" الراب المغربي " يرثي غزة

" الراب المغربي " يرثي غزة
الأحد 18 يناير 2009 - 03:20

مع تواصل العدوان الغاشم على غزة للأسبوع الرابع على التوالي عبر عدد من فناني الراب المغربي عن تضامنهم مع سكان قطاع غزة بأسلوبهم الخاص وذالك عبر أغانيهم الجديدة المساندة للمقاومة والمواسية للضحايا الفلسطينيين.


وقد أصدرت فرقة “كازا كروا” أغنية خصيصة لما يدور بالقطاع المحاصر بعنوانغزة تحت النار“ومن كلماتها البارزة :


– قنابل يا ناس دوات سكات ظلام الليل…والله والله مانسكوت


–غزة دراري تموت مهوهم ودموعهم تسيل… يالاه قبل مايفوت الفوت


وقد لاقت هذه الأغنية استحسان عشاق الراب لما تحتويه من كلمات مؤثرة ولحن يشد الانتباه كما عاتب الكثيرون قناة دوزيم عبر برنامجها أجيال الذي يذاع كل احد لتجاهلها أغنية غزة تحت النار وإدراج أغنية كاينة فوضى لنفس الفرقة كأفضل مقطع مغربي حسب تصويت الجمهور .


كما التحم مجموعة من مغنيي الراب المعروفين من أشهرهم “ماسطا فلو” من فرقة “كازا كروا” و”الدوغ فايس “وكولونيل من الرباط والعربي من طنجة في أغنية موحدة ، معنونة ب “كلنا معاك غزة” و تبتدئ ب:


قلبي وكتابتي غزة اليوم معاك….عندك العالي وربي ديما معاك


الله ياخد الحق فللي تيقتل ناسي… وربي شايف وكاع ماناسي


مقدرتش نشوف ناسي فغزة تيموتو…والعالم ساكت والتصاور تيفوتو


دراري صغار ونسا وشياب تيموتو… بغينا الحق كلشي يعلوا صوتوا


الصبيطارات عامرين مكاينة بلاصة… شهداء ميتين فكل بلاصة


كما سينظم البيغ سهرة فنية بمركب الأمير مولاي عبد الله بالرباط يوم 24 يناير على الساعة الثالثة زوالا لفائدة فلسطين رفقة “هاش كاين” وذالك حسب ما أعلنه في صفحته بالفايس بوك ،وهذه قائمة بأسماء مغنيي الراب الذين أصدروا أغاني تضامنا مع قطاع غزة المنكوب.


– عدنان / غزة بلاد السلام/


– موبيديك / جينوسيد غزة/


– كاو لوز / دموع غزة /


– رباط كرو / حسرة/


[email protected]

‫تعليقات الزوار

36
  • badro0100
    الأحد 18 يناير 2009 - 03:50

    اخواني جاء في موضوعكم اسم
    “الدوغ فايس ” على انه مغني راب لكنه هو من انتج الاغنية و هو ليس مغنيا كما ان اسمه ليس “الدوغ فايس ” بل تيك فايس
    thug face ارجو التصحيح لان الاولى تعني dog اي الكلب و فيها تحريف و سب عن غير قصد و السلام

  • انسانة صريحة
    الأحد 18 يناير 2009 - 03:42

    و سيرو تلعبو ديرو خير غير فريوسكوم
    او فحالتكم المدربلة بقاليكم غير لالاكم غزة
    يلا بغيتو تنصرو غزة دعيو معاهم او سيرو تقراو القران را و الله ما عند داك الراب ديالكم مايدير

  • دحدوح
    الأحد 18 يناير 2009 - 04:34

    اش جاب الطز للسلام عليكم .

  • نوسة
    الأحد 18 يناير 2009 - 03:54

    هاد الناس ديال الراب اللي تيضحك فيهم هو ديما تيبغيو يبانو عايقين و فايقين اكثر من البشر كلو… و دايرين في راسهم حالة… شوف غير سراولهم طايحين و داك التيشورتات اكبر منهم… هاهاها… و زايدينها بالعياقة…شبعانين عياقة مساكن… و متيتشلخوش… هاهاها…

  • ملالي
    الأحد 18 يناير 2009 - 03:56

    سيروا تلعبو، واش ما صاب شكون يدافع على الفلسطينيين العزل إلا هاد المنحرفون المرضى.
    اتقوا اللـه ! راه هاد الراب ديالكم من صنع اليهود والماجوس لقتل الضمير في المسلمين.
    سيروا توضاو وصلوا وادعاوا مع الفلسطيننين المجاهدين في الصلاة أحسن. أما التشايطين ديالكم راكم خرجتوا به على المئاة ديال المغاربة أولا، بقا ليكم عا الفلسطينيين.
    سيروا اعتقوا روسكم آبعداك من الشياطين.
    لا حول ولا قوة إلا باللـه.

  • hulia
    الأحد 18 يناير 2009 - 04:04

    تفوعلى شعب قبل مايجمع سروالو جمعي فمك هوالأول و كل واحد حر فتعبيرو فتضامن مع غزة
    ولا نتما دائما عند بلكم حسن من بنادم تعليقاتكم تخلني نكره أني أنتمي إليكم يخ

  • marouane
    الأحد 18 يناير 2009 - 04:16

    يجب أن نتضامن من أجل إنقاذ هذه الفئة من الشباب ضحايا الصهاينة قبل أن نفاجأ بعدو ما فلا نجد من يقاوم .
    أهل غزة بخير لهم رجال كالجبال أما المصيبة فكما ترون مصيبتنا شباب لا يكاد يشد حزام سرواله فكيف به يشد العزم؟ فلا نطلب منهم سوى أن يسدوا أفواههم و يتركوا غزة، فلها رجالها الذين يعرفون قيمة الرجولة.

  • ياسين
    الأحد 18 يناير 2009 - 04:06

    فعلا كانت اغاني جميلة و مؤترة افضل بكتير من بعض الا غني االتي تسمى العصرية التي تغنة بغزة . الراب المغربي دائما حاضر في قضاياالتي تمس المجتمع لمغربي و يوم بعد يوم يكرس مكانته

  • moi
    الأحد 18 يناير 2009 - 04:08

    هل البيغ أو كازا كرو فنانين والله بهدلتو بالفن يعطونهم قيمة لا يستحقونها لا صوت لا صورة النباح والنواح والعياقة بالزايد

  • amine
    الأحد 18 يناير 2009 - 03:36

    أنا شخصيا ليس لدي مانع في أن يعبرالشباب عن أنفسهم عن طريق الغناء كالفناير مثلا غنائهم يقتصر فقط على مواضيع اجتماعية ،لكن مشكلتي أنا و العديد من الناس المغاربة تكمن في حثالة المجتمع اللي كيسمي راسوا بيك راه حشومة أ عيب أ عار داكشي لي كيغني كلوا سبان سحاب ليه راسوا ففتي سنت ف المريكان

  • نوسة
    الأحد 18 يناير 2009 - 03:24

    هاديك اللي تتكول تفو على شعب كي داير تحترم راسها… كل واحد حر في الحكم ديالو… و الى ما عجبك عال ديري حاجة في الجوج… يا انتحري… يا ولي حتى انتي من صحاب الراب سروالك طايح و تتعيقي… واعيقي ى حنينتي عيقي…

  • عمــــــر إبن الإســـــلام
    الأحد 18 يناير 2009 - 04:24

    طززززززز…الناس في الناس , والقرعة فمشيط الراس…لا حياة لمن تنادي

  • سامي
    الأحد 18 يناير 2009 - 03:38

    نكونو صريحين شوية …راه ماشي أي فرقة د”راب” كاملين دايرين في ديك الحالة…مثلا الى سماعتو نفرقة” kamline shams “ديال مدينة العرائش .و اللي هي فرقة محترمةلا من ناحية اللباس و الغناء واللي حتى هي عندها أغنية على غزة جميلة وهادفة.وفي تستحق التشجيع لأن أغانيها كلها موضوعية.وسمحو ليا هدا هي الرأي ديالي بحاق ملي سمعت نل أغنية وصالني الميساج..

  • رجاء
    الأحد 18 يناير 2009 - 03:32

    الفن أصبح باب بلا بواب كل من هب ودب أصبح يغني لقد مللنا كل هاته الأشكال الدخيلة على الفن

  • سايكوك
    الأحد 18 يناير 2009 - 03:28

    يا لطيق على جنس ، لا اخلاق ، لا تربية ..
    بقا غير نتوما ضامنوا مع غزة ؟
    ولاد البرارك

  • yassine benchekroun
    الأحد 18 يناير 2009 - 03:52

    le rap est devenue il y’a pas mal de temps un outil de comunication trés important surtout chez les jeunes qui admetent ses paroles avec certaine fluidité en faite je suis trés ravis d’entendre ces discour qui revele les sentiments

  • hulia
    الأحد 18 يناير 2009 - 03:34

    إيوا نوضي جمعي راسك وتعلموا دخلو فسوق راسكم وكل واحد حر فراسو يعبر باش مابغا خليك غير فراسك ولكتحدgو غير هنا وراء كلفي يخ شعب متخلف متقدمين غير في حلان الفم

  • alios
    الأحد 18 يناير 2009 - 04:18

    منذ متي و الراب فن مغربي? كل ما هو منحط ينسبونه إلى أنفسهم و إلى الإسلام. فغزة غنية عنكم و عن أغانيكم و فنكم سبحان الله ،عرب و مسلمون و أسمائهم غربية. أليس تناقداً ? دائماً الشعب المهزومة تقلد من يفوقها. غزة لها الله و نِعمَ بالله

  • faygos
    الأحد 18 يناير 2009 - 03:40

    ولله الا عجبتيني فيهوم أ ختي نوسة ههه هادوك معارفينش راسهوم واش رجال ولا ….حيت رجال لي كنعرف أنا مكيطيحوش سروالهوم …و زمان هدا أ عباد لله ولاو سلاكط سروالهوم طايح كيدافعو علا رجاااال دياغ غزة
    و سيرو تكمشو لله يعطيكوم دل كتر من هداك فاش راكوم أما غزة راه عندها رجالها
    لي سبيتو مايسمحليش

  • محمد
    الأحد 18 يناير 2009 - 03:46

    أرجوا من هؤلاء المنحلين أخلاقيا أذناب العلمانية في المغرب أن يبعدوا عفنهم عن غزة و عن ذماء الأبرياء فأنتم لستم إلا مغرر بكم و ضحية مخطط الدولة لتبخيس إرادة الشباب في التغيير الفاعل مستغلين عفويتكم و رغبتكم في الشهرة و الهروب من الفقر لكن الوسيلة خبيثة و لا تشرف الشعب المغربي

  • موضوعي
    الأحد 18 يناير 2009 - 03:44

    صراحة إنني عندما بدأت أقرأ تعليقاتكم لم أستغرب لأنكم تعبرون عن غبائكم بتعليقاتكم…يعجبكم ذلك المتفسخ الأخلاقي “نزار قباني” لأنه يعبر عن تفسخه بالشعر…بينما اختار شباب مغربي التعبير عن تضامنه بطريقته الخاصة لم تستحسنوا الأمر لأن الغبي هو من يركز على الشكل بينما العاقل ينظر في المعنى…إذا يجب أن تستحيوا بعض الشيء

  • انسانة صريحة
    الأحد 18 يناير 2009 - 03:48

    ايوا ديك النصيحة اخالتي قوليها لراسك بعدا هو الاول ملي كل واحد حر فتعليقو شنو لي دخل جوادك عليا ياك انا قلت رايي قولي حتا نتي رايك و علقي على الموضوع ماشي على الناس اللي كايكتبو او ماتزيديهاش بتفو حاشاك و حاشا القارئين او اللي كيبغي ينصح ماتيقولش تفو فهمتي
    ويلا جاتك النفس على هاد النوع ديال البشر اللي ما نافع البلاد بتاشي حاجة غير بالراب و الركزة فحال هادوك اللي ساكنهم جن راه باين العربون
    و انا ما قلت غير الحق فنان يغني لغزة نقبلوها و لكن هاد المعوجين بزاف عليهم يمشيو يقادو راسهم باش تبان عليهم الرجلة

  • ayoub MASTER
    الأحد 18 يناير 2009 - 04:10

    VOUS SAVEZ PO COMMENT CRITIQUER ALORS vous fermez vos geules pour ceux qui ont insulté les rapeurs ici je dis que ces ringars ont dis des choses que vous , vous ne pouvez la dire

  • سيزين
    الأحد 18 يناير 2009 - 04:20

    بغيت كجاوب هاذوك اللي ديما إن عكسنا, مالكم على مالين الراب على الأقل هما كايديروا شي حاجة كايعبروا على الملأ على حرقتهم على غزة ماشي بحال شي وحدين أش جا ما يخرجكم من المانطة وزايدينها بحلان الفم يخ
    الراب بعدا فدلالتو راه كايعبر على الثورة ضد كاع اللي هو راكد بحال شي مستنقع معفن شبعان ناموس

  • سيزين
    الأحد 18 يناير 2009 - 03:30

    بغيت نجاوب هاذوك اللي ديما إن عكسنا, مالكم على مالين الراب على الأقل هما كايديروا شي حاجة كايعبروا على الملأ على حرقتهم على غزة ماشي بحال شي وحدين أش جا ما يخرجكم من المانطة وزايدينها بحلان الفم يخ
    الراب بعدا فدلالتو راه كايعبر على الثورة ضد كاع اللي هو راكد بحال شي مستنقع معفن شبعان ناموس

  • نوسة
    الأحد 18 يناير 2009 - 04:14

    جمعي راسك آ ميمتي… التخلف هو اللي تتعاني منو أنتي في عقلك… عندك تخلف دهني و عقلي… سمعي مزيان آ الحاجة. يقول أفلاطون أنا لا اومن بما تقول، و لكني سأدافع حتى الموت عما تقول… خصكي تآمني بالاختلاف… الناس آ القارية مختلفين في أحكامهم و انتي خصكي تقبلي هاد الشي بصدر رحب.. ماشي لأننا مختلفين مع سيادتكم في الرأي را حنا متخلفين… ماشي لازم نكونو نسخة منك في أفكارنا… انتي على ما ظهر لي مؤهلة تكوني ارهابية لان عندك أفكار تطرفية… الهه يشافيك آ ميمتي الله يشافي… العفو

  • morad TSGE 1B
    الأحد 18 يناير 2009 - 04:26

    السلام : مالكم ترفضون الأخر, كل حر في اختياراته الشخصية سواً اكان لباسا أو غنأ على الأقل هم تضامنو وعبرو عن موقفهم .
    ،،،،،؛غير ديك لمعقدة قالت دوها فحالتكوم أو ناضو تابعينها كيف لحوالا .هدا ما يسمى عقلية لقطيع ؛؛؛؛؛؛؛؛؛….
    عاش كل من إتخذ موقفا ضد العدوان سواء كان ـنجاة اعتابوـ فناير ـ أو أيا كان لأن القضية القضية أمة بأكملها و ليست مسابقة ستديو 2م

  • صويري
    الأحد 18 يناير 2009 - 04:22

    هههههه أنا بعدا تيعجبني حيت تيخلطو نشاط مع الواقع المريرخصنا نفتخرو بهم أمام الدول االأخرى

  • ماشي كلشي بحالبحال
    الأحد 18 يناير 2009 - 04:28

    الراب راه فن وهادوك للي فيهم ديك بلعى دلهادرة يوعودوها نجنابم . ماشي كلشي عندهم السراول طايحين وتايعيقو
    والحاجة للي مكتفهمشي يها يا الحمـ.. ماتهاودشي فيها العايق دبصح…
    ***انشر هسبريس**

  • shahrukh khan
    الأحد 18 يناير 2009 - 03:26

    و كلكم سقكم خااااااااااو وت انا معكم مكين هي الهدرا لمتشري خضر لمخير فكم مكيعرفش القبلة فين جات….

  • anasse
    الأحد 18 يناير 2009 - 04:02

    حتى أنا رأيت البارحة إثنان من الصراصير يصرخون في المطبخ فهمت الموضوع هي غزة….أما اليوم فوجدت الذباب والبعوض يتعارك ويتقاتل فهمت الموضوع هي غزة….فخرجت إلى السوق فوجدت الناس البطالة تقتلهم والزنا والفساد هو حبهم ومبتغاهم فهمت الموضوع هي غزة…..كل الناس يفكرون في غزة لادين لهم ولاإيمان في قلوبهم إلا القليل,,,كيف تحرر غزة والشعوب كلها تسود فيها البغضاء والكراهية والحسد والسحروحب الدنيا والنفس وكراهية الآخرة وعقوق الرب والوالدين وتفشي الزنا واللواط والسرقة ـالآن فهمت الموضوع لماذا غزة؟؟؟؟

  • wa7d
    الأحد 18 يناير 2009 - 04:12

    راب ماشي هو سيروال يا ناس , سيرو سمعو ل شي أغنيه و فهمو الكلمات e

  • مغربي
    الأحد 18 يناير 2009 - 03:58

    لكل من كتب يستهزئ بالراب أقول :
    اولا:
    ليس كل مغنيي الراب يلبسون السراويل الواسعة أو يطلقون الشعور المسترسلة .
    ثانيا : اذا كنت تفضل لونا موسيقياآخر فهذا لا يمنحك الحق في الاستهزاء بالراب .
    ثالثا:وانت تكتب هذه الكلمات هل تستمع للشريم أم للغامدي ؟
    طبعا لا ؟؟بل على في الغالب لن تحرج عن الشعبي ( صاحب الكلمات الشعرية عالية المستوى : سيري قلبي عليا خليني ننساك أو عندي غير سروال واحد أوعندك الزهر يا مرا لقيتيني كنبغيك …..
    ام انك تستمع للشرقي مثل زيديني عشقا أو بحبك وحشتيني أو شخبط شحابيط …. ام تُراك تحب الراي : اللي فور فور دي عايزة طلام أو راني معول هاذ الليلة نعميها ….
    اذن تعال لكي تسمع بعضا من الشعر الحقيقي عند شباب الراب ديال الصح ( مسلم)أو ( هابلو)أو ( دوبل كانون)اما اذا كنت تفضل الشعر المزسخ أنصحك بالاستماع الى ( كامهدي )و ( النيترو) بعدها ستشعر بالخجل من نفسك على كلماتك السوقية في حق شباب الراب اللي بزااااااف عليك وحتى تتأكد جيدا جرب أن تكتب اغنية من أربعة أسطر باراكة عليك .. وأليك مثالا بسيطا من شعر ( مسلم)ولاحظ الاسم اولا : وبعدها لاحظ الفرق بين شوفي غيرو واشوف الكلبة تابعاه ,,,
    خويا المسلم ,, اسمع مليح ,,
    هاذ الناس باغين قيمتك تطيح ,,
    بغاو يقنعو العالم باللي راك قبيح ,,
    باللي تحب الدم ,, باللي تحب الذبيح ,,
    باللي دينك عنف باللي كتابك غير تجريح ,,
    قولي واش دينا محتاج للتوضيح ,,
    دين الاسلام والسلام والتسبيح ,,
    انا وياك عارفين الصح الصحيح ,,
    يمكن شي ناس وسخوه ,, ومحتاج للمسيح ,,
    هاك ايدي في يدك ,, نبداو التصليح ,,
    قولهم انا مسلم ماشي ارهابي ,,
    قولهم هاذ الشي كذوب ,,
    الدين ديالك باري ,, من اللي فهمو مقلوب ,,
    حينت راك مسلم ,, العالم منك مرعوب ,,
    ولاو يشوفونا وتتزعزع القلوب ,,
    اي عمل اجرامي للمسلم منسوب ,,
    قول للعالم انا مسلم ,, وراسك عالي ,,

  • عاشقة الدولة الشقيقة المغرب
    الأحد 18 يناير 2009 - 04:32

    حرام ياشباب وصبايا هاد الكلام الي بتحكوه كل واحد حر في حياتو وكما قال الاخ الكريم انا شخصيا بشوف هالشي عادي انو الواحد يعبر عن حزنو ويحكي الي بيحس فيه يعني هاد الفرقة عملت الصح غنت احلى واروع غناء على شعبنا في غزة وبدي قول كمان انو كلنا اخوان وكلنا عرب وبلا مانسيء بالحكي لبعض احنا عرب ياناس مو غرب او نسيتو هالشي وفي اخت هون والله حرام عليها شو حكت ليش يعني الشعب المغربي مايحق لو يبكي ويزعل على غزة وبعدين انا بشوف احلى واهضم واطيب شعب هو الشعب المغربي وشبابو مافي مثلون ومن شان هيك بدي قولك شدي بوزك مرة تانية

  • sata mezyana
    الأحد 18 يناير 2009 - 04:00

    راه الراب كاين كاين بغيتو ولاكرهتو و حتا les rappeurs
    المهم عاطين شي حاجة للناس وبحالكم هوما اللي ما مخلينش الراب يتعرف عاجبينكم غير هادوك اللي كاع النهار وهوما يتعوجو ويغنيو ها حبيبي ها بحبك ها شفتو ومكلمنيش لا هادوك بطبيعة الحال كتحسو بيهم و الراب حرام راه الي يقول انا رابور هوا اللي يطلق المزيكا و يسمع و يفهم المعاني ولا ماباغينهمش حيت كيهدرو على الواقع
    سمع كازا كرو راني كاعي ولا الكدوب فالاخبار ولا كاينة فوضى و تعرف الواقع ماشي تبقى عايش فالكدوب

  • وارحو
    الأحد 18 يناير 2009 - 04:30

    بالله عليكم يامن فيكم يشرق ومن فيكم يغرب … الحقيقة الوحيدة التي لم يعرفها اغلب الشباب وهي ان معظم فرق الراب في المغرب ماسونية هدفها الوحيد التجارة وافساد عقول الشباب … ولاكن الحمد لله عندنا شباب بقوة الجبال وقوة البحار . من هاد المنبر احي شباب طنجة اسود المغرب . تحية غالية غالية جدا لملك الراب <مسلم> والعربي وكل افراد القشلة واتمنى لكم كل النجاح كل النجاح … معكم علي من اولاد التايمة ايتها الاسودالقليلة بادن الله سوف تآكلين كل الضباع الكتيرة والكلب السمبن بيغ

صوت وصورة
ما لم يحك | البصري وتبذير الأموال
الخميس 28 مارس 2024 - 15:00

ما لم يحك | البصري وتبذير الأموال

صوت وصورة
الأمطار تنعش الفلاحة
الخميس 28 مارس 2024 - 13:12 2

الأمطار تنعش الفلاحة

صوت وصورة
حاجي ودمج الحضرة بالجاز
الخميس 28 مارس 2024 - 12:03

حاجي ودمج الحضرة بالجاز

صوت وصورة
أجانب يتابعون التراويح بمراكش
الخميس 28 مارس 2024 - 00:30 4

أجانب يتابعون التراويح بمراكش

صوت وصورة
خارجون عن القانون | الفقر والقتل
الأربعاء 27 مارس 2024 - 23:30

خارجون عن القانون | الفقر والقتل

صوت وصورة
مع الصديق معنينو | الزاوية الدلائية
الأربعاء 27 مارس 2024 - 23:00

مع الصديق معنينو | الزاوية الدلائية