مركز لذوي الاحتياجات بتاهلة

هاد عبارة احتياجات خاصة مبغاتش تفهم ليا. حيت كل واحد منا عندو احتياجات خاصة بلاما يكون “معوق”. انا متلا منقدرش نقرا بلا نضاضر. انا محتاجة نضاضر خاصة بيا. ولكن ماشي معوقة. تانيا فلعالم لمتحضر مبقاتش كتستعمل كلمة معوق. حيت فيها تنقيص وسلبية. عبارة “قدرات محدودة” فيها ايجابية لانها كتركز علا القدرات ماشي الإعاقات. حتاواحد ما معوق ميا فلمية. تالتان، كتكلمو علا “لمعوقين” بحالا كلهم عندهم نفس المشاكل وكتركزو علا الاعاقات الجسدية. مشاكل الدماغ ولمشاكل النفسية اصعب بكتير وكينين مآت الاعاقات وكل إعاقة عندها طريقة خاصة بها. ماشي باش نعالجوها. ولكن باش نساعدو الفرد”المعاق” باش يعيش حياتو بكرامة ويعتمد علا راسو علا حد المستطاع. حيت هدوك ناس مكبغيوناش نشوفو فيهم شوفة شفقة ورحمة.