تشوهات القلب عند الأجنة

أنا عندي هاذ المشكل ديال تشوه القلب درت الراديو شحال هاذي قال ليا الطبيب عندي السوفل فالقلب مانقدرش ندير الرياضة وإذا وركت على راسي ودرتها قلبي تيبدى يضرب ويزدح بالجهد وتاتجيني السخفة وتانتخنق ومؤخرا بشي 6 أشهر كنت تانحس بواحد الألم مبرح فقلبي بحال شي تقصيحة وملي تانبغي نطلع النفس ولانتنهد تايجيني واحد الألم قوي بزاف فقلبي بحالا تضربت بشي مطرقة واستمر معايا المشكل 3 أشهر متتالية. هاذ اللغز ديال القلب باقي مالقيتش ليه شي شرح ولاشي حل حيث كاع الأطباء ليمشيت عندهم باش يشخصو ليا الحالة تيكتبو فالتقرير ديالهم أن قلبي فيه مشكل ولكن السبب غير معروف.

السلام أنا خلاقيت بتشوه على مستوى القلب الأطباء قالو لي العملية ضرورية وطلبولي مبلغ كبير و بقاو والديا صابرين و من بعد واحد الطبيب من سويسرا جا المغرب ف 2007 و قالي نتا بلا عملية تقدر تعيش بسلام و قالولي المندبة كبيرة و الميت فار والحمد لله دابا أنا فعمري 32 سنة وعندي ولد متخافوش من الأمراض الله هو الشافي