجرة في هذه الأوقات الصعبة….وجب على المسؤولين عدم بخس مجهود ومغامرة العمال بالزيادة في الأجرة….بارك متمصوا في دم العمال….كلشي دار الثورة فقط على حساب هظم حقوق العمال….كلشي …كين غير حرث على عباد آلله…عار
فرصة جيدة لتخفيف الضرر عن صناعة النسيج وكذا جلب العملة الصعبة والترويج لاسم المغرب في العالم.
المرجو التشديد على الجودة لضمان صورة جيدة للمنتوج الوطني . وكذا دعم المزيد من الشركات على الابتكار والتميز وتصدير منتجات ذات قيمة مضافة بما فيها بعض ابتكارات والاختراعات التي ابان عنها الشباب المغاربة.
إلى بحال هاذو اللي فالسوق غير خليوهم بلا ما تشوهونا، كلهم كيتقطعو فليد قبل ما تلبسهم، اما إلى. ديال التصدير فيهم شي جودة احسن توكلوا على الله
غير الله بخليكم رفعوا شوية من الجودة حتى تصبح الكمامة المغربية" مصدر فخر لكل المغاربة وليس العكس
بصراحة فالاول كان خصاص اما الان فالكمامات متوفرة في جميع الصيدليات . والله اعلم حسب المناطق . فحتى بعض الاشخاص الله يهديهم يقتنون اكتر من اللازم .
هل هذه الكمامات اجريت عليها التجارب اي الجودة ffp2 او ffp3 وإلا فلا قيمة لها لأن الفيروس سوف يكون بمقدوره الدخول منها .
2 مفقودين في المغرب
المقدم – الكمامات
لكن على قنوات الاخبار خاصة 2M كل شيء موجود بوفرة و الاثمن عادية .
السمك اليوم سردين سخفان بالشمس في تازة ب 20 درهم
اما السمك الابيض فالفقير مسكين فقط ينظر في اثرياء المدينة يشترونه
هل من استفاد من معونة التضامن 800 درهم او 1000 او 1200 درهم يستطيع توفير خلال هدا الشهر الفضيل الحليب و الدجاح و البيض و السمك و اللحم الاحمر + يعمر البوطا و 5 لتر من الزيت و خنشة نتاع الطحين و يخلص الماء و الكهرباء اما الا كان كاري فممتي راه مسكين حالته لا يعلمها الا الله
الرباح الوحيد من محنة كورونا هما الخضارة و اصحاب محلات بيع الدجاج و الهريات . ضاربين يديهم بالمزيان ما تبقى من الطبقات الفقيرة و المتوسطة ينتظرون فرج الله
تقريا 50 يوم لم ارزق و لم اشوف درهم الي كان مشا في المصروف و قريب ندخل في الافلاس و احمد الله لا اسكن بالايجار
نتمنى ينتهي الحجر في القريب العاجل كنا كنصورو 50 او 70 او 100 درهم و عايشين مستورين
سيصدر المغرب كماماته إلى الخارج بعدما فشل في تكميم أفواه المغاربة!!!…ثم كيف سيتم ذلك من خلال نظام الاستراد المؤقت الذي يعرف تعقيدات و اختلالات كبيرة!!!؟؟؟…أعرف نظام الاستراد و التصدير بالتفاصيل المملة…
هاد الناس كيضحكو علينا.الهم ديالهم من الاول هو يصورو الفلوس و دارونا طريق باش يوصلو للهدف ديالهم.
الماسك الحقيقي هو ffp2 لي تيستعملوه لي خدامين في السبيطار,اما ماسك الهروي فبامكانك صنعه في داركم.ثلاث طبقات من التوب ولاستيك وهانتا مغطي
إنتاج الكمامات الواقية وتصدير جزء منها إلى الخارج عملية إنسانية, مربحة على المدى القريب والمتوسط وربما حتى على المدى البعيد. كذلك العمل على إنتاج أجهزة التنفس الإصصناعي وتصدير الفائض إلى الدول التي تعرف خصاص كبيرا وهي الآن تسابق الزمن للحصول عليها. أجركم وأجرنا عند الله ونتمنى لكم كل التوفيق
لا حول ولا قوة إلا بالله فين هما الكمامات مالقيناهمش لدوا الله يخد فيهم الحق حسبنا الله و نعم الوكيل
هذا هو الحل ، حركو الصناعه باش نعتقو الاقتصاد ، لي كيخرج غي يعصر فلقهاوي غي بقاو سادين عليه ، طلقو الناس تمشي تخدم ، بالنسبه للكمامات فلول مكنتش كنلقاها ،دابا كاينه فصيدليه لي حدايا .و هاداك لي كيگول كدخل الهواء ،راه عادي ولا بغيتي بنادم يتخنق .
هذم الكمامات بعد تجربتها شخصيا لاحظت فيها عيب كبير كان يمكن تفاديه بسهولة ثامة الى و هو كونها تبقى مفتوحة من الاعلى و من الاسفل و تنزلق من جهة الانف ،،،، و ذالك لكونها تتوفر على رباط واحد في الوسط و لا تتوفر على مثبت الانف كما يوجد في الكمامات الاخرى
هذا هو الحل ، حركو الصناعه باش نعتقو الاقتصاد ، لي كيخرج غي يعصر فلقهاوي غي بقاو سادين عليه ، طلقو الناس تمشي تخدم ، بالنسبه للكمامات فلول مكنتش كنلقاها ،دابا كاينه فصيدليه لي حدايا .و هاداك لي كيگول كدخل الهواء ،راه عادي ولا بغيتي بنادم يتخنق .
الكمامات متوفرة بكثرة في التلفزيون اما خارج التلفزيون فلا وجود لها
الخيط او لاستيك. يتقطع في اول محاولة….. وعليه مشات الكمامة…. اوا. اشمن تصدير واش بغيتو الفرشا
راه منهم ل في البلاصة داك الخيط مسكين تيطير وتينوض من بلاصتو….
راقبو غير الجودة لنشوهو فالعالم
الحكومة بقيادة الطبيب النفسي العثماني بغاو يزحقوا الفريخ للمغاربة،،،، كمامات غير موجودة لا فى مرجان ولا الصيدليات ولا محالاات البقالة أنا شخصيا بحت عنها حتى تعبئت ولم اجدها وأضررت لأخيطها فى البيت…
المغرب لأسف بمثل هذه التصرفات لن يتقدم تيديروا العكر على الخنونة وكترة الإشهارات والكذوب فى قنوات الصرف الصحي والمواطن يعرف أنها مهزلة وحتى دعم راميد دعاية كبيرة والناس استلمت اعانة شهر مارس فى الشهر التانى ونحن فى ماي وهنالك من لم يستلم اعانة شهر مارس ههههههه اكتر شئ يهم الحكومة هو الصور والنقل عبر القنوات ليثبتوا للعالم انهم خدامين لكن الواقع شئ أخر، المواطن البسيط واكل الدق
ليس غريبا على بلد عظيم على مر التاريخ اسمه المغرب بنسائه ورجالاته وهذا ماجعل حسادنا يخرجون وبكل حقد وحسد في اللغو والحديث المنكر على اسيادهم.
أدام الله على مملكتنا الشريفة الامن والرخاء والرقي والازدهار وجعل كيد حسادنا يرتد إلى نحرهم.
.
شكون فيكم المعلقين بانت ليه هدا الوفرة وبغين نعرفو وش نفس الجودة لكين في المغرب غتصدروها بش يضحك عليكم مزيان رلغدين تصفط ليهم كاليتي حسن وحج أخرى شفن لوفرة لباغين تسد بها أفوه الشعب كالتي2220
على هذا الحساب باين بأن الوباء غذي طول وماكين لا دواء لا تلقيح غير الكمامات حتى السنة القادمة.الله يرفع الوباء والداء.
الحماق هادا الفائض لكانوا غير دوك الكمامات بناقص منهم اصلا هما كينين غير فالتلفزة واش تنبنوا ليكم…………..
المغرب يتجه إلى تصدير الكمامات بعد أن حقق فائضا في الإنتاج.. من يقرأ مثل هذه الأخبار يظن أن المغاربة يستعملون ما معدله ثلاثة كمامات لكل مواطن يوميا.. لكن الواقع ان نسبة كبيرة مند ان طرح قانون الكمامة وهي تستعمل عينة وحيدة تجنبا للغرامة
تحية تقدير وإجلال لهؤلاء العمال الذين يسهرون على توفير الكمامات للمغاربة لي ما عمرني شفت شي جهة كتمدحهم او كطالب ليهم بامتيازات راه هاد الناس هما لي عصب الاقتصاد المغربي. ولكن لانهم ضحايا الرأس مالية المتوحشة حتى واحد ما يقدر يهدر عليهم حتى هما يستاهل الزيادة فالاجور ويستاهلوا إلتفاتة وخصوصا فهاد الضرفية الصعيبة .
عكس ما نراه من تطبيل للقياد ورجال السلطة وكأن المواطن لم يساهم في انجاح حالة الطوارئ
اين هما الكمامات باقي لينا غير التصدير والله العظيم الكدوب على الكدوب
طفرناه حتى احنا اسبوع واحنا نقلبو عليهم مالقيناهم
السلام عليكم ورحمة الله وبركاته هذه الكمامات لا ترقى إلى التصدير إلى الخارج هذا من جهة و من جهة أخرى الغريب ان سعر الكمامة بمعنى رأس مالها في المصنع بين 20و 25سنتيما صاحب المصنع يبعها بي 60سنتيم و الدولة تدفع للمصنع 50سنتيما دعم هذا ظلم يكفي أصحاب المصانع هذا الهامش الربح أكثر من دوبل لازم الدولة تراجع حساباتها لأن سعر الثوب 23درهم للكلغ ووزن الكمامة لا يتجاوز 4.5غرام اتمنى رسالتي ان تجد أذن صاغية لأننا في أزمة مالية كبيرة جداً لهذا يكفي استنزاف الثروات و انا مسؤول عن هذا الكلام اتمنى ان الصحافة تسلط الضو على هذا الموضوع وشكراً
الكمامات التي تباع في المغرب غير صالحة ولا تتوفر على المعايير الصحية للاستعمال ولهذا فهي خاصة للمغاربة اما للتصدير فيجب أن تتوفر على المعايير الدولية والجودة المطلوبة بحال الحوت والخضروات والفواكه الجودة ليهم والدبشي لينا
نعم بعد الموافقة على قانون 20.22 تكميم افواه المغاربة أصبح فائضا في الإنتاج. الناس الذين يصدرون مثل هذه القرارات نسوا بأن المغاربة أكثر وعيا وثقافة منهم.
اليوم اشتريت الكمامة بصبدلية بمدينة العيون ب:10 دراهم للواحدة.
ما كنظنش غادي يصدرو هاد الكمامات لي كتباع دابا، أولا حت عارفين أوروبا ماغتقبلش لي كان، وثانيا رائحتها فشي شكل وثالثا فيها خيط واحد ويتمزق بسهولة وكيقولو دارو شريطين وفيناهما انا بعدا عندي ذات الشريط الواحد
فرنسا وعدت شعبها بأنه سيحصل على كمامات ابتداءا من 4 ماي و من باب الصدف العجيبة أن المغرب قرر في 2 ماي أنه سيبدأ بتصدير الكمامات الى الخارج. اللعبة واضحة و مفهومة و لا تخفي الا على أعمى أو متعامي.
المغرب ضيعة فرنسا تعبث بها كما تشاء.
المغاربة يصيحون بملئ حناجرهم أنهم لم يحصلو على كمامات لكن المغرب يصر أن الكمامات موجودة بوفرة و لا يبقى الا التصدير من اجل تمرير الانتاج الى الاسواق
غير ملي تصدرهم اتشدو فلوسهم نزلوهم فصندوق مكافحة كورونا بارك متنهبو فدرويش
تخايلو معي سويدية داير كمامة ديال 16ريال
آسي مصدير
بالفعل أصبحت متاحا ولايسأل عنها الناس توجد في الصيدليات في مدينة صفرو بوفرة وب 8 دراهم ل 10 كمامات ؛ لم يعد عليها الإقبال كما كان في الأول ..
لكن مهما كان الأمر اشكر باسمي جلالة الملك لتدخل في حق ثمن بيع الكمامات لأنه لو لم يتدخل في تحديد السعر المناسب لبات الثمن عشوائي لكن الحمد لله
استغرب كيف أصبحنا نتكلم عن التصدير ومازلنا لم نحقق اكتفاء دانيا! بصفتي صيدلي بمدينة مراكش لم نتوصل ولمدة يومين(الخميس والسبت) بأي شيء من عند الموزعين الذين هم بدورهم لم يتوصلوا بأي شيء.
اصبحت استحيي عندما يسألوننا الزبناء هل الكمامات متوفرة! ثانيا اريد ان اضيف اننا ان بعض الكمامات التي سبق وأن توصلنا بها لا تتوفر على (les normes) .ولا يجوز أن نسميها كمامات للاسف!
لا حولة ولا قوة الا بالله العلي العظيم
والله مزال ملقيتها
كنخرج بلا بيها
مشيت فرماسيا حديت كمامة و قرعة ديال معقم متوسطة حسب عليا 50 درهم . ؟؟؟؟؟؟
كمامات دارو من أجل الربح لا من أجل سلامت المواطنين كمامات رديئة الصنع رغم ذلك لن تجدها إلا في التلفاز. 9 ملايين كمامة في اليوم هههه
كمامات دارو من أجل الربح لا من أجل سلامت المواطنين كمامات رديئة الصنع رغم ذلك لن تجدها إلا في التلفاز. 9 ملايين كمامة في اليوم هههه
انتما هاذ الكمامة لي منوضين عليها الصداع
ساهلة صوبها في الدار من كلينكس و بابيي سرفييت و لاستيك وكرافوز كلشي من عند مول الحانوت دواز عليها المصلوح هاهي مريكلا معقما و لاستعمال احادي و محافظة على البيئة
و الفيديوات د التصاويب ديالها غير في اليوتوب
تنتمنا إصدرو للخارج بحال ديك ألي عندها لاستيك واحد .
الكممات في الصيدليات وبرفرمس والمتاجرة الكبرى …
وصلت اليوم عشرة ملايين وآلات تنفس إلى أمريكا. وأوروبا تطلب مليار كمامة أيضا من المغرب. هناك تختفي الكمامات.
ا سمع ا سي، فائض فالانتاج هيا فائض فالانتاج واش غاتفهم حسن منهوم؟ الكمامة كاينة و بوفرة كاع، حل عينيك و غاشوفها، راهوم دايرينها فاللون الحمري عليها ماكاتبانش، راك لابسها مشحال هادي غا قلب مزيان ا صاحبي…. ماعلينا، واخا كلشي كايتشكا ماكايناش الكمامة غي هوا كولشي لابسها، انه الاعجاز المغربي يا سادة…
واراه ماكاينش لكمامات فوجدة واش المسؤولين عارفين هاد شي ولا لا. ياعباد الله ماكاينين لا فالفارماصي ولا فالاسواق الكبرى. الناس هنا دايرين كمامة وحدة شي وحدين كمامات ديالهم خانزين ومقطعين اشمن فائض اشمن تصدير
هههه قالك فائض في الانتاج
انا راه بحيت مبقا عندي سوفل معا هاد لحكومة ، وا فين دعم ديال اخر شهر مارس اسي لعثماني اولا تكمشتو عليه راه بينا او بينكم الله اصحاب ضمان اجتماعي توصلو بيه او فءة قطاع غير مهيكل لا ، او فين شفافية والمساواة اوا عنداكم تبقاو لا نتوما لا حنا ، الناس يتقطعون من كل نواحي او نتوما فينكم.
كمامات مدعمة بصندوق كورونا ب0.08 $ و كمامات مصدرة ب0.07$ ؟؟؟
صباح أمس اشتريت علبة من صيدلية بسيدي معروف بالدار البيضاء لا تتوفر أي كمامة فيها على لاستيك. حشمت نردها للصيدلية ﻻنها حتى هي ما فتحاتهاش.
قمت بتجربة هدا الصباح وضعت الكمامة المزعومة وقمت بعملية زفير على ولاعة مشتعلة فإدا بها تنطفإ يجب تحسين جودة الكمامات لتكون أكثر وقاية ،وإلا لاجدوى من وضعها
المغرب ليس لديه اكتفاء في الكمامات. غير أنه قلة الوعي فمن الناس من يستعمل كمامة واحدة لمدة اسبوع . رغم ان صلاحيتها لا تتجاور اربع ساعات
أنا شريت 4 كمامات ثوب قطن من الصيدلية و كنصبنهم و تعقيم
اكتر من 80 وحدة صناعية تعمل ليل ونهار والإنتاج يفوق 8ملايين كمامة في اليوم والمشاكل الداخلي في التوزيع وهناك نظرة مستقبلية بعد 20 ماي.
هناك عدة اعتمادات خصصت للتصدير وقد تم تصدير ما يفوق 25000كمامة طبية ومئات أجهزة تنفس اصطناعي الى الولايات المتحدة ويستمر التصدير مستقبلا. وسيشمل بعض دول الاتحاد الأوربي.
خلينا نكونو إيجابيين الكمامات موجودة في الصيدليات والكمامة الجيدة مدخل متخرج الهواء 10درهم ولستيك مزيان ويمكن تصبنها ورطبة بنسبة لخدام يمكن يشري ثلاثة وكل 3ساعات يبدل وحدة ومنين يجي لدار يصبن ونتمنا السلامة للجميع
جربوا هاد الكمامات ديروها ونفخو على شي شمعة شاعلة وغدي تشوفو بلي الشمعة غادي تطفى هدا يعني بانها لا تصلح لشيء ولا تقي الانسان
المهم الخبار فراسكم راها ما كتحضي تا زفتة
وقالك اسيدي غيصدروها للخارج
لا حول ولا قوة الا بالله وشوف على جبهة وباز
نسمع وجود الكمامات الصيدليات و المتاجر لا و جود للكمامات إلا في الاشهارات لم نجد الكمامات و انتم تقولون المغرب يصدر الكمامات هذا تناقض
لا حول ولاقوة إلا بالله العلي العظيم حتى ف هاذ الظرفية شغلهم الشاغل الفلوس يصدرون كمامات ف الوقت للي ولاد البلاد ملقاوهمش هذا راه الهبال وبالعلالي للي بغ يموت يموت وانتم آش غد تڨولوا لله زعم المثل المصري المشهور إلي إعوزوا البيت يحرم عل الݣامع غير مطبق عندنا ف المغرب
السلان عليكم ورحمة الله وبركاته دابا نتوما لي كاتقولو كاين فائض فإنتاج الكمامات او باغيين تصدروهم راه حنا فهاد المنطقة بالضبظ مدينة سلا معندناش الكمامات او أي صيدالية كتمشي ليها مكتلقاهاش حيت كيقولو لينا راه متوصلنا بوالو او نتوما باغين تصدروهم عطيو لبلادكم بعدا عاد شوفو الدول الأخرى أولا مكيهمكمش فقراء تاع بلادكم ماشي موشكيل اموتو
الكماما الاولى مابيهاش اما من بعد كاتخنقك نصف ساعة تحس براسك اتخنق مفتوحة من جناب ومن التحت مشودودة بواحد لاستيك فشكل هههه نصف ساعة بحال ايقطع ليك ودنيك مشاااكيل ولكن كما كان الحال حسن من والو
اللهم يسير
من الاحرى القول ان المغرب يتصدر قائمه تكميم الأفواه.
الكمامة التي صنعت في المغرب لا ترقى الى المستوى المطلوب فهي خشنة وخيطها يتلاش بسرعة جدوتها رديئة جد لهذا اقول لمن صنعها وجب عليك تطويرها
فينهم فينما نمشي نسول تيقولو تسالاو
انا اي فرمسيان كنمشي نشريهم. موجودين و الحمد لله. و مزيانين. الخيبة هي حلف الزور الا فعلا عارف كينين و كتقول مكينينش.
لمن يبحثون عن الكمامات لو سمحت الدولة بوجود الكمامات و بكثرة و في كل مكان لوجدت كل المغرب في الشارع و تجد صاحب التصريح يخرح 20 مرة في اليوم ادن السبيل الوحيد هو قلة الكمامات حتى يبقى البشر في الحجر ديالو اوا فهمتو
Arrêtez de critiquer, je suis témoin que le gouvernement marocain a acheté la matière premier d un pays européen de première qualité ou ce pays a un grand manque des masques, il faut erre fier de notre pays et de du Roi le dieu le bénisse qui s est intervenu dans ce probleme bravo
لا تشككوا في جودة الكمامات راه يطبقوا عليكم قانون العثماني الجديد 5 ملايين غرامة و 5 سنين سجن.
الله يرحم بيها الوالدين
ها لعار بلا ما تحشمونا مع البراني
خليكم غير معانا
نحن قابلين على كولشي
ليس هناك كمامات في الصيدليات ب وجدة ..المرجوا سد الخصاص ثم التفكير و مشاورة الجميع قبل اي تصدير
ما اعرفه ان شركات للخياطة بالمغرب تلقت طلبات لاعداد كمامات بمواصفات محددة من لدن دول اجنبية 'ايطاليا وانجلترا..).فهل هذا تصدير؟؟وهل تستطيع الحكومة تصدير ((قانون التكميم))؟.كل شيئ يتم تزويره في الضيعة.اما الكمامات الموزعة بالمغرب معظمها خانز ولا يفي بالغرض.كما ان العدد قليل بالدكاكين والصيدليات.
دبا القفف لي كانو خرجو في عوض الميكة هما هادو . القفة ب 50 سنتيم. وشدو صنعو منها الكمامة رانفس الثوب . وكيبعوها ب80 سنتيم. شفتي الربح كيداير
فائض بالإنتاج!!!؟ وما زال اللي ملقاهاش وعامل كمامة بقطعة قماش فيها لاستيك ..فعلا شر البلية ما يضحك!
مثل هذه الكمامات يمكن لاي واحد ان يصنعها لنفسء وكفى اما الكمامات الوقاءية فهي خاصة بالاطقم الطبية وثمنها غالي