تفاعلا مع ما راج مؤخّرا حول مركبات التنقل الشخصي بمحرك، المعروفة لدى العموم بـ”التروتينيت”، أفادت وزارة النقل واللوجيستيك بأنها “لم تقف موقف المتفرج أمام هذه الظاهرة، بل بادرت منذ تولي الوزير عبد الصمد قيوح مسؤولية القطاع شهر أكتوبر 2024، إلى إطلاق ورش قانوني متكامل يهدف إلى تأطير استعمال هذه الوسائل الحديثة للتنقل وضمان اندماجها الآمن في منظومة السير بالمغرب”.
وفي هذا الإطار، أوضحت وزارة النقل واللوجيستيك أن “عبد الصمد قيوح، منذ تولي منصبه على رأس وزارة النقل واللوجيستيك، أعطى تعليماته لمصالح الوزارة قصد الاشتغال على إعداد وتحيين الإطار القانوني المنظم لهذه الفئة من المركبات، حيث صادق مجلس الحكومة المنعقد بتاريخ 19 يونيو 2025 على مشروع المرسوم رقم 2.24.393 القاضي بتغيير وتتميم المرسوم رقم 2.10.421 الصادر بتاريخ 29 شتنبر 2010 والمتعلق بتطبيق أحكام القانون رقم 52.05 بمثابة مدونة السير على الطرق، فيما يخص المركبات”.
وأضاف المصدر ذاته أن “هذا المرسوم جاء بمجموعة من المستجدات المهمة، من بينها إدراج تعريف قانوني واضح لمفهومي ‘مركبة التنقل الشخصي بمحرك’ و’الدراجة بدوس مساعد’، وتحديد/الخصائص والشروط التقنية الواجب توفرها في هذه المركبات، فضلا عن التنصيص على تجهيز بعض أصناف المركبات بأنظمة متقدمة للمساعدة على السياقة بما يساهم في تعزيز شروط السلامة الطرقية”.
وبالموازاة مع ذلك، أكدت الوزارة أنها “واصلت جهودها من خلال إعداد مشروع المرسوم رقم 2.25.145 القاضي بتغيير وتتميم المرسوم رقم 2.10.420 المتعلق بقواعد السير على الطرق، والذي يرتقب عرضه على مجلس الحكومة بتاريخ 9 يوليوز 2026”.
وورد ضمن المعطيات ذاتها أن “مشروع هذا المرسوم يتضمن بدوره مجموعة من التدابير العملية الرامية إلى الحد من السلوكات الخطيرة المرتبطة باستعمال هذه المركبات، لعل من أبرزها تحديد السرعة القصوى لمركبات التنقل الشخصي بمحرك في 25 كلم في الساعة، وإلزام مستعمليها بارتداء خوذات واقية مصادق عليها ومثبتة بشكل سليم”.
ومن بين التدابير العملية التي أشارت إليها الوزارة، “منع استعمال السماعات أثناء السياقة حفاظا على تركيز السائق وسلامته، فضلا عن منع الأطفال الذين يقل سنهم عن ثماني سنوات من استعمال هذه المركبات على الطريق العمومية، مع فرض تجهيزات خاصة عند نقل الأطفال الصغار”.
وبناء على ما سبق، أكدت وزارة النقل واللوجيستيك أنها “قامت بالأدوار المنوطة بها في مجال إعداد وصياغة النصوص القانونية والتنظيمية اللازمة لتأطير هذا النوع من وسائل التنقل، وذلك وفق مقاربة تشاركية تحترم المساطر التشريعية والتنظيمية المعمول بها”، مشددة على أنها قامت بـ”تقنين وتأطير استعمال التروتينيت من أجل ضمان سلامة مستعمليها أولا، ولضمان حركية نقل سلسة ومسؤولة”.
على حساب مافهمت من المقال ان الوزير غادي يفعل قوانين وماهضرش يديرلهم طريق خاصة بيهم هما ومالين الدراجات الهوائية باش يبعدو من الطريق ديال السيارات كنا كانحضيو مع المواطر دابا كاتكون صايك حتى كاتلقا مول التروتينيت يدوز من جنبك ويجي يدوز قدامك
والله احسن ما فعلتم يجب الضرب بيد من حديد على أصحاب تروتنت . حمقونا
ما هو الفرق بين واحد يسوق تروتينيت وواحد يسوق سيارة ؟ كلهم في الشارع العام فقط واحد عنده رخصة سياقة وواحد لا ، وقالك ممنوع على اقل من ثمان سنوات هههههه وراه هادي ماعندناش الطرق الخاصة بها ممنوع تدخل للشارع العام او وسط والمدينة ، وإذا دخلت من اللازم تحديد العمر على الأقل 16 سنة فما فوق
ايلا ما فرضتوش عليهم التأمين راه ما كاين والو من هاد الشي.. الشهر لي فات، انا حابس فالضو الأحمر وجات واحد السيدة على التروتينيت مع الدورة لي عندهم الأخضر، وقيلا عاد كتعلم، غلبات عليها تروتينيت ودخلات فسيارتي هرسات لي المرابا و عوجات لي الباب و الجانب … هي طاحت تقصحات بزااف، جاو الشرطة وعيطو للوثاية هزوها هي للمستشفى وقيدولي كوسطا دارولي فيها انا : عدم الانتباه … تخيل!
يجب القطع نهاءيا مع هذه الدراجات ومنعها كليا لأنها تسبب الكثير من الحوادث واغلب مستعمليها مراهقين دكورا واناث ثم انها تزيد من الضغط المروري ولكن للأسف بعض لوبيات المال والاعمال هي التي تسمح لهذه النوع من الدرجات ان تتكاثر في شوارع المدن كاوراق الفطر لان بيعها يذر الملايين.
المغرب الان يعج بالتروتينات و الدراجات النارية الصينية دون تأمين و لا وضع الخوذة الواقية من الحوادث مع حترام قانون السير ،الامن يتساهل مع هؤلاء
كثرة الكتابة
الحبر على الورق
الواقع في الطرقات شيء آخر
لا يحترمون إشارات المرور
يتسابقون مع السيارات
ذكور وإناث
ودون إشارات ضوئية
لم أرى قط شرطي مرور يوقف تروتيتيت
بالعكس نرى سوى المطورات
وزارة النقل تتكلم فقط عن المسائل التقنية الخاصة بالتروتينات ولا تتكلم عن الأشخاص الذين يسوقون هذه المركبات. هل لهم دراية بقوانين السير؟ هل يعرفون متلا علامات قانون السير وكيفية احترامها؟؟ لهذا وجب على الوزارة الانكباب على دراسة اللجوء إلى ضرورة الحصول على رخصة استعمال هذه المركبات.وللحصول على هذه الرخصة يجب على الراكب ان يجتاز امتحان نظري وتطبيق حول قانون السير وكيفية احترامه.وبدون تلك الرخصة لايمكنه استعمال اية مركبة في الطريق العام
Chaque fois que je vois passer une personne sur une trottinette, j’ai l’impression qu’elle conduit une voiture et non deux roues, avec toute l’assurance et la fierté. Je les voit même en dehors du périmètre urbain. Ça double les voitures, ça zigzag entre les voitures et quand ça se lance, ça n’arrête pas. Comment va faire un policier pour l’arrêter. Il peut même le blesser. Franchement, ce jouet a été interdit dans les pays où a été utilisé il ya plus de 5ans. Prenez votre temps Messieurs les Décideurs pour ne pas commette d’erreurs fatales.
بغينا نفهمو اسي الوزير ما هي الوضعية القانونية في حالة الحادثة و من سيعوض صاحب السيارة في حالة الخسائر المادية و بأي صيغة سوف تساغ معاينة حادثة سير (راجل او سائق دراجة هوائية او دراجة بمحرك بدون تأمين. او او او ) وزارة بأكملها و بأطرها لم تجد حل لمشكل بسيط عند الدول المتقدمة و هو (التروتنيط )
الحل الوحيد لهذه الظاهرة و هو منع امتلاك الاشخاص للتروتنت و ذلك لسببين اولا لعدم توفر الطريق الخاص بالدراجات ثانيا انها وسيلة نقل غير امنة لمالكها و لمستعملي الطريق ككل .
لالا مايمكنش باقي حنا واحلين غير مع الدراجات النارية وعدم احترامها لقانون السير لااعمم ولكن الاغلبية الساحقة غير مؤدبين وغير واعين بمخاطر الطريق حين لا تلتزم بالقوانين التي سهرت عليها لجن خاصة لا يمكن ا لسماح لهذه النوعية التروتينت خصوصا فالمدن الكبيرة وأخص منها مدينة مراكش التي اختنقت بكثرة الحديد الشيء الذي يزيد من الحوادث ومعاناة السائقين وهمجية السير والجولان رغم المجهودات الكبيرة في توسيع الشوارع لكن العقلية تزداد تعنتا في ارتكاب المخالفات اتمنى من المسؤولين ان يعيدو لهذه المدينة هدوءها ونظامها وبهجتها خاصة وأنها مدينة سياحية او بالاحرى كااانت يوما ما
ماهذا القانون ؟ لم نفهم ماذا يعني هذا القانون الخاص بالتروتينيت؟
مامعنى منع اقل من 8سنوات من سياقة تروتنيت؟
هل صاحب 9و10سنوات يجوز له سياقة تروتينيت وسط طريق تعج بالسيارات والشاحنات؟
ماهذا القانون ؟
أنا ارى انها ليست فقط تروتينيت هي ما يجب تقنينه. صحيح اننا الان نصادف كل ساعة راكب تروتينيت يسير بين العربات دون احترام لقانون السير بل احيانا ياتيك احدهم في الاتجاه المعاكس و ويف لك ان نظرت اليه فقط
نفس المشكل مع دراجات التوصيل خاصة تلك التي تشتغل لعلامة معروفة . لا يمكن ان تركب سيارتك إلا و تصادف هولاء يسير بسرعات جنونية لا يتوقفون في علامات قف . يسيرون كيفما اتفق حتى في الاتجاه الممنوع و احيانا بصندوق أمتعة مائل يكاد يسقط او تراهم يسرقون و أعينهم على الهاتف
لا اريد التطرق للدراجات ثلاثية العجلات لانها لوحدها مشكل يستوجب اشعار مجلس الامن
عفاكم ارحمونا من تهامجيت لان مراعاة الظروف يجب ان تشمل الجميع
غريب امركم وتعاملكم ببعض القضايا سياساتكم غير حكيمة ولا تتناسب مع التطورات النقل غدا او بعد غد ربما ينتج نوعا آخر من المركبات الطاءرة هل الحل السهل هو الدى يجب ان نتجه إليه لا يجب علينا النضر السلبي بدالك. اما بالنسبة لما يسمى التروتينات والدراجات النارية والعادية على السلطات المحلية ان تضع لها طرقات خاصة ومقاطع من جوانب الشارع الدى في بعض الاحيان يتجاوز 10 امتار ويصبح مستغل من طرف المقاهي ودكاكين التجار على السلطات المحلية ان تعزز البنية التحتية كما يحدث في اوروبا طرقات خاصة التموين ياتي من مستعملي هده الطرقات باشتراكات مناسبة وحسب نوع الدراجة سنويا كمتال تروتينات 100 درهم سنويا دراجة هوائية 200 درهم واعتقد بأنه ثمن مناسب وللسنة الواحدة هدا الصندوق هو بهدا الطريق
مما يجب تنبيه مستعملى هذه الدراجات بصفة قانونية ان ما يجري و يطبق على الدراجات النارية و السيارات يطبق عليها بصفة الزامية بما يعني ان مستعملي الترينتان يمنع عليهم ما يمنع على غيرهم فممنوع المرور مثلا من شارع او زنقة ما يطبق عليهم ايضا و هكذا وهو ما سيحدد من حرية صلاحية استعمال هذه الدراجات في مجالات تخص الراجلبن دون سواهم لتجنب الكثير من المضايقات بل و حتى الحوادث الخطيرة
لنكن صرحين التريبورت و التروتينتر خطر كبير على مستعمله و على الغير،!!! كيف لشخص يغامر بنفسه وسط السيارات و الشاحنات أقل حادثة تكلفه الكثير !!
انا لم أفهم شيئا!!!
الواقع في واد،والمسوولون في واد اخر…
تروتينيت بدون تامين،بدون رخصة سياقة ،ومستعملها يجهل قانون السير…
حين تقع الحوادث،اذاك فقط نتذكر انها غير قانونية،وننتظر متى سيصدر القانون…
تطرقتوا للخودة والسرعة ،فين الطريق الخاص بهم و التأمين ورخصة السياقة ، هدو كيشكلوا خطر على مستعملي الطريق ،راجلين وأصحاب السيارات ، كانوا الناس كيتشاو من اصاب الدراجات النارية والآن رخصتوا لواحد واقف بحال القصبة وطاير جنب السيارات والمواطر .
كيف يعقل السماح للأطفال في تسع سنوات استعمال الترونيت و هو أخطر من الدراجة الهوائية.
الحل الوحيد لسائقي التروتينيت هو كل من تهور ، ويسير بجنون و تهور أمام السيارت ، بدون أي تفكير من طرف أصحاب السيارات يجب دهسه و إرساله للمستشفى ، هذا هو الحل الانجع باش يتردعوا اشوية ، انتهى الكلام إعادة التربة بإرساله للمستشفى و اتهنات الوقت .
التروتينيت لي متفوتش 25 كلم فالساع بحالها بحال بيكالا علاش هاد الإجراءات الخاوية.
انا من مستعملي الترونيت و صراحة طريق لي كنسير فيها هي طريق دراجات لي موجودة فوق طريطوار مقادة مزيان ، و فاش تنوصل لطريق نقطع كنزل من تروتينيت و كنقطع بحالي بحال ناس ف ممر الراجلين… و صراحة عندي تساؤل من حيث الخوذة واش ضرورية ارتدائها رغم انني كنسير فطريق المخصص بدراجات فقط ؟
في انتظار تفعيل القانون، أين التأمين في حالة وقوع جادثة سير؟؟؟
غدي نجيكم من لخر هاد القانون لي طبق على أصحاب الطروتينيت منطقيا غير عادل لعدة أسباب. أولا ميمكنش لك تسمح للدوانة أنها تخلي التجار يدخلو طروتينيتات فيها كتر من 1000 واط أو تجي تفرض عليا منفوتش 25 كيلومتر فالساعة هدا راه الحماق أما الكاسك متافق معاك فيه أو تانيا مدام معدناش الطريق ديالها راه حشومة أنك تصبق القانون على الواجب لي خصك ديرو تجاه هاد النوع من وسائل النقل لي كتنفع بزاف الشباب فالتنقل للعمل أو كتوفر عليه واحد 1000 درهم ديال المركوب شهريا.
مشي حيت القاصرين كيشريوها تجي تحرمها علينا حنا لي كنحتارمو التشوير الطرقي أو عدنا بيرمي ديال السيارة أو كنديرو لوازم الحماية أو مخلصين التأمين.
هدا قانون نابع من الحقد ديالكم تجاه صحاب الطروتينيت أو بغيتو تعمرو الخزينة حيت خويتوها على موازين. قانون مفيهش حس الإبداع على الأقل فرض التأمين ولكن متقولش ليا نمشي ب 25 لي أنا كنمشي بيها غير برجلي أو زايدينها بدير الجيلي أو الكاسك .
باش تعرف بلي هاد المسؤولين آخر همهم هو المواطن كيفكرو ديما فالحاجة ساهلة وهي يقجوك ويمصو لك الدم عوض يفكرو أنهم يديرو مصار خاص بالدراجة الهوائية أو الطروتينيت باش مول الطروتينيت ميبقاش كيدخل وسط الشارع ولكن هما معمرهم غدي يخسرو علك الفلوس خصك أنت تخسر عليهم أو تعطيهم لهدا أقول لكل حقود عندو سيارة قسما بالرب إلى صحاب ماطر شينوا عبرو عليكم من لخر مكرهتوش الطريق توليو تمشيو فيها غير أنتوما أما لي عندو بيكالة أو باغي يستمتع أو يحرك رجليه أو لي عندو طروتينيت كيمشي بها الخدمة أو يتسخر بها معندهمش الحق فالطرق. راه أنت براسك يا الحقود كون مكانش البوليسي كون راك مكتعرفش شنو هو الضو الحمر أو قف. أما طروتينيت راه لا يتعدى وزنها 40 كيلوغرام في حين السيارة راه مكين غير 400 كيلوغرام أو لفوق واش الضربة ديال هديك هي ديال السيارة ؟ طروتينيت كتمشي ب 50 أو 40 درتو فيها راسكم يعععععععععععع
العقلية خاصها خطة للتغيير والتعليم في الأولوية ويتقادو أمور كثيرة كاين ناس سنين وهوما خدامين وماقدروش يوصلو لسيارة باش يتنقلو لهذا كايلجؤو لتلك الوسيلة واخا انا ضدها حيت أولا وقبل كل شيء كتعرض حياة الناس للخطر خاص الطريق خاص التوعية خاص التصالح مع الحياة خاصنا بزاف ديال الحوايج يتبدلو فيا وفيك وفيه وفينا الله يصلح الحال
يجب القطع نهاءيا مع هذه الدراجات ومنعها كليا لأنها تسبب الكثير من الحوادث
أودي ما قدو فيل ، زادوه فيلة
هادوك الطروتينت مرفوع عليهم القلم
لا تأمين لا رخصة لا قانون السير لا طريق مكودة
وكلشي كا يتحملوه أصحاب السيارات باراكا غير الماطر لي مشوهين جولان السير والطاكسيات والطوبيسات لي يوقفوا بدون سابق انذار
الفوضى وزايدينها بطروتينيت وزارة ترخص العشوائية
عمري شفت بحال هاد الشي.
حلول ترقيعية؟!
يجب منع الأطفال أقل من 16 سنة وليس 8سنوات.
مسألة تحديد السرعة لا يجب أن تطبق على الجميع، إذا طبقت فأصحاب التروتنيت التي تصل سرعتها الى 30kmh فما فوق ماذا سيكون مصيرهم؟ فأنا عندي تروتنيت تصل سرعتها الى 50kmh وأتنقل بها لمسافة 60km في اليوم، فأنا أحترم القانون وارتدي الخوذة فإن طبق علي قانون تحديد السرعة فهذا ضلم. ممكن فرض تحديد السرعة على الأطفال أما البالغين فهناك من يسوق برزانة ويحترم القانون “الإشارات المرورية وحق الأسبقية وريتدي الخوذة ”
يجب الضرب بيد من حديد على كل متهور لا يحترم القانون.
ها شنو كان خاص يدار فالقانون :
أولا إجبارية يدار الكاسك أو أصلا صحاب ماطر أو مكيديروهش حاليا إلا من رحم ربي.
تانيا أو هدا هو الدكاء لي كيبين بأنكم كتهتمو بسلامة المواطن هو يتفرض التأمين.
تالتا قضية 25 كيلومتر فالساعة راه ليست منطقية أبدا راه غير صحاب البيكالات كيمشيو ب 35 كيلومتر فالساعة. أنا متلا كنخدم بها أو الخدمة بعيدة عليا ب 18 كيلومتر معاش بغيتوني نوصل إن شاء الله إلى مشيت ب 25. أسيدي خلي ليا التشوير يتحكم فيا.
رابعا أو هدي أكتر حاجة لي كنت بغيت نسمع هو سائق الطروتينيت ضروري يكون عندو بيرمي ديال السيارة باش كيبين بأنه فاهم التشوير الطرقي أو بالتالي يمنعوها بطريقة غير مباشرة على لي عندو قل من 18 سنة.
ملي غدي ديرو أنتوما هاد النقط 4 لي هدرت عليها ديك الساعة شي لاخر راه معندكمش التحكم فيه بحال صحاب الماطر أو السيارات براسهم لي كيديرو تجاوزات خطيرة هما أو صحاب ماطر شينوا منها حريق الضوء الأحمر أو قف أو مكيطيحوش السينيال ملي كيبغي يدور أو حتى الروندبوان مكيعرفوش يدخلو ليها بطريقة صحيحة.
انا مع تقنين وتنظيم هذه الوسيلة الا في ما يخص تحديد سرعتها في 25 كلم في الساعة
أنا متضرر مشي من القانون ولكن من ديك 25 حيت الطروتينيت كهربائية مدارتش أصلا للدراري الصغار أو البنات. لأن عندهم رد فعل كبير أما أنا كشخص عندو بيرمي كنعرف لعب بالسرعة كنعرف إمتى نمشي ب 10 أو إمتى ب 15 أو إمتى ب 40 أو إمتى ب 50 أو مخلص التأمين ديالها ب 600 درهم. أنا كنت كنتمنى أن هدا لي حط القانون يكون دكي أو يحيد من بالو بلي الطروتينيت لعبة أطفال. لا راه مدارتش أصلا للأطفال فهي وسيلة حديتة فيها أنضمة كبح متطورة خصوصا لي كيتجاوز التمن ديالها 6000 درهم أو فيها جميع الشروط لي كيخليها وسيلة نقل بحالها بحال الموطور.
شوف سأتكلم بطريقة منطقية خالية من الحقد تجاه أصحاب الطروتينيت. أولا لي عندهم سيارة بغيت نقوليهم بلي الطريق مدارتش فقط ليكم. فهي صالحة للسيارات والحافلات والدراجات النارية والهوائية والكهربائية أو حتى الحيوان أو البشار يمشي فوقها فمتبقوش تخرجو داك الحقد على أصحاب الطروتينيت لأن مشي كولهم بحال بحال أو مشي كولهم براهش. وكدالك الدراجات النارية الصينية كين لي شاريها خدام بها على 3 النفوس أو كين لي شاريها باش يهز لور صحبتو أو كين لي شاريها باش يكريسي بها فمتبقوش تجمعو كولشي فسلة وحدة. راه مشي أنتوما أصحاب السيارات عندكم أجنحة ملائكة راكم أخطر حاجة فالطريق هما أنتوما إلا من رحم الله من الناس الشرفاء لي كيحتارمو الضوء الأحمر أو كيخليو الناس دوز خصوصا فالدارالبيضاء لا علاقة لها بمدينة تطوان فالتحضر . هنا فكازا كتبغي تقطع مكيوقف لك حتى شي واحد إلى واحد 5% هما لي فيهم الإنسانية أو يقولك من الشرجم دوز أخويا أنت لول. طروتينيت وسيلة زوينة سهلات على بزاف الشباب التنقل للعمل ولقضاء حوائج ديالو أو الخطأ كين فالتاجر لي كيبيعها لولدك أو بنتك لي باقين قاصرين. الطروتينيت فرضات راسها فالعالم والسلام عليكم.