أعلنت وزارة الاقتصاد والمالية اليوم الأحد، من خلال بلاغ لمديرية المنافسة والأسعار والمقاصة، أن الزيادة في أسعار أسطوانات غاز البوتان سيتم الشروع فيها ابتداء من يوم غد الاثنين.
وأورد البلاغ، الذي توصلت به هسبريس، أنه “في إطار تنزيل برنامج الدعم الاجتماعي المباشر، باستفادة 3,6 ملايين أسرة إلى غاية أبريل الماضي، اعتمادا على مبدأ الاستهداف الأنجع للأسر المستحقة للدعم عبر التسجيل في السجل الاجتماعي الموحد، الذي قامت الحكومة بتعزيزه بمجموعة من البرامج الاجتماعية، منها تعميم التغطية الصحية على 4,2 مليون أسرة مستفيدة من أمو-تضامن، وبرنامج دعم السكن لـ330 ألف أسرة على مدى 3 سنوات، وكذا إعلان رفع أجور الموظفين والأجراء في القطاعين العام والخاص، برسم جولة أبريل 2024 من الحوار الاجتماعي، ما سيساهم في رفع القدرة الشرائية لأكثر من 4 ملايين أسرة مغربية، ستتم مباشرة إصلاح منظومة دعم أسعار غاز البوتان بشكل جزئي”.
وأضاف المصدر نفسه أنه “في هذا السياق ستتم مواصلة تنزيل الإصلاح الشامل لمنظومة الحماية الاجتماعية، عبر تنزيل القانون الإطار رقم 09.21 المتعلق بالحماية الاجتماعية (…)،الذي تنص مادته الثامنة على أن برنامج الدعم الاجتماعي المباشر يتم تمويله من خلال تجميع وتعميم مختلف البرامج الاجتماعية؛ إضافة إلى الإصلاح الجزئي لصندوق المقاصة، إذ خصصت الحكومة 80 مليار درهم، في أفق سنة 2026، لتمويل مختلف البرامج الاجتماعية، إلى جانب تنزيل مخرجات الحوار الاجتماعي، لاسيما الرفع من أجور الموظفين والأجراء”.
وكشفت وزارة الاقتصاد والمالية أنه “سيتم الشروع، ابتداء من يوم 20 ماي الجاري، في التقليص الجزئي من الدعم الموجه لقنينات غاز البوتان برسم سنة 2024″، معلنة أن الأمر يهم “ما قدره 2,5 دراهم بالنسبة لقنينة غاز البوتان من فئة 3 كيلوغرامات، و10 دراهم لقنينة غاز البوتان من فئة 10 كيلوغرامات”.
خاص اولا الناس الفقراء تخد هاد الدعم المباشر 500 درهم ،زيادة 10 درهم مغاديش احسو الا كان هكا راه مزيان
ارتفاع سعر البوطا ضرب للقدرة الشراءية للمواطن المغربي،،
الحكومة تخدات القرار الصائب فزيادة فثمن البوطا ومغادي اكون تاشي تاثير على المواطن الفقير حينت كلشي ولا عندو الدعم المباشر مالين الفيرمات ولوزينات ليغادي اثأثرو فهاد الزيادة
في اطار اصلاح لصندوق المقاصة، هاد الخطوة مزيانة حيث اولا الزيادة ماشي دقة وحدة كيما كانت الحكومة لي دازت ناوية دير للشعب، بلا دعم بلا والو، ماحد المواطن كيشد واحد المبلغ لابأس به ولي مغاديش تبان ١٠ دراهم قدامو، ف عادي
شي مدعم شي ممدعمش، هذاهو الترفاس، الدعم هو تخفيض الأسعار التي أصابها السعار ، وليس الزيادة في أجور الموظفين، فماذا يفعل المواطن الذي ليس له أصلا ذخل ؟
إلى تعطاتنا 500 درهم راه مزيان لا مشكلة خاص غير الفئة الهشة تستافد ،بالعكس انا مع هاد القرار لحقاش قبل كانو حتى الناس الاغنياء كتستافد دبا الحكومة دارت الحل
على ود هاد الزيادة فثمن البوطا ليغادي تزاد كل سنة ب عشر دراهم خص الدعم الاجتماعي المباشر استمر اتزاد فيه تهو وحد النسبة باش الطبقة الفقيرة متأثرش عليه ديك زيادة
الزيادة في ثمن البوطاغاز غادي إثر على المواطن الدرويش، لكن دعم الاجتماعي المباشر للأسر الفقيرة سيستمر وماغاديش يتأثر بهذه الزيادة.
كون ماكانش الدعم المباشر، غنكون ضد هاد الخطوة لكن مادام الدولة كتدعمنا وهاد القرار فيه تحقيق عدالة اجتماعية من واحد الجانب، ف كنظن انه مزيان
على الأقل هاد الحكومة قررت زيادة ثمن البوطاغاز بثمن معقول (10 دراهم)، وهذا لن يؤثر على الفقراء. حيت كاين الدعم ديال 500درهم لكل أسرة
هي كتبان ليا مزيانة او ماشي شي زيادة لغادي تاتر على الطبقة الفقيرة حيت الدولة وفرات ليهم دعم المباشر متبانش هاد الزيادة مع 500 درهم في الشهر
عندنا زهر فاش هاد الحكومة متخدات الزيادة بصفة عامة على ثمن البوطا حتى نزلات الدعم الاجتماعي المباشر اما الحكومة السابقة راه بغات تزيد فثمن البوطا بصفة نهائية اداك الوقت مكاين لا دعم لا والو
النظام القديم للدعم كان يعزز الفوارق الاجتماعية لأنه لم يكن يفرق بين الغني والفقير. اعتماد نظام جديد قائم على الاستحقاق سيضمن توجيه الدعم لمن هم في أمس الحاجة إليه
هادشي كان متوقع لرفع الضغط على صندوق المقاصة وهاد الدعم غادي اتعطى مباشرة للناس الهشة هادشي مزيان الناس لي لباس عليهم اصلا راه قادين على ريوسهم
عيب وعار عليهم، خلصوا الناس في ثلاثة أشهر و وقفوا عليهم الخلصة ثم زادوا في البوطا وجميع المواد الأساسية ، وقال لك الدعم المباشر، أصبح الشعب يساعد الحكومة ماشي العكس، حسبي الله ونعم الوكيل فيهم
ماذا عن ضحايا المؤشر المرتفع رغم انهم لا يملكون شيء
دبا الزيادة في محلها ماشي بحال الحكومة السابقة لكانت غادي تزيد في البوطة او مكاين حتى دعم دبا بعدا مغاديش تأتر على الفقراء
أنا مع هاد الزيادة لأنه الأغنياء لي هما صحاب الفيرمات والمشاريع كايستهلكو أكثر ،حنت الى كترنا كانستهلكو 2 بوطات فالشهر ومع الدعم ماغايكونش تأثير
هاد الزيادة الطفيفة فالبوطا معندها تاا شي تأثير نظرا لدعم لي كنستافدو منو
كمواطن بسيط كيستهلك بوطة فالشهر، ف من وجهة النظر ديالي هاد القرار مزيان ماحد الدعم المباشر كاين، كيبقى المثأثر بهاد الزيادة صحاب المصانع والاغنياء…كان هدشي اكون شحال هذا، ماشي معقول واحد على قد الحال اشري بوطة بنفس الثمن لي كياخدها به واحد لاباس عليه
إلى كانت الدولة بصح كتعاون الشعب ب500 درهم فهاد الزيادة ديال عشرة دراهم ماشي مشكل حيت الطبقة الفقيرة هي لكتأتر من الدرجة الأولى
هاذ زيادة فثمن البوطاغاز كانت غادي تأثر على البوفري كون ما كان داك دعم الاجتماعي المباشر ديال 500 درهم وأكثر واحدين غادي يتأثرو بها هوما الأغنياء صحاب لوزينات والفيرمات.
الله يهديكم عن أي دعم تتكلمون عنه ؟! واش حثى 500 درهم في الشهر تسمى دعم؟ لك الله أيها المواطن المقهور.
نحن مع هاد الزيادة حيت لكيستافد من هاد البوطة هما الاغنياء او صحاب الضيعات الفلاحية لكيوصلوا حتى 10 بوطات ماشي بحال الفقير الى كتر 2 بوطات في الشهر
على الأقل هاد الحكومة غاترفع الدعم على البوطا وكادعم الأسر . أما الحكومة السابقة كانت غاترفع الدعم وماغانشدو لا ريال لا جوج
كنظن هاد الزيادة مغاديش تشكل حتا شي اشكال لأنو الحكومة قامت بالواجب القبلي
ماحد كاين الدعم المباشر، هاد الزيادة مغاديش تشكل مشكل كبير، وهادي خطوة من الحكومة لاصلاح صندوق المقاصة
مزيان نيت تزيد هاد البوطة باش نقفل هاد الاطماع ديال الطبقة الغنية بشرط الطبقة الفقيرة تستافد من الدعم الشهري هنا سيكون التوازن
إلا كانت غير 10 درهم اللي تزادت راه ماشي مشكل ولكن خاص دعم الاجتماعي المباشر للأسر الفقيرة يستمر باش هاذ الفئة متأثر بهاذ زيادة.
هاد الناحية 10 درهم مكتشكل تا مشكيل فزيادة فثمن البوطا الطبقة الفقيرة ولات دبا كتستافد من 500 درهم ديال دعم المباشر كل شهر فاش غيبقا الحال هي الطبقة الغنية حينت هما الوحيدين ليستافدو من دعم ديال الدولة لبوطا وقرار جريئ من الحكومة
زيادة عادية 10 دراهم مغاديش تاتر على الدريوش مقاربة مع الحكومة السابقة لكانت غادي تزيد في تمن البوطة بلا دعم بلا والوا مزال دبا راه كاين الدعم اساعد الفقراء
لي غايكون صعيب علينا هو كون ترفع هاد الدعم . ومكاين لا دعم مباشر لا والو . لكن فهاد الحالة الحمد لله الناس غايعاونو شوية بالدعم لي خرج سيدنا الله ينصرو
مفيها باس ، 10 درهم راها مكتشكلش شي مشكل كبير بحكم الإصلاح لي قامت بيه الحكومة
كنظن ان 10 دراهم مغاديش تشكل فارق كبير، الحكومة كتعطي الدعم المباشر بين 500 و 1200 درهم، ف هاد الزيادة مغاديش ثأثر على المواطن، وهكا الطبقة الغنية مغاديش تكون مستفيد
تفكرون في الزيارة على المواد الاستهلاكية دون مراعاة ذوي الدخل المحدود وخاصة المتقاعدين في القطاع الخاص حسبنا الله ونعم الوكيل
الخطة لدارت الحكومة كل عام تزيد 10 دراهم مزيانة باش المواطن متأترش بهاد الزيادة دقة وحدة ودارت دعم مباشر كيتعطى للأسر باش تعوض هاد الزيادة هادشي كلو مزيان ومنها نحدو من اطماع صحاب لوزينات وشركات لكان حتى هو كيستافد من الدعم لكان على البوطة
زيد لهدا ونقص لهدا……
لي مامستفدش لا من الدعم ولا من الزيادة ف الاجور ولا من الدعم السكني فله الله ،
لا يوجد في القنافد املس، جميع الحكومات عندهم نفس الاستراتيجية ففط هناك اختلاف في كيفية تطبيقها ووقت تطبيقها ،
العام زين خاصنا موازين
ملي الحكومة قررت رفع الدعم على البوطا انوليو نشوفو اصحاب المصانع والفيرمات ايبقاو اتشكاو حينت تقطعات لهم البزولة هما الوحيدين ليكا استفادة من دعم ليكا تقدم الدولة فالبوطا
خاص اصلاح صندوق المقاصة يمشي على هاذ نهج وتستحضر الحكومة دائما مصلحة المواطن الفقير وأي حاجة غادي تزيد فيها خاص قبل توفر ظروف المناسبة ليها باش الأسر الفقيرة والمعوزة متأزم بحال دابا كاين دعم المباشر لهاذ الأسر و 10 درهم ماشي حاجة كثيرة حيت عندهم 500 درهم شهريا ديال دعم.
انا كمواطنة كنقول هاد الزيادة خاصها تكون هادي زمان لأنو كيف يعقل مواطن بسيط كيشري لبوطا فحالو فحال الغني
خاصها تزاد باش نقطعو مع الريع والدعم الاعمى ماشي معقول الوزير يشري البوطا بنفس الثمن باش كيشريها الشاوش
هاد الزيادة لقامت بيها الحكومة في البوطة كتبان لي مغاديش تتأتر على الدرويش حيت بعدا كاين الدعم المباشر غادي اعاون الطبقة الفقيرة
الحمد لله بعدا فاش هاذ الحكومة غادي تزيد غير 10 درهم فالبوطا ودايرة دعم المباشر أما الحكومة سابقة راه كانت غادي ترفع دعم بصفة نهائية على البوطاغاز ومكان ديك الوقت لا دعم لا هم يحزنون.
هاد زيادة ديال 10 دراهم فثمن البوطاغاز معقولة وغير مؤثرة على الطبقة الفقيرة بحكم وجود الدعم المباشر ديال 500 درهم.
صراحة هاد الزيادة مزيانة باش الطبقة الهشة بحدها لتستافد من هاد الدعم والناس الاغنياء راه ميمكنش ليهم اتزاحمو مع الناس الدراوش خاص شوية اكون العدل فهاد المسألة ،بامكانهم اشرو البوطة بتمن ديالها داكشي مغاديش اتأترو به
رغم أن 10 دراهم ليست مبلغا كبيرا إلا أن هذا الإصلاح يجب أن يكون بمثابة خطوة إيجابية نحو تحسين الحياة في المجتمع
تطبيق هاد الدعم الشامل غيأدي إلى استفادة الجميع بشكل متساوٍ، مما يعزز التفاوتات الطبقية والاجتماعية بدلاً من تقليلها. الآن، سيسود مبدأ العدالة الاجتماعية، حيث يستفيد فقط من يستحق الدعم
هاذ زيادة فثمن البوطا اللي دارتها الحكومة فإطار اصلاح صندوق المقاصة كتبان ليا زيادة عادية ومغاديش يكون عندها حتا تأثير على طبقة الفقيرة حيت عندهم دعم مالي شهري من دولة ديال 500 درهم وكاين اللي كيخود كثر.
ملي الحكومة وفرات الدعم المباشر للمواطن 500 درهم في الشهر ادن ماشي مشكيل الا كانت هاد الزيادة 10 دراهم كاعما تبان مع 500 درهم
.
على الرغم من الزيادة في سعر البوطا إلا أنه لا يلاحظ أي تأثير على الطبقة الوسطى بسبب الدعم الذي تقدمه الحكومة لنا
زيادة فالبوطا ماكنظنش غادي يأثر علينا حنا كناس بسطاء حيث كين الدعم المباشر او حيث دعم البوطا قبل كانو كيستافدو منها الاغنياء دائما نبقاو نشوفو الجانب الإجابي
كانت غادي تأثر هاذ زيادة فالبوطا على المواطن درويش كون ماكان دعم المباشر ولكن الحمد لله دابا مع هاذ 500 درهم اللي كيشد درويش كل شهر راه مغاديش يحس بهاذ زيادة.
بكل صدق وبدون مبالغات، أدعم استراتيجية الاستهداف التي تنتهجها الحكومة حيث يتم توزيع الدعم الاجتماعي استنادا إلى السجل الاجتماعي الموحد والسجل الوطني للسكان، وأرى أن هذه الخطوة الحكومية هي الطريق المثلى لتوجيه الدعم إلى من يحتاجه بشكل أكبر
كون ما كانتش الحكومة كتدعمنا ب ديك 500درهم شهريا ايه من حقنا ندوي مي انا كنشوف بلي هذا زيادة مغنحسوش بيها زيادة على هادشي راه دعم البوطا كان كيستفدو منو فئات ليست في حاجة لهذا الدعم
الثروات تهرب للخارج والقروض الخارجية لا يظهر لها اثر والمواطن يؤدي الفاتورة !! وبما ان الحكومة تخلت عن فرض الضبط والإنضباط لحماية المواطن ينتظر الزيادة المهولة دون مبرر في كل شيء !!ايام سوداء تنتظر المواطن
وهذه من حصيلة حكومة رموز الاحتكار !!
نقدرو نقولو بلي هاذ الحكومة خطرت الوقت المناسب وطريقة صحيحة باش تزيد فثمن البوطاغاز حيت قررت تزيد 10 درهم وفنفس الوقت كاينة 500 درهم شهريا ديال دعم المباشر للاسر الفقيرة والمعوزة وهاذ دعم حتا هو غادي تبقى تزيد فيه كل عام.
فالجانب الاخر ديال هاد القرار، كنظن انه مزيان حيث غتحقق العدالة الاجتماعية، وغتقصي الفئات لي اصلا مكتستحقش الاستفادة من صندوق المقاصة
حسبنا الله ونعم الوكيل فيكم اشمن دعم عطيتونا المؤشر طالع المؤشر طالع حتى طلعتوا معانا قالب الله ايااخذ فيكم الحق ها العيد جاي فين غنردو روسنا
و ماذا بالنسبة للمتقاعدين من فكر فيهم لا حول و لا قوة إلا بالله
في إطار إصلاح صندوق المقاصة يمكن اعتبار هذه الخطوة إيجابية، ولكن الزيادة لا تمثل سوى إجراء سطحي، فهذه إشارة واضحة على أن الحكومة تهتم بتحسين أوضاع المواطنين
واخا هكاك هاذ زيادة فثمن البوطاغاز زيادة معقولة ومغاديش يكون عندها حتا تأثير على القدرة شرائية ديال درويش حيت موفر ليه دعم المباشر.
أعتقد أن زيادة 10 دراهم لا تمثل فارقا كبيرا خاصة وأن الحكومة تقدم الدعم المباشر بين 500 و 1200 درهم
بما ان الحكومة كتوفر لينا شهريا وحد المبلغ راه هذا الزيادة ماغاديش يكون عندها شي تأثير في القدرة الشرائية لمواطن او ما غاديش نحسو بيه اصلا
فاش هلي الحكومة وفرت للاسر الفقيرة دعم المالي المباشر، ماشي مشكل هاذ 10 درهم اللي زادت فالبوطا حيت أقل حاجة كتشدها الأسرة الفقيرة هي 500 درهم شهريا من عندها دولة.
كنشوف هاد القرار ديال الحكومة إيجابي او في محله حيث الدعم الشهري اللي كنتوصلو بيه غادي يخفف من تأثير الزيادة فالبوطا
من واحد ناحية مزيانة هاذ زيادة فثمن ديال البوطا حيت أولا الطبقة الفقيرة اليوم كتستفد من دعم المباشر يعني 10 درهم مغاديش تبان قدم ديك 500 درهم اللي كيشدو شهريا وأصلا الا كثرو كيستهلكو 2 بوطات فشهر وثانيا ماشي معقول بقا دول تدعم حتا الأغنياء حيت هوما أكثر نساء استهلاك للبوطا.
هذا هو الضحك على الدقون وعلى هذه الحكومة عدم الإستخفاف بعقول المغاربة فمن إستفاد من الدعم وهم فئة قليلة ومنهم فئة كبيرة من أصحاب لمقدم والشيخ واللذين لا يستحقونه أصلا وسيمولون من بقية الشعب ومن فقرائه الصامتين أي أن هذه الحكومة لن تدفع درهما واحدا في هذه العملية بل ستخرج منها رابحة والضحية هي الطبقة الشبه فقيرة والشبه المتوسطة
عيد الاضحى في الطريق و الاضحيو وصلت ثمن لم تصله في تاريخ المغرب البترول في المغرب يباع باثمنة الدول الاروبية و يعد الاغلى على الصعيد الافريقي و الشرق الاوسط و الان الغاز في زيادة و المواد الغدائية ازدادت بشكل لا يصدق ارتفاع هائل و البطالة منتشرة و السجون ممتئلة بسبب الفقر و عدم توفير فرص العمل ملايين الشباب ضائعين و كل يريد الهجرة بسبب الغلاء .
الدعم لم يتلقاه الى البع
الزيادة فالبوطا ما غاديش تأثر علينا بزاف حيث كنشوف بلي الحكومة كتحاول دير حلول عملية للمواطن البسيط من خلال الدعم المباشر
حنا عرفنا من الاول هذاك الدعم راه مراه شي زيادة صاروخية واش عمركم شفتو حكومتنا كتعطي شي حاجة فابور ليك الله يا مواطن الضعيف
قرار الحكومة قرار معقول لان الدعم المالي الشهري كاف باش نواجهو أي زيادة فثمن البوطا. الأغنياء ما خاصهمش يستافدو من دعم البوطا
بكل أمانة وبدون مزايدات، أنا مع الاستهداف، وفق المقاربة التي تتجه الحكومة لاعتمادها من خلال السجل الاجتماعي الموحد والسجل الوطني للسكان، من أجل توزيع الدعم الاجتماعي المباش هاد الإجراءات الحكومية المتخذة لتنزيل الدعم الاجتماعي كلها في الطريق الصائب
بكل صدق، كنشوف أن دعم الحكومة ب 500 درهم شهرياً كافي باش نتحملو أي زيادة فثمن البوطا. هاد المبادرة غادي تساعدنا بزاف
اعتماد الدعم بصفة شمولية كما هو حال صندوق المقاصة، الكل يستفيد منه، سواء كان غنيا أو فقيرا، يعني تتم الاستفادة بوتيرة ومستوى متشابهين، وهو ما يزيد من حدة التفاوتات الطبقية والاجتماعية اما الآن ستكون هناك عدالة اجتماعية ومبدأ الاستحقاق هو لي غادي يكون ولي مافحالوش كياخذ الدعم
صراحة على المعجم العربي تغيير معنى كلمة دعم بإستغباء تحايل مكر،عندما نتحدت عن الزيادة في تمن الغاز فإن الزيادة لن تقتصر على الرفع من تمنها بل بكل ما يرتبط بها من مواد إستهلاكية فلاحية وما يرتبط بالمصانع ومحلات المأكولات والمخابز،كما يحصل الأن مع المحروقات،لهذا ما محل الدعم أو الزيادة في الأجور وأنت ستسترجع هذه الأموال وأكتر منها من جيوب المواطنين؟!!
حكومة تصر على تقديم خدمات مجانية لاعداء الوطن الذين يستغلون كل صغيرة أو كبيرة في محاولة النيل منه …وربط الزيادة بما يسمى بالدعم الهزيل هو دليل على أن منطق التحايل والتشناق هو السائد.. وأن سياسيي الريع لايمكن إلا أن يعتبروا المواطنين مجرد زبناء يساقون إلى الشراء بالثمن الذي يريده صاحب رأس المال والمحتكر…للتذكير فإن غاز البيتان هو من أرخص أنواع الغازات على الإطلاق..ويتم تقطيره من برميل البترول الخام.. كآخر منتوج في عملية التصفية…والثمن الذي كان يباع به..هو أغلى من ثمن التكلفة بدرجات كبيرة..
لا أفهم أبدا هاته الحكومة. ماذا سيفيدها زيادة طفيفة ب 10 دم فيحين وجب استغلال الظرفية الحالية من دعم وزيادة للموظف وكان يجب فرض زيادة معتبرة على البوطا على الأقل 30 دم. آح وبردات عوض هاد التخربيق كل عام 10دم
الحكومة المغربية يجب عليها تكثيف جهودها لتخفيف من آثار هذه الازمة على شباب بلادنا
ماذا عن فئة المنقاعدين الذين لم تلتفت اليهم جميع الحكومات المتعاقبة….هناك متقاعدين معاشهم لم يتعدى 1000 درهم في الشهر…بالله عليكم كيف يعيش…حسبي الله. و نعم الوكيل
الدولة عجزت عن تطوير مصادر الدخل للخزينة العمومية وأصبحت تأخذ من الشعب لتمويل المشروع الاجتماعي
يجب على الحكومة اعطى كامل مجهودها في حل القضايا التي تمر بها بلادنا اولها قطاع الصحة و ضمان العيش الكريم للمواطنين
رغم كل هذه المجهودات التي تقوم بها الحكومة تجاه بلادها و شعبها الا انها يجب مضاعفة جهودها و بالخصوص على مستوى الاجتماعي و الاقتصادي
لا ننكر على ان الحكومة تفعل ما في جهدها لكن ننتظر الشيء الكثير منكم خاصة في تحسين الظروف فبلادنا
بلادنا تحتاج الاصلاحات في العديد من الجوانب نتمناو من الحكومة مضاعفة جهودها لخدمة الوطن بشكل كبير
منكروش انا الحكومة خدامة و لكن مازال خاصمهم تخدمو و تقومو بدوركم على اكمل وجه
ابتداءا من غدا كلشي غادي يغلا ويزيد يغلا كونو هانيين حتى اللي كان تايوفر شي 1000 درهم فالشهر باش لاجاتو شي موت ولا شي عملية على غفلة مايتصابش يابس غي كونو هانيين الطبقة المتوسطة والطبقة الفقيرة باي باي غادي تبقاو خدامين وحادرين الراس حتى يهزوكوم للقبور حيت تا التقاعد زادو فيه يلا كنتو غادي تعيشو مور 65 عام هاديك هضزا اخرى
نامل من الحكومة ان تستمر في تحسين الاوضاع و توفير حياة افضل للمواطن
الأغنياء يستعملون الكهرباء عوض الغاز لان كبار المسؤولين لا يؤدون ثمن الماء و الكهرباء غير الفقير الذي يكوى بنار قرارات الحكومة كيف ما كانت اما الدعم اكثر الشيوخ و الارامل الذين ليس لهم أسرة تم قطع الدعم عنهم الله ياخذ فيهم الحق
عطوني شهرين أو وقفوا ليا دعم قال لك اسيدي المؤشر طلع ملي سولت المقاطعه قالو لي دارو ميزاجور وطلع لي المؤشر ودابا يقولون عطاو لأكثر ناس حاجه الله ياخد فيهم الحق. كانت ]9.74] او رجعت بلعاني 9.77 بقدرة قادر. حسبي الله ونعم الوكيل فيهم.
أنا أدعم رفع سعر غاز البوتان وأدعم رفع الدعم عنه كليا ورفع الدعم أيضا عن الدقيق والسكر وحل صندوق المقاصة ولي بغى يشري شي حاجة يضرب يده لجيبه.
هاد الزيادة زيدها على المواد الاخرى. الخضر الفواكه اللحوم الحمراء و البيضاء البزين وووووووو. و الاجور تابتة. الطبقة المتوسطة سترى الجحيم في المستقبل و المستفيد هو الحكومة. دعونا من الدعم الخاوي و الغير الدائم لبعضهم. اما المتقاعد فالينتظر الساعة(وفاته).
الارتفاع للمرة الثانية. الأولى نقص في وزن البوطا الثانية هي زيادة يوم الاثنين. فقط للتذكير.
ايوا انت تزيد في ابوطا الفلاح يزيد في البطاطا و الخضر والفواكه و وووووووووووووووووووووووو
الموظف زيدتولم فالراتب المسكين يأخذ الدعم والمتقاعد هو الضحية الكبرى
صندوق دعم المسكين وجدتموه طبعا من اموالنا نحن المواطنين والمتقاعد تقول ان صندوقه فارغ وأن سنة 2028 سيتوقف صرف راتب المتقاعد بهاته الطريقة ترهبون المتقاعد لا يا سادة فثروة البلاد هي للجميع للموظف للمسكين وأيضا للمتقاعد
لمشكلة انو تامول لحانوت غايصبح زايد غدا وخا هوا شراها ب 36 درهم قبل زيادة اودي مكينش معامن
والمتقاعدين اللي ما استفادوا من دعم ولا زيادة في الأجور .ما محلهم من الاعراب ؟
الزيادة في البوطة يعني الزيادة في عدة مواد :الصناكات ، الخبز ،السفنج الملوي ،المقاهي… وكل شيء له علاقة بالبوطة.
خاص اكون الاعتناء بالطبقات اللي فقيرة بزاف، و اتعطى الدعم ديال البوطا الغاز اللي تيستحقوه 500 درهم شهرا واعرة بزاف، باش ميستفدوش منو الأثرياء على حساب المحتاجين.
الإصلاح الجزئي ديال نظام الدعم في قنينات الغاز يمكن أن يكون خطوة إيجابية إذا تم تنفيذه بعناية وفعالية.
مزيان هاد المعايير اللي دارو فمسألةتحديد من يستحق الدعم في البوطة وشكون اللي خاصو ميستفدش بحال الاغنياء وصحاب الفوارم و المخبزات و الشركات اللي تيخدمو به
هاد الاصلاح اللي هو جزئي مهم بزاف لفئة ديال الناس اللي مفحالهومش خاص اتعاود تقييم ديال طريقة توزيع الدعم للناس في السجل الاجتماعي الموحد باش نضمنو تواكب لتغيرات الوضع ديال الناس الاقتصادي والاجتماعي.
لاحول ولا قوة الا بالله العلي العظيم
اش من دعم ثلاثة أشهر والمؤشر طلع غير وحدو….
زيادة على ذلك فين هما المتقاعدين؟. رآه كاين لي معندوش حتى ١0دراهم في أول الشهر كلشي كيمشي في الدواء والكراء والماء والكهرباء ويبقى بنادم كيشوف…..
رآه الهوية ديال الفقر ازدادت
حسبنا الله ونعم الوكيل…..
هادشي اللي غادية فيه الحكومة فيه مصلحة كبيرة للناس الفقراء اللي مفحالهوش و في نفس الوقت الناس مولين الشكاير اخلصو اللي عليهم
المواطن البسيط يالله تيستهلك بوطة تال جوج بوطات فالشهر يعني رابح مع هاد الدعم اللي خصصتو الحكومة لهاد المسألة هادي، و لكن في نفس الوقت الناس اللي كانوا تيستفدو بكثرة غادي اخلصو اللي عليهم
المجهود الاجتماعي للحكومة لا تخطئه العين مجهود تأسيسيٌّ كبير للدولة الاجتماعية التي ننشُدها جميعا، وأثره مباشر على الأسر التي تستحق،
ثمنُ قنينة الغاز مُخصَّص للأشخاص ذوي الدخل المحدود لا لرجال الأعمال، والحكومة قررت التعامل مع الأسرة المغربية المحتاجة للدعم بشكل مباشر
هنتايج الزيادة فالاجرة ماقدم باليمين يؤخد بالشمال
الحكومة بهاد الاصلاح غادية للتأسيس ديال علاقة ثقة مباشرة بين الحكومة والمواطن
كاينين مواطنين فقراء تيمشيو باش اشريو البوطا بأربعين درهما، نفس الشي نفسه بالنسبة لرجُل الأعمال وبنفس الثمن، ولكن اصلا الدعم الموجه لغاز البوتان ديال الأسر ذات الدخل المحدود
لقد كان على الدولة منذ زمان زيادة 10 دراهم في ثمن البوطة… و اكبر كذاب من يقول ان هذه الزيادة ستاثر على ميزانية الفقراء الذين هم اصلا من لا يستفيد من الدعم وحدهم، بل من لا يستحقه.. . (الميسور ن… المقاهي.. المطاعم… إلخ . )
صرحة الى كان بصح رفع الدعم عن الغاز بغرض مساعدة فالدعم المباشر فهذا امر عادي لان صرحة الفئة لي خاصها تدعم هي الأسر البسيطة ماشي ناس اصحاب المقاهي والمصانع والمطاعم والفلاح هذو الحمدو لله واقفييين
دبا صرحة المواطن العادي مغديش يحس بزيادة ديال الغاز مدام مستافد من دعم المباشر لي قدموا جلالة الملك نصره الله والله يخليه لينا
زيادة البوطة يعني زيادة ثمن السقي عند الفلاح يعني زيادة ثمن الخضر والفواكه وكذلك الاكلات الجاهزة تحياتي.
الخطير هو ماشي البوطة ديال الاسر فالخطير هو كولشي غيزيد بحجة ثمن الغاز ارتفع اصحاب محلات الوجبات السريعة و المخبزات وووو وهادشي و كيستعدوا يحيدو الدعم كذلك عن فاتورة الكهرباء بخلق شركات جهوية اي حاجة فيها جهوية عرف فيها الدمار الشامل
الحمدو لله واخيييرا دبا عاد ت كنشوف بلي المعادلة فالطريق الصحيح الى زيادة فثمن البوطة عادي لان الاسر الفقيرة والبسيطة منحت لها دعم لي نتمناو يبقى مستمر مع زيادة وهذو هما ناس لي خاصهم دعم اما اصحاب المطاعم والمقاهي والفلاح هذو هما لي مغاديش يعجبهمش الحال حيث كانوا مستافدييين بزاف من دعم الغاز
السلام عليكم ورحمة الله:اقسم بالله ليس لي اي دخل وزد على ذالك انني معاق وسني 55 ووقفو عني الدعم وعندما اسال اي مسؤول عن السبب يتهرب من الجواب يا سبحان الله
صرحة امر عادي زيادة فثمن الغاز امر عادي الى كان بهدف ان يشمل ادعم المباشر الاسر الفقيرة والبسيطة بالمغرب لان الاسر الفقيرة والبسيطة مكتستخدمش الغاز بزاف وبالتالي دعم غادي يستافدوا منوا هنا اصحاب المقاهي والمصانع والمطاعم والفلاح لي اصلا شحال من عام وهما مستافدين
واين المتقاعد كن كل هذا.لا زيادة لا دعم لا حول ولا قوة الا بالله.
والله حتى مشى فيها الدرويش…انتظرو الغلاء غي الخضر و الحم والفواكه ….
ارا من هنا شد من لهيه دكشي منكم و اليكم
اضعف حكومة فالتاريخ
ضربوا حساب للزيادة ومضربوش حساب للبقالة غدي يبيعو البوطة بالثمن الجديد مع العلم انهم اشتروها بثمن قديم
والله مكهرت الشعب يخرج ليكم للشارع
عطيتو الدعم وحيدتوه
ولكن الشعب اي فيه الديفو ميهدر على حقو
ما مصير المتقاعدين المهمشين ليساهم من يدافع عليهم الى الله وجلالة الملك محمد السادس نصره الله ارحموا من فالارض يرحمكم من في السماء
المغرب البلد الوحيد الدي تزدهر فيه المسطلحات السلبية .كالمطالبة ..بالدعم ..الوزيعة ..الاستفادة ..الفابور..امتهان الفقر والمسكنة ووو م ملايير الدراهم تدهب الى جيوب لاتستحقها بدون اي مقابل وبدون وجه حق
في دول اخرى جميع المواطنين يتقاتلون من اجل التكوين النافع و يشتغلون ويدعمون ميزانية البلاد في المغرب يدمرونها …
و ماذا عن المتقاعدين مالين 1000درهم في الشهر ؟ هل لهم من زيادة ؟
المت قاعد زيادة في كل شيء إلا الأجرة مت ولا بقى شغلك هذاك فمرحبا بم قدره العباد علينا حتى يغعل الله امره
هل فكرت الحكومة في الفلاح الصغير الدي يستعمل اربع قنينات غاز يوميا على الاقل رغم توفره على الطاقة الشمسية الدي اشتراها من ماله الخاص او بالدين؟
يجب على الحكومة دعم الفلاح الصغير لان كلفة الفلاحة اصبحت باهضة الثمن .
وشكرا هسبريس
نتمنا الا يلجى أصحاب الفريمات والضيعات الكبرى إلى تعويض خسارتهم وحرمانهم من الغا ز حيث كانوا يستعملونه فالسقي… إلى الرفع ثم الرفع من اثمنة المنتجات الفلاحية الأساسية لتعويض هامش الربح لديهم المرجو تشديد المراقبة..
من يقول لا اخد ستاثر خصوصا الاسر المدعومة فاقول عليك ان تعلم ان الزيادة في القنينة او البوطة خصوصا الكبيرة يعني الزيادة في كل شيء ينتج من خلالها سواء الخبازين والفلاحين واصحاب المطاعم وووو والحمد لله حمدا طيبا مباركا ونساله السعة في الرزق ودوام النعم شكرا هسبريس
الى المعلق 123
أشكرك على التعليقك في المستوى و اضيف ان فرنسا تتعامل مع النفس المنطق الاجتماعي
للأسف ليس الخطأ من الدولة أو الحكومة بالخطأ من الفئة من المجتمع المغربي التي تريد الكل المجاني و لا تريد العمل
عشرة دراهم ماشي شحاجا كبيرة .شكراا
باراكا من الشوهة في جميع الدول المواطن يساهم في ميزانية البلاد ويطالب بتحسين التعليم والصحةوالبنى ووو في المغرب همهم بطونهم لايساهمون في اي شيء ويطالبون بالفابور …يجب حدف صندوق المقاصة ٢
لعبة ملعوبة مند مدة حتى إنكشف ألأمر وكل هاذا لتلميع صورة المنتخب على حساب 500 درهم منقوصة العدد والقيمة ولا يجب الافتخار بكل ما أنجز حتى لحدود الساعة
وأين الطبقة الوسطى والمتقاعدين لا دعم للطبقة الوسطى ولازيادة للمتقاعدين ، استبشرنا خيرا حينما اكتشف البترول والغاز في بلادنا ،فبدل أن نسمع ان الغاز قد انخفض ثمنه لأن المغرب اصبح بلدا بتروليا أصبح العكس هو الصحيح وحسبنا الله ونعم الوكيل على ما آل إليه البلد.
الحكومة قامت بخطوة مناسبة و مدروسة بزيادة سعر البوطا بمعدل 10 دراهم سنويا لمدة 3 سنوات في الوقت نفسه فإن توفير دعم مباشر بقيمة 500 درهم شهريا للأسر يعكس التزام الحكومة بتخفيف الاعباء المالية عن هذه الفئات الهامة من المجتمع
لا يبدو أن زيادة سعر البوطاغاز سيؤثر بشكل كبير على القدرة الشرائية للافراد الذين يتلقون دعما مباشرا و هي زيادة تبدو مقبولة
زيادة تبدو منطقية مغاديش تأثر ف القدرة الشرائية للمواطنين بحكم انهم سيتلقون الدعم الاجتماعي المباشر
النظام القديم للدعم كان يعزز الفوارق الاجتماعية لأنه لم يكن يفرق بين الغني والفقير. اعتماد نظام جديد قائم على الاستحقاق سيضمن توجيه الدعم لمن هم في أمس الحاجة إليه
قرار ليس في محله لان هده الزيادة سوف تؤثر على مجالات اخرى المرتبطة بشكل مباشر بغاز البوطان و ابسط مثال الخبز الدي سيعرف ارتفاعا صاروخيا و بالتالي ستزيد هاد الزيادة الطين بلة
الزيادة في ثمن البوطا ستتمخض عنه موجة جديدة من تضخم الأسعار لكونها تستعمل لسقي الأراضي الفلاحية. الدعم المقدم للطبقة الفقيرة الذي تتضرع به الحكومة سيتبخر بعد غلاء أثمان الخضر. هذه الحكومة تعمل لتفقير جميع الأسر المغربية سنصبح كلنا فقراء تحت رحمة أصحاب رؤوس الأموال من شاكلة رئيس الحكومة وزبانيته
اغلببية الفلاحة يشتغلون السقي بي بوطوكاز. واصحاب القهاوي والريستورات كلهم يسنعكس. التمن عليهم. لي هاتي الاسباب غادي يزيدو. في الاتمنة تاعهم. ويسنعس على المجتمع. اامغربي
مجدو الحكومة و صبروا الفقراء المساكين و خاصة الطبقة الوسطى المفقرة بالديون . كما قالوا ، اللي ما كفاه فيل زيدو فيلة . هذا المستهلك المغلوب الكادح ، إلى أين يصد ؟ إلى الشناق ، إلى المحتكر. إلى المدبر خارج السياق ؟ عموما ، المجتمع يئن في واد ، و الحكومة تحلب من الكادحين . و تغض الطرف عن الثروة و الإقطاعيين ؟! الغالب الله .
نتساءل بكل حرقة هل هذه الحكومة اجتماعية كما تدعي ام لبيرالية محظة كيف لها ان تزيد من سعر البوتان ونحن واحلين وغارقين مع المعيشة اليومية وخاصة مع اقتراب عيد الاضحى وكيف لنا ان ندبر ثمن هذه الأضحية ونتساءل كذلك بما انها تعلن داءمة عبر وزيرة طاقتها ان المغرب اصبح راءدا في الطاقات المتجددة وعبر شركاتها للتنقيب عن الغاز ان المغرب سيسغل حقوله الغازية بنسبة 40٪ وأنه اوجد الغاز في تندرارة وحوض لوكوس والعرائش وحوض سبو .امام هذه الوفرة من الغاز فلماذا يزيدون في اثمنة الغاز الضروري لاي مواطن مغربي.السيد الداودي في عهد بن كيران قال بانهم مستعدين ان يمنحون 2حتى 3قنينات غاز كبيرة لكل أسرة شهريا مقابل رفع ثمنها للاغنياء وأصحاب الفنادق والمخابز والفلاحين فلماذا لم يطبقوا هذه الفكرة ام ان هذه الحكومة تدافع عن الليبيراليين والاقطاعيين والبرجوازيين وتسحق المسكين الذي يتعارك مع قوت يومه لنا الله لن ينسانا ابدا.
اهم ما في البلاغ رغم أنه مؤلم.هو زمن اصداره لقطع الطريق على المحتكرين.
هذه الزيادة في الحقيقة عبء كبير على المغاربة خاصة الناس عديمي الدخل
الحكومة المغربية تسعى إلى تفقير الفقراء وضرب القدرة الشرائية للمواطنين. الغلاء استشرى في كل المواد الأساسية. ستأتي ثورة الجياع يوما ما لا محالة
شفت القرار يتحدث عن القنينة من فئة عشرة كيلو غرامات عوض إثناعشر واش الثمان تزاد والوزن نقص زيد السي عزيز نستاهلو ماحسن على حد قولك
بالضبط هذا اليوم هو “الذكرى 43 لثورة الكوميرا ” حيث كان يباع كيس من الدقيق الوطني ب 50 درهما و في صبيحة يوم 20 ماي 1981 .اصبح يباع ب 100 درهم .
انا كفلاح، كنت بصدد شراء قنينات الغاز من اجل سقي الكلاء المعد للماشية، فوجئت بهذه الزيارة ، الكلام موجوده للذين يقولون ان قرار الحكومة قرار صائب ، غدا عليكم ان لا تشتكو من الزيادة في تمن الاضاحي، و السلام.
علاش المغرب فيه غير 330 ألف أسرة استفادت من دعم أو زدتو 10 دراهم أو باقي لي ما إستفدو والو شنو حسبنا الله ونعم الوكيل
حسبنا الله ونعم الوكيل عن أي دعم يتحدثون هذا إسمه العبث
دولة مبهمة، في نفس الوقت الذي يتم فيه الإعلان عن اكتشافات للغاز بكميات ضخمة يزداد ثمن الغاز، الدليل على أن الشعب لا حظ له في ثرواث البلاد التي تباع للخارج و من يقبض المداخل الله أعلم! كل سيزداد حتى الاحتقان الشعبي.
لم أستفد من الدعم لأني ليس لدي أسرة ولا من التغطية الصحية ولا من أي شيء وأنا مريضة بأربعة أمراض مزمنة وما من معيل لي سوى الله سبحانه وتعالى
نعاني في صمت اتقوا فينا الله
لا يوجد فخ للصيد بدون طعم هنيئا لكم القادم افضل
هوما في الزيادة الوزراة كتخدم تال نهار الأحد أودي مشاكيييييييل اوخلاص
الزيادة + النقص في كمية الغاز القنينة = زيادة مضوبلة. حسبنا الله ونعم الوكيل
السلام عليكم يقولون ان الدعم و رفع الأجور سيحل جميع المشاكل وا قول من لم يستفيد لا من هدا او داك و ترفعون عليه الاسعار بالله عليكم مادام يفعل اتقاضى معاش لا يسمن و لا يغني من جوع و لم تزيده شيئا هل فعل شيئا حتى تتنكروا اليه حسبي الله ونعم الوكيل
مؤسف جدا على هذه الزيادة التي تتزامن مع بداية استغلال الغاز الطبيعي كنت أظن أنه سيتم خفض ثمن الغاز.
الظغط يولد الانفجار وحداري من انعكاس انهيار القدرة الشرائية
و يستمر مسلسل طحن الشعب و زيد الفقر فقرا وزيد الغني غنا بدعوى دعم الفقراء ههههه ارتفاع ثمن غاز البوتان له تاثير مرفع الدعم عن الغازوال و البنزين انها سياسة متعمدة لقهر المواطن البسيط لان سترتفع جميع المواد المرتبطة بغاز البوتان …….. و الشعب في سبات عميق لايدري مايحاك له من السماسرة و اللوبيات
هذي غير البداية راه لي جاي كثر من هادشي والله يالمغاربة لي راكو فرحانين بتنظيم كأس العالم في المغرب حتى يفوت على حسابكم مزال يزيدو فكولشي راه مزال يزيدو شي ضريبة ديال استهلاك الاكسجين وتبقى تخلص فيه
نقاش كلام جدال بحال زعما بقات فعشرة دراهم وعي البوطة للي اتزادت !!!! كلشي زيادة ضخمة جدا جدا خاصة المواد الاساسية الخبز الماء الضو البطاطا والانسولين وليكوش. خديتي 400 درهم مساعدة مباشرة وراك عتخلص 1200 درهم اوا زيد عليها لكرا والخدمة نهار خدام جبتي سبعين درهم وسيمانة مريح كتذل راسك وتسعى وتظطر تكذب باش تنصب بسميه لكريدي وتتسخر سخرة الدواب هاز مية كيلو على قبلت عشرين درهم
من الفقراء إلى الفقراء، والله المعين… أما الأثرياء فربما لا يفهم بعضهم معنى قنينة الغاز ولا معنى 10 دراهم….
الثمن الحقيقي للبوطا 150 dh
فدعم الدولة يجب ان يذهب للتنمية البشرية
غير مستغرب من هدا الزيادة لانه اصلا كانت ريادة خفية بتقليص سعة القنينة واليوم يعلن بصراحة ووضوح زيادةفي ثمن القنينة ولا زيادة في سعة القنينة
صراحة الناس كتعاني وهذه الحكومة تفكر في معاناتهم بالزيادات في المواد الاساسية والتضخم حسبي الله ونعم الوكيل
الزيادة يجب أن تبدأ مع الزيادة في الأجور في القطاع الخاص يعني ابتداء من 2025
زيد الماء زيد الدقيق .ازيدوك 500درهم ويزيدوك في المواد البوطا والزيت ووووو البوطا 10درهم والزيت مقارنة مع الأعوام الماضية زادو فيه 250درهم في 5ليتر وماطيشة 10درهم اذا 500 درهم ما دارت والو ابريموا والو الغالب الله
حسبنا الله ونعم الوكيل حكومة كتضرب جيوب الفقراء بدون حسيب ولا رقيب
مبروك علينا الحمدلله الزيادة موجوده والدعم حتى انموتوا
لماذا الحديث عن قنينة 10 كلغ بدل 12 كلغ؟ دائما كنت أسمع الحديث عن 12 كلغ ولم أسمع قط عن 10 كلغ. هل تم تخفيض وزن القنينة مع الزيادة في الثمن؟ إنه الغش بعينه إن كان الامر كذلك!
كل شيء ممكن في هذه البلاد السعيدة!
غادي يبداو ب 10 دراهم و غادي يوصلوها ل 100 غير تسناو
البوطة للمتقاعد غتبقا بنفس الثمن ما عليك اخي المتقاعد عند اقتنائك للبوطة الا ان تدلي ببطاقتك وسوف يكون لك خصم من عند صاحب الدكان لأنك ليس في لعبة الزيادات
قولو غادي يزيدو فالسعر ديال البوطة وصافي، اما قضية الدعم مجرد مسرحية اخرجوها لتبرير هذه الزيادة،
علما اننا اكتشفنا الغاز في
العرائش
والصويرة
….
….
….
….
بعد ان قلنا ان الدولة ستشرع في خفض ثمن الغاز.
مر عدد كبير من رؤساء الحكومة في المغرب. ولم يجرأ أحد منهم على الزيادة في قارورات الغاز بسب الانعكاس الكارثي لهذا الإجراء على الأمن الإجتماعي والاستقرار الإقتصادي. إلى أن جاء من يمزج بين السلطة والتجارة في ميدان المحروقات. ليتخذ قراراً ستكون تبعاته سيئة جداً. رغم بلاغات التمويه وتطبيل المستفيدين. ولن يخفف الدعم المقدم من المال العام.وطأة الزيادة التي ستصب ارباحها في جيوب الخواص في أغرب معادلة في تاريخ الإقتصاد.
الشعب راهم ايطبلو وغيرو نهار يحما الطبل ديال الحكومة غاديين تسمعو لخبر ديال الفرحه ديال 500 درهم دابا تكمل
ورغم دالك يجب تنقيح لائحة المستفيدين من الدعم وخصوصا في البادية هناك من استفاد رغم أنه يملك عشرة هكتارات فلاحية ولكن المشكل انه ورثها بالتفاهم مع باقي الورثة بدون القيام بالتركة وتسجيل ما ورث بالمحافظة اذا فهو لا يملك شيئا في نظر القانون
هد ل 500 درهم لي كيعطيوها دعم راه مكافياش لمعيشا غلات بزاف راه هد ل 500 زيد عليها هد لمواطن ادي يمشي يدمر باش يجيب ديك 2000 درهم واش ادي ديرلو
دابا انا مأجور لا استفيد من اي دعم وتغطيتي الصحية اؤديها كل شهر من دخلي. ولا كلام في مؤسستي عن اية زيادة منتظرة في الأجور. اشتكي منذ مدة من ان الأسعار المهولة تغلبت على مصاريفي. والان يجب أن اؤدي عشرة دراهم اضافية لقنينة الغاز . وعندي اثنان . والقنينة في يومنا هذا لا بركة فيها . أشك في ان كمية الغاز داخل القنينة تحترم. ماذا استفدت من برامج هذه الحكومة. لاشيء بل تضررت اكثر.
إذا أراد الشعب الحياة فلا بد أن يستجيب القدر …….هاذ رجال الدولة كيلعبو بنار النار إلى شعلت رها مطفاش
في المغرب كاين الخدمة خاص غير الواحد يفيق صباح بكري مع 6h و يتوكل على ربي. الدعم عمرو يخلي الناس الفنيانة يتحركو باش يخدمو. يجب رفع الدعم بالنسبة للبوطا و السكر تدريجيا لأن الدعم يستغله المرافق السياحية و الضيعات الفلاحية و الورشات الشبه صناعية. نفس الشيء بالنسبة للسكر المقاهي و الفنادق و المطاعم و الصناعات التحويلات الغذائية هي من تستغل من دعم السكر.
يجب رفع تمن البوطا تدريجيا لغاية 2026 إلى 100 درهم و رفع الدعم تماما بالنسبة للسكر إلى غاية نهاية 2026. من غير المعقول أن الحكومة تدعم مواد لا يستفيد منها الفقير بقدر ما يستفيد منها الغني و المسستمر. بأموال المقاصة يجب دفع الديون الخارجية و بعدها الإستثمار في البنية التحتية بأموال رفع الدعم.
واصحاب الفيرمات ولوزينات غيزيدوا عليك في الثمن ديال المنتوجات لي كتاخد من عندهم
و ماذا عن المتقاعد ، واش ا استافد من الزيادة في المعاش باش تزيد ليه في البوطة ؟
عملية حسابية :
الميزانية تدعم القارورة ب 80 درهم, الفقير يستفيد من هاته الحصة ب 80 درهم لأنه يستهلك قارورة واحدة في الشهر. الغني و ,,,, يستهلك من 3 إلى 5 بوطا في الشهر يعني يأخد ظلما من 240 إلى 400 درهم شهريا ناهيك عن الفلاح الذي يستهلك إلى حدود 50قارورة يوميا أي مساهمة الميزانية قد تصل 4000 درهم في اليوم,
الفقير (الله يغنيه من فضله) يجب أن يستفيد من الرفع التدريجي للدعم الذي يستفيد منه الغني بالدرجة الأولى عبر برامج السكن (الذي قد يصل إلى 100,000 درهم) الدعم المباشر,,,,
ان الدعم لايتعدى500 درهم من المواطنين من حصل عليه ومنهم من لم يحصل عليه بعد. اما الزيادات التي عرفتها اغلب المواد الاساسية فهي تفوق قيمة هدا الدعم بكثير.
إدا لم تسقف الاسعار وتحدد ويحدد هامش الربح للتجار وباقي المواد فالوضع لن يجدحلا وسيتأزم اكثر.
كيف يعقل الدعم محدود وغير كافي والمواد الاساسية في ارتفاع مستمر.
بطريقة اخرى بعض التجار او المواد هي مدعمة والمواطن هو الاخر يدفع ماقدم له من دعم لشراء المواد المدعمة اصلا. يعني دعم الدولة ودعم الفقراء يدهب كله الى جيوب الاغنياء دون وجود سقف لا في الربح ولا في الثمن.
مثال الاكباش وغيرها.
أكثر فئة من أصحاب التعليقات لايفقهون شيئا عن هذه الزيادة وسلبياتها وايجابياتها أول من استفاد من الدعم هم أولئك الذين يحاولون محاربتهمم اما من استفاد من دعم 500درهم مرة واحدة ثم أصبح من الاغنياء فلا تأثر عليه هذه الزيادة المهم خير مثل كالذي يطعم خروفا لمدة ما ويقوم بدبحه أو بيعه إلى الجزار المهم الفاهم يفهم
يا دولة راقبي سيارات الدولة M rouge .الملايير تهدر يوميا استغلال خارج أوقات العمل الحمام السوق الفيرمة الشاطىء والمقهى صباحا و مساء
علاش زعما مبغيتوش توقفوا نزيف سيارات الدولة
170000 سيارة اكثر من امريكا 75000 ..حشوما موظف يستغل السيارة خارج أوقات العمل..هل هذا وعي .
هدي مشي حكومة هذه مافيا ليبراليا .تصور زادوا 10 دراهم انقص 2 كيلوا ديال الغاز و مصيبة اتصلطات علينا . من 12كغ ولات 10 كغ . الله ياخد الحق .
الدعم بالنسبة لنا كفقراء هو تخفيض الأسعار .لا أكثر ولا أقل
ماعند الميت مايدير قدام غسالو دابا بسبب الزيادة في قنينة الغاز توقعو اي حاجة عندها علاقة بالغاز غادي ترتافع حسبنا الله ونعم الوكيل حكومة حكومة
25% est l’augmentation de gaz et d’autre produit a dire le nivau de vie est augmente avec un minimum de 20% par contre les salire ont meme pas depasse les 6% on va s’attendre a la misere
اللهم هدا منكر خص الناس افهموا هدا الزيادة غدي تاثر على المنتوج الفلاحي لان الفلاح يستعمل البوطة في السقي وشكرا
ان الدعم التي تتحدت عنه الحكومة والتغطية الصحية لم تستفد منها الى فيئة قليل من المواطنين الدين يعشون تحت خط الفقر الحسبات والخطبات في واد والواقع في واد اخر لقد غلقت ابوب الدعم والتغطية العمومية بدون بحت جدري فمن توصلو بهاد الدعم اما قنينة الغاز فلتزلت دعمها يسغل من الفلاحين والشركات التي تعتمد على صناعتها بالغز المخابز الحمامت فاين المرقبة وحميات المستهلك الضعيف
هدا دعم هدا رها شفارة كيضحكو علي الشعب