24 ساعة

مواقيت الصلاة وأحوال الطقس

19/10/2018
الفجرالشروقالظهرالعصرالمغربالعشاء
06:0707:3213:1716:2318:5320:08
الرطوبة : %50
الرياح : 50km/h
20° 10°
20° الدارالبيضاء
20°
الأيام القادمة
الجمعة
السبت
الأحد
الاثنين
الثلاثاء

النشرة البريدية

اشترك الآن في النشرة البريدية لجريدة هسبريس، لتصلك آخر الأخبار يوميا

المرجو التحقق من صحة البريد الالكتروني

إشترك الآن

استطلاع هسبريس

هل تتوقع سقوط الحكومة قبل انتخابات 2021؟
  1. قمة عالمية تجسد التعايش بين الإنسان والروبوت (5.00)

  2. "أمنستي" تطلب إلغاء إدانة ناشطة بـ"حراك الريف" (5.00)

  3. مغاربة يبحثون عن حفريات نادرة في الريصاني (5.00)

  4. تصنيف يرصد غياب معاهد مرموقة لتكوين الأساتذة في المغرب (5.00)

  5. لورنس: الاستبداد تغطيه مفاهيم رائجة ومفكرون يسدون خدمات للهمجية (5.00)

قيم هذا المقال

1.00

كُتّاب وآراء

Imprimer
الرئيسية | كُتّاب وآراء | أمّ مشاكـل المغـرب: عـدم الشغـل

أمّ مشاكـل المغـرب: عـدم الشغـل

أمّ مشاكـل المغـرب: عـدم الشغـل

"هينري فورد" قال واحد النهار: "ماشي ربّ العمل اللي كايدفع الرواتب الشهرية، هو غير كايسلــّـم الفلوس، لأن المنتوج هو اللي كايدفع الرواتب الشهرية"، أو هاكدا خصــّـنا نعملوا ولا نتـكــّـلوا على الصدقة ديال هادا ولا ّ لاخور، لأن الصدقة ما عمـّـرها تكون عامل التحرر، إيلا ما رجعناش دولة مصنعة غير ما كاين لاش يمشيوْا أولادنا، أولاد أولادنا ألـــّـمدرسة، لاش تليق المدرسة إيلا ما غاديش تكوّن لينا الأطر ديال غـدّا اللي نحتاجوا؟

عدم الشغل كايشكــّـل خطر كبير على المجتمع ككل، "يدعـو إلى القلق"، لأنه كايستنزف قوات، أعصاب شباب جيل "بكامله"، لا خدمة، لا ردمة، ما هي لا متعة، لا أوقات فراغ، ولاكن فراغ فى فراغ، عند البطالة تأثير، غير متوقع، باهض الثمن على نفسية الشابة، الشاب، لأنه غير إمـّـا

1. كايكون الشاب فى وضعية نفسانية هشة، كايقوم بحماقة غير مسؤولة، بحال هاداك اللي شفنا فى الإنترنيت، بغى يحرڭ، يوصل لــَـصبانية غير بـكـفوفـو فى أوسط "شامـْــبـراير"، هادا تهور، بلاهة، تفتت فى العقل أو البصيرة، غير التيار غادي إدفعو ألــْـميريكان أو ماشي لــَـصبانيا، زايدون البوغاز يمكن لينا نعتابروه "أوطوروت" ديال البواخر الضخمة اللي غادي أدّهسوا بلا ما تعرفوا واش بين المييتين ولا ّ الأحياء.

2. ولا ّ هاد الشاب غادي يتعـلــّـم الخمول، بحال شبابنا، كايبقى ساهر ألــْـحتى 4 ديال الصباح، عاطيها لـَـتشاط ولا ّ ألـْـشي حوايج ما فيهم ما يتعاود، كايفيق مع الجـّـوج، الثلاثة ديال النهار أو مصدّع واليديه ب: "دوّر معايا آ الواليدة!"

العطالة كاتشكل تبعات جتماعية لا تحصى، الضرائب ما كاتــدّفعش، هاكدا كاتخوى خزينة الدولة، القوة الشرائية كاتضمحل، الطلب فى السوق المحلي كايتراجع، نسبة الجريمة كاترتفاع ، عدم الإستقرار السياسي هو سيد الموقف، حتى كايعملوا المستثمرين "كــَـرْوى روج" على البلاد، زيد عليهم كلفة التدابر الترقيعية اللي كاتقوم بيها الحكومة، الدولة اللي كاتبدا تفرّق الفلوس على مشاريع بلا قياس، فى العمق سطولى مثقوبين، "عـلــّـمني نصييــّـد الحوتة، ولا تعطيني حوتة كولا ّ نهار، غير ترشق ليك"، هاكدا كانقضيوْا على المبادرة الشخصية، على الإختراع، الإبتكار، روح المسؤولية، كانبقاوْا غير حالــّـين يدّينا، كانتسـنـــّـاوْا الإكراميات أو جود "البشر والشجر".

المسؤولين، الحكماء الصينيين شافوا أن "ماوو" غادي يخرج عليهم بسياستو العميى، لاحوا زبل الإيديولوجية العرجا أو سمحوا لـَـناس إعملوا فليـيــّـسات، إحلــّـوا شركات خاصة، أوطيلات، محلات تجارية، يشريوْا أملاك، هادي هي السياسة الناجحة، شوف بعدا كيفاش تنقد شعبك من الجوع أو البطالة، عاد نشوفوا من بعد التبرعات، عندنا حنا شي مرّات كولــّـشي بالمقلوب، ما ننساوْش أن الصين كانت هادي ثلاثين عام دولة متخلفة، فى طريق النمو أو الدخل الفردي فى المغرب كبر من ديال أي صيني، أو إكون كايتقلد مسؤولية حكومية بارزة، السياسات العمومية هي أنجع الطرق باش تقدي على الهشاشة، البطالة، البؤس، الكآبة، مليار أو ربعميات مليون نسمة، أو اللي بغى يخدم، غير إورّي حـنـــّـت يدّيه، أمــّـا حنا كايلهيوْنا المسؤولين الحكوميين غير بالهضرة اللي يخجل الدرّي الصغير يتفوّه بيها: "كاينة الخدمة"، إيــيــّـه ليك، ماشي ألــْـغيرك.

ضروري على هاد الحكومة ولا ّ اللي غادي إيجيوْا من موراها إقوموا بثورة صناعية، إلا ّ أو غادي نبقاوْا كاندوروا فى الخوى، الإستثمارات مزيانة، مهمة، لأن "الملك بالتاج أو كايحتاج" كيف كايقول المثل المغربي الحكيم، ولاكن ضروري نتـكـــّـلوا على نفوسنا، ما نتـــّـكلوا على حـدّ، وإلا ّ غادي ديما نبقاوْا عبيد كانتسـنـــّـاوْا الصدقة بالرّيق الناشف.

على ما كايضهر ليـيــّـا باقي ما خرجناش من المرحلة البدائية، يعني المرحلة الفلاحة، لأن جميع الدول المتقدمة دازت من ثلاثة ديال المراحل: 1. المحرك البخاري، 2. خط التجميع أو الإنتاج، 3. صنع الماكينات بالكمبيوتر، اليوما دخلنا فى أوج المرحلة رقم 4: الرقمنة، فى المستقبل القريب غادي نحلـــّـوا عينينا على طوموبيلات، باخرات، دراجات نارية ولا ّ هوائية مستقلة، كاتمشي بوحدها، ما عندها ما تعمل ب "المقود"، سكريتيرات اللي غادي إتــّـعوضوا بهواتف ذكية اللي يمكن ليها تسجل أو تطبع من بعد اللي بغيتي، طائرات بدون طيار اللي غادي إوجـّـهوا ضربات موجعة ألـــّـخصم المفترض، أساتذة غادي يتعوّضوا بدروس كاتمّ عن طريق الإنترنيت، هاد الشي كاين، غير باقي ما كايتسعملش على نطاق واسع.

أمــّـا الإستثمارات اللي جلب المغرب لحد الآن، بالأخص فى ميدان السيارات، ما هادي غير "خوردة" الغرب اللي باغي إغـرّق إفريقيا بتكنولوجية "أكل عليها الدهر وشرب"، حتى "التي جي في"، ما كانضنش أن فرانسا غادي تزوّدنا بأعلى أو أجود تقنية، حتى الصينيين اللي بداوْا فى مشروع السكة الحديدية اللي غادي تربط مراكش بأكادير، إييه، هادي مشاريع مهمة، ولاكن غير إيلا كان رابح فيها المغرب، أمــّـا غير إيلا كان خاسر، ما كاين لاش، لأن فى آخر المطاف، المغاربة، المغربيات هوما اللي غادي إدفعوا ثمنهم عن طريق الضرائب، أمــّـا الحكومة، الدولة غير كاتوقــّـع فى بلاصتنا، بتفويض منـــّـا.

إيلا بغينا نحرقوا المراحل، يمكن لينا نركــّـزوا على المرحلة 4، يعني الرقمنة، لأنه كولـــّـشي باقي كايبحث على أنجع الحلول أو الفرق بينات الدول ماشي كبير بزاف، ضروري فى هاد الحالة تكون اللغة اللي غادي نستعملوا لغة مبسطة باش نسهــّـلوا المأمورية على كل واحد، النوابغ المغربية موجودة، خصـّـنا غير نفتحوا ليها المجال، أو فى هاد الحالة لازم نعمـّـموا الإنترنيت على جميع المدارس، الثانويات، الجامعات، نخصصوا مبارات، هدايا، جوائز، هادا هو مستقبل العالم، المغرب، ماشي التكنلوجيات القديمة اللي باغيين إغـرّقونا بيها لا الغرب، لا دول آسيا، هادي هي سياسة رابح ـ رابح الحقيقية، أو ما إضن حـدّ بأنه هادا ولا ّ لاخور غادي إحنّ فيك، ما كاتحرّكو غير المصلحة الخاصة، الخدمة فيك.


الآراء الواردة في التعليقات تعبر عن آراء أصحابها وليس عن رأي هسبريس

الإشتراك في تعليقات نظام RSS تعليقات الزوّار (4)

1 - أستاذ الإجتماعيات الأحد 23 شتنبر 2018 - 14:28
أمّ مشاكـل المغـرب: الفساد.
الأزمة السياسة أمّ جميع الأزمات.
أزمتنا السياسية أسبابها : غيا ب الديمقراطية، زواج المال بالسلطة، الفساد، التخلف السياسي، عدم الفصل بين السلط... إلخ
2 - مسلم مغربي الأحد 23 شتنبر 2018 - 15:55
لا أتفق مع الأستاذ الكريم في فرضيته وطرحه هذا، ان ما يؤرق المجتمع بالدرجة الأولى هو تفشي الجهل، نحن بحاجة لتغيير العقلية من الهمجية إلى التحضر،نريد شعبا عالما يدرك ويعلم ما له وما عليه وبالقلم يأتي العمل أو إن شئت الشغل؛ فشغلنا الشاغل هو العيش في أمن وراحة بشكل حضاري راق، ليس همنا الشغل لسد الرمق ولكن العلم لاختيار حياة أفضل من الأنعام؛ ليس فينا من يموت جوعا ولكن منا من يبطش جهلا حتى وإن كان له شغل؛ إذن نور العلم يضيء الطريق للباحث الولهان على الشغل.
3 - النرويجي الأسمر الأحد 23 شتنبر 2018 - 19:15
البطالة توجد بكل دول العالم، حتى الدول الفاحشة الثراء و الدول الأكثر دينامية إقتصادية، دائما يوجد بها من لا يجد العمل، لأسباب و معيقات ذاتية مرتبطة بالباحث عن العمل، و لأسباب و معيقات مرتبطة بالسياسات الإقتصادية للدولة
و لإكراهات مجتمعية و ثقافية...
أمّهات مشاكـل بالمغـرب: الفساد، الجهل، التخلف، غياب الديمقراطية، و غياب الإرادة السياسية، نخب سياسية جاهلة فاسدة إنتهازية تتاجر بالدين أو الإيديولوجيا أو العواطف، شعب مُستحْمَر مُجهَل مُفقَر كقطيع من أشباه البشر...
4 - زينون الرواقي الأحد 23 شتنبر 2018 - 20:53
تعليق 2 بعد التحية ، كان آباؤنا وأجدادنا على قدر منعدم من التعلم وعلى درجة عالية من الأمية لكنهم لم يكونوا همجاً أبداً .. هناك فرق بين الأمية والجهل كما ان هناك فرق بين بين الأمية والجهل والجهالة والهمجية .. أجدادنا كانوا أميين لكنهم لم يكونوا جهلة ولا جهالاً .. بقايانا في البوادي والمداشر النائية تشهد على حكمة اجدادنا الفقراء ونبل اخلاقهم وبراعتهم في تطويع القساوة وظلم الانسان والطبيعة .. متعلمون كثر ودعاة تحضر كثر أيضاً أكثر همجية اليوم من الأقل تمدنا بالامس ..
في برنامجه الذائع الصيت j'irai dormir chez vous لصاحبه Antoine de Maximily انبهر الصحفي الموثق الذي جاب القارات الخمس من روعة اخلاق أفقر من صادفهم في مناطق مجهولة جنوب شرق مملكتنا .. في خلاء مقفرة وجد ما لم يجده في كبريات المدن المتحضرة .. واستثناءاً تحدث في برنامج بعد استراحة من رحلاته التي لا تنتهي عن عظمة ما لقيه في المغرب ليس من أهل المخمل بل من سكان تجاهلهم كائناتنا الرسمية كما يجهلهم غوغل نفسه حيث زاوجت الأمية والفقر قمة ما يدعو إليه التحضر وعظمة الرقي الإنساني حيث لا أثر للهمجية وما يرافقها من خبائث آدمية خالصة
المجموع: 4 | عرض: 1 - 4

أضف تعليقك

من شروط النشر: عدم الإساءة للكاتب أو للأشخاص أو للمقدسات أو مهاجمة الأديان أو الذات الإلهية، والابتعاد عن التحريض العنصري والشتائم.