هاتف أوبو الجديد

الى التعليق 1 : خويا الا بغيتي تاخد هاتف جديد خودو من الأسواق الشعبية بحال درب غلف في كازا غادي تلقاه بأتمنة خيالية ماكيناش حتى في اسيا الشرقية موطنها الأصلي غير هو خاصك تدور السوق كامل و تنيغوسيي مع راسك و الله العظيم حتى تاخدو بتمن الجملة هذوك الناس كايبيعو على هامش الربح بين 50 و 150 درهم حسب صنف الهاتف واش فئة الإقتصادية أو الفئة المتوسطة و لا فئة النخبة يعني فلاكسشيب أما الأسواق الممتازة و المتاجر الكبرة فهدوك كايكون هامش الربح ديالهم ما بين 300 حتال 1500 درهم . و دير فحسابك تاني إلا مشيتي الأسواق الشعبية راه كايبيعو هواتف ديال شركة يعني جايين من موزع ديالهم في المغرب بمعنى فيهم الغارانتي و كايبيعو أيضا لي مهربين من برة كايكون تمن ديالهم ناقص بزاف ولكن مفيهمش الغارانتي شوف أنت واش بغيتي الا كنتي كاتسول على التمن و مكايهمكش الغارانتي راه غادي تلقاه عندهم و الا كان كايهمك الغارانتي راه حتى هو غادي تلقاه عندهم و بتمن ناقص بزاف على المتاجر الكبرى

الى التعليق 3 : خويا دكالي مصر مداخلهاش أوبو أ9 إلا قيتي غادي تلقى أوبو أ7 كايدير في موقع جوميا ديال مصر شي 3790 جنيه يعني 2258 درهم في حين كايعمل في جوميا ديال المغرب 1999 درهم . و لا قلبتي عليه في الأسواق الشعبية في المغرب غادي تلقاه قل من 1999 درهم

أرخص بلاد عربية في الإليكترونيات هي دول الخليج و خاصة السعودية . عندهم موقع أمزون في بلادهم سميتو سوق في أسعار تنافسية بزاف قريبة من أسعار المواقع الصينية اما مصر ففيها الغلا كثر من المغرب هذا لأن الجنيه عندهم طايح بزاف و خزينة الدولة من العملة الصعبة عندهم شبه خاوية فمتقولوش شيحاجة لهي مكايناش و غير سامعينها