قضية عروس برشيد

ماشي مزيان تسكن العروسة مع الوالدين ديال راجلها حيت تيكثرو المشاكل ,الزوجة ماغديش تقدر تخدم على عشرة ديال النفوس وتعيا تعيا تعيا تخدم ومن بعد يجيو الوالدين ديال راجلها ويظربو ليها كولشي في الزيرو ويقولو ليها راكي ماخدمتي والو ونتيا قبيحة وخايبة وعنصرية وشيطانة ,هذاك الزمان ديال تتزوج وتجيب الزوجة تسكنها مع والديك راه مشى مشى ومابقاش

بغيت نوظح:انا كنهدر على التجربة لي دوزت اما اش من السبب باش ماتت هاد البنت الله يرحمها مارانيش عارف وهاديك الخدمة ديال البوليس و+التشريح الطبي,المهم انا حطيت النصيحة في تعليقي الفوق ولي بغايين يسمعو يسمعو ولي الغرظ ديالهم فقط هو الزواج ومزروبين عند الزواج راه هداكشي شغلهوم والندم لن ولم ينفع وتيقول واحد المثل زرب تتعطل.الراجل الى ساكن مع الوالدين ديالو او مع خوتوه راه بلا ماتتزوجي به يا اختي راني كنصحك في سبيل الله.

نصيحة (لضغط يولد الإنفجار) لتيبغي شيحاجة كيلقاها ومفيها باس إلى المرأة خدمات ولدين زوجها .أنا شخصيا ملي تزوجت كان بإمكاني نعيش بوحدي ولكن كانت وصية الوالد رحمه الله مانتفرقوش ونعيش مجموعين ودابا مرت سنوات على واجي و زواج خوتي أقسم بالله عمري عنيت من شي مشكل .لبغا يتزوج يخد بنت الناس ماشي وحدا عالنا الحرب على ولديك من أول نهار

الشاب قال بان هناك شخصا كان يتصل بها ويشتمها بكلام نابي ويطالبها بعدم العودة للدوار فمن هو هذا الشاب ؟ ولماذا يشتمها ؟ ولماذا لم تسجل شكاية ضده ؟ غريب شهادة هذا القريب من العريس اتهم شخصا من عاءلة العروس دون ان يوضح مدى قرابته من العروس ، ودون ان يوضح من يكون . فهل هذا مجرد اختلاق ليبرىء أمه التي ربما تحوم الشكوك حول تعنيفها اللفضي للفتاة ما دفعها للانتحار .

إلى مغربي نتا كتقول الحمد لله عايش مرتاح مع الأهل ديالك ولكن لتيهز الدقة هي المرأة كتصبر على كلشي باش تبقى انت مرتاح . هذا هو الواقع ولكن كنصبرو تنعياو وضروري تيجي واحد النهار تنفجرو فيه وفي داك الوقت يقولو علينا تبدلات مبقاتش كيما كانت او زاغت هدا هو حالنا

السكن مع الوالدين في حالة واحدة عندما يكونوا كبار السن أو مرضى ، أما إذا كان الوالدين في صحة جيدة فمن الأحسن إكتراء بيت للزوجة وزيارتهم باستمرار٠ وهذا ما لم يشر إليه المعلقون٠ والديك غادين يكبرو شنو غادي دير؟ هل ستدع أمك أو أبوك بين أربعة جدران مرضى؟ لأقول للأزواج من الذين لا يمكنهم التخلي عن آبائهم لهذه الأسباب أن يصلحوا بينهم وبين الزوجة والله يهدي ما خلق٠

في حالة الى الوالدين مرظى نعم عندك الحق ولكن في حالة الى الصحة ديالهم مزيانة راه كيكرفصو على الزوجات ديال اولادهم وبلا ما يشعرو ,غادي نعطيك مثل بسيط جدا: انا كنت بخير والف خير مع الوالدين ديالي قبل مانتزوج ونهار تزوجت فوق ما دخلت للدار وكتحظيني الوالدة والوالد اشنو جبت من السوق لمرتي ههههه وتيقولو ليا نتا راك كتبغي مرتك كتار من والديك وهكذا كتبدا العداوة بين العائلة ,ويا ولد عمي راه الاغلبية ديال الوالدين العدو ديالهم الاول واللذوذ وهي الزوجة ديال ولدهم .

إلى الأخ المغربي عن تجريبة خاصة كاينين بنات الناس أنا زوجي في الخارج واطلب مني من نتزوجو نبقا فدرنا ولكن أنا قلت ليه ماماك إنسانة طيبة وهي ساكنة وحيدة غادي نعملها بحال ماما بحكم أنها خالتي تزوجت مدة 3 سنوات أنا معاها ولكن هيهات هيهات زوجي كان عارف الوالدة ديالو علاش قاللي بقاي فداركم وعانيت وفكرت ف إنتحار وكل مامريت بيه ماكنت نقول لزوجي والو باش ميتقلقش الغيرة كانكون الأم كتولي متسلطة و البنت منكسرة ومرض الأعصاب وخروج الأم من البيت وتسد باب من المفتاح المهم بخلاصة أنا دبا الحمد لله ذخلت ومع رجلي نصيحة لكل فتاة متسكنش مع عائلة رجلها وخا يكون عسل مع الأيام يسقط القناع

انا نفظل نسكن في الغار مع الافاعي ومانسكنش مع العائلة نتاع راجلي حيت الى عندك جوج ناس مسنين في الدار رها غادي يمحنوك ويعيشوك في الجحيم وبحال الى راك خدام على الفين ديال النفوس