عبرت النقابة الجهوية لأطباء الأسنان بتطوان والنواحي عن استغرابها واستنكارها تسريب وثيقة صادرة عمن أسمتهم “زمرة الدجالين المنتحلين لصفة طبيب أسنان”، يطالبون من خلالها بتقنين وجودهم ومنحهم شرعية ممارسة المهنة دون استحقاق قانوني أو أكاديمي منطقي.
وأوردت النقابة سالفة الذكر، ضمن بلاغ لها تتوفر هسبريس على نسخة منه، أن كل هذا يحدث في وقت يتخرج أكثر من ألف طبيب أسنان شاب سنويا من الجامعات العمومية والخاصة والدولية، مشددة على أنه “كان جديرا بالسلطة الوصية التعجيل بتحيين قانون مزاولة المهنة للنهوض بالقطاع، لضمان الاستفادة منهم كرأسمال بشري جاهز في البنية الصحية الوطنية، لإنجاح الورش الملكي الطموح لتوفير تغطية صحية تليق بصحة وكرامة المغاربة، بدل الرهان الغريب على إدماج المشعوذين”، بحسبها.
وسجلت النقابة الجهوية لأطباء الأسنان بتطوان والنواحي بصدمة واستغراب “خروج هاته الوثيقة من مؤسسة وصية يفترض فيها الحرص على الصحة العامة للمغاربة كحق دستوري، والضرب على يد كل من يتهددها من قريب أو من بعيد”.
ونددت النقابة ذاتها بمضامين الوثيقة المسربة، معبرة عن رفضها “أي انفتاح أو نقاش لهذا العبث المطروح الذي يهدد مهنة منظمة في وجودها ويشرعن استباحتها ممن هب ودب”، وفق صياغة البلاغ.
واختتم البلاغ بدعوة كل مؤسسات المهنة إلى “الاستنفار والتجند للدفاع عن المهنة والمهنيين ضد كل المخططات والدسائس التي تحاك من جهات متعددة، فالأمر أصبح معركة وجود”.
المشكل أن أطباء الأسنان كيشجعوا المواطنين يمشيوا عند المتطفلين على مهنة طب الأسنان، كيفاش كيشجعوهم؟
من خلال ذوك الأثمنة الخيالية..واش فنظرك واحد ما كيشد حتى ١000 درهم فالشهر وانت كتقولو نصيب لك سنانك بمليون.
راه باينة عيقلب على الرخا بلا ما يفكر فالصحة.
راه أصلا طبيب الأسنان كيدير غي ليسوان أما الاسنان راه كيصايبهم مختبر كياخدهم هو ب ربع ثمن لكيحسبهم للمواطن …خاص دولة تسمح ب les denturologistes اي لكيصايب الاسنان يركبهم و طبيب فقط يدير خدمته ماشي يكون وسيط بين مختبر و مواطن كما هنا في كندا و بزاف دول حشومة هاد الاحتكار في كل حاجة في المغرب للمواطن
أطباء الاسنان يريدون تكوين اللوبي مثل لوبي الدواء …لا حول ولا قوة الا بالله راه الشعب تقهر
صانع الأسنان هو طبيب الطبقة الفقير ، نزع ضرس عند الطبيب أغلى بكثير من عند صانع الأسنان…. شكرا لصانعي الأسنان من طنجة إلى الكويرة
اطباء الاسنان اصبحوا يطالبون باثمنة خيالية وتحديرهم من منتخبي الصفة المقصود منه فقط احتكار هذه المهنة واقصاء الاخرين من اجل الاستفراد بالمواطن
الشيء الذي استعصى علي فهمه هو لماذا في أي قطاع عندنا العشوائية؟؟
ومن المستفيد منها؟؟؟؟
العشوائية في السكن،الخ ….
العشوائية في صحة الأسنان ما يهمنا في هذا المقال المقتضب .
كيف يعقل لي مواطن غير حاصل على دكتوراه في طب الأسنان أن يمارس طب الاسنان؟؟؟؟؟؟؟؟؟؟؟؟
والدولة تتساهل مع ما يسمى “صانع الأسنان ” ويمارس مهنة طب الاسنان بصفة غير قانونية يجب ان يتوقف هذا العبث بصحة المواطنين فوراً.
وأن يتم السماح للمواطنين الولوج الى صحة الأسنان مجاناً او أن يتحمل الضمان الاجتماعي قسطاً معتبراً
السلام عليكم: وبعد قدنسي البعض او يتناسون ان صانع الأسنان ومعالج الأسنان في الأسواق تحت الخيام كانوا الى وقت قريب طوق النجاة والملاد الوحيد لجل المغاربة سواء في القرى او المدن لسد الخصاص في أطباء الاسنان ولعلك ستجد اغلب دوي المناصب والمشاريع قد استفادوا من خدمات معالج الاسنان ، فيجب الوقوف وقفة تقدير ووقار لهؤلاء المهنيين فمن كان سيعالج اسنان الشعب ؟ وهل كان هناك بديل؟ والان تناسلت المصحات الخاصة كالفطر اصبح صناع الاسنان مشعودون ومتطفلون! سبحان الله. فكلماحصلت الثخمة في ااي ميدان تتم شيطنة الاشياء من اجل محاربتها
مغربي فامريكا مشيتي بغربة صافي نسا المغاربة او بلا ماتقهرنا بالفهامات من تما
في مجال طب الأسنان. لم نعد نفرق بين المنتحلين وأطباء الأسنان. إذ يصعب على المرأ أن يجد طبيب أسنان محترف ونزيه.
عمرني نعاودها و نمشي للصانع هلكني في صحتي 30 الف ريال غير ديال التحاليل و الراديوات . ما عمرنا نزيدو لقدام بهاد الشوهة ديال الجهل . بكري كان حجام تيحلق الشعر و يختن و يقلع الضراس و يمكن يكوي.
الحمد لله العلم تقدم . غبر احنا لي باغين نرجعو للاستعمار
بنتي كن ايخرج عليها صانع واحد طبيب هو لي عتقها الله ياخد الحق فلي كان حيلة و سباب و راني باقا مداعيا معاه ف المحاكم
واحد صانع أسنان في الشمال قام بقلع ضرس لطفل فتوفي بعد ثلاث أيام بسبب مكروب في الدم أدى إلى نزيف حاد و المتهم بانتحال صفة طبيب أسنان بات ما صبح حتى شدوه هربان في مدينة في الجنوب
صحة المواطنين مسؤولية الدولة تراقب هاد الأوكار ماشي لعبة لي جا يلعب ليهم فيها شي ينجر ليهم السنان شي يدير ليهم تبييض فوق السوسة شي يقلع ليهم بأدوات غير معقمة… لا يعقل واحد ماشي طبيب يدير هاد الخدمة.
راه سميتهم مشعوذين حيت الصانع محسوب على غرفة الصناعة التقليدية و كيخدم للناس في أسنانهم بأدوات غير معقمة و يآذيهم في صحتهم و واحد النهار يهز حوايجو و يطلق المحال .
نصيحة: صحتك أمانة، ولازم تعطيها حقها. صحيح كاين فرق بين الأطباء، وحتى لو كان الطبيب ماهر، كاين أطباء أسنان حقيقيين بأسعار مناسبة وهم أشخاص يقدمون قيمة حقيقية مقابل السعر دون فرض علاجات غير ضرورية لزيادة التكلفة
من خلال تجربتي، أنصحك تتصفح تعليقات جوجل ماب على عنوان كل طبيب، وتسأل من جربوه شخصيًا، لأن المال قد يعمي البصيرة.
لأنه قد يراك طبيب منجم، فيق وعيق، وسول على ذاك الطبيب قبل ما يفرسك
صديقي غي الدار البيضاء خرج عليه طبيب اسنان…راه كاين صناع متمكنين و للاسف من تلقا في جملة كلمة اوكار و شعودة عرف انه طبيب متنكر في التعليق ..علاش دول متقدمة بحال استراليا و المانيا و كندا فيهم صانع اسنان اكلينكي و في المغرب الاطباء يرقضون حتى فتح معاهد لهذه المهنة اش كيتسما الا مكانش احتكار السوق
صناع و مركبو الأسنان هم تقنيو أسنان فشلو في ميدانهم ليتطاولو على عمل طبيب الأسنان بدل بدل مجهود في مجالهم و التحسين من مستواهم مستغلين فقر و جهل فئة هشة من المواطنين.
انا مافهمتش كيفاش ف 2025 باقي بنادم كيتيق فواحد ما قاريش وتيعطيه فمو وسنانو يصاوبهم ليه ، وداكشي حالتو وقديم والامراض اللي ولات دابا منتشرة ،ولينا كثر من الهند ، تيبان ليا موضوع حشومة نهضرو عليه اساسا
كل من هب و دب و مالقا مايدور كيشري دبلوم ب جوج د ريال و يبدأ اقلع لناس و يركب و ينصب على الناس تحت دريعة ان الاتمنة ناقصة ودلك تحت أعين السلطات و المواطن مسكين لي كيدفع التمن غالي شحال من واحد خرجو ليه على سنانو و وقعو ليه مضاعفات خطيرة منهم ناس كنعرفهم كون كانو نيت باغين مصلحة الناس كيف تايكولو ماتلقاش عندهم الفيلات و السيارات الفارهة الحمد لله البلاد في تقدم و عندنا امل يوضعو حد لهاد أوجه الجهل و يعطيك قيمة لصحة ألمواطن و سلامتو
هذه سابقة خطيرة تجاه علم نبيل وهو طب الأسنان.. أن يتم الترخيص لمنتحلي صفة طبيب الأسنان فهو ضرب من الجنون… يجب على الوزارة الوصية تحمل مسؤوليتها تجاه هذا الملف. وان لا تضع صورة المغرب الدولية على المحك ونحن مقبلون على تنظيم المونديال وإطلاق أوراش ومشاريع كبرى في ظل الحكمة الرشيدة لصاحب الجلالة نصره الله. كفا عبثا بصحة المغاربة..
أولا انت تروحين لمغالطات ومياكناش ف كندا واتحداك.. في كندا سيدتي الكريمة هناك ما يسمى ب hygiéniste وهو الذي يقوم بتنظيف الأسنان من الكالكير فقط ويوجه المريض نحو العلاجات الأخرى بما فيها التركيبات. ولا يتطفل على العلاجات الأخرى بقوة القانون. ويجب أن يدرس اربع سنوات ف كلية الطب تخصص hygienists..
أما هنا فالأمر مختلف، مشعودي الأسنان يقومون بجميع العلاجات بدون علم ولا تكوين ولا دكتوراه، ويضعون صحة المريض في خطر. كفى من تمرير المغالطات.
نهار غادي يهرس ليك شي فك، ولا ينقل ليك شي مرض خطير بغيت نشوفك نقول هاذ الهضرة
غلط أخويا.. سير عند صانع وحل ليه فمك يلعب فيه بدون علم.. ملي ينقل ليك شي مرض ولا شي مصيبة ولا يتسبب ليك ف شي مشكل خطير سير قلب على الأطباء ايفكوك. من حقك تختار لي بغيتي ولكن تحمل مسؤولياتك
استاذ السعداوي، راه كذبة عليك قالو ليك ف ألمانيا وأستراليا وكندا كاينين صناع الأسنان. لي كاين نشرحو ليك بالخشيبات باش تفهم. ف كندا كاين ما يسمى ايجيينيست لي كايدير فقط تنقية الفم ولا يتطفل على العلاجات الأخرى بقوة القانون وكايكون قاري ف كلية طب الأسنان اربع سنوات. ف استراليا كاين مركب الأسنان الاكلينيكي ولكن كايقرا ف كلية الكب ثلاث سنوات وكايخدم بفم المريض بوصية من الطبيب ضروري لأن لا يوجد فم موجود ناضي باش تجي نيشان دير ليه تركيبات، ضروري من الطبيب يدير القلع والعلاج واللثة والراديوات الخ. ف المانيا نفس الشيء وهي بلدان قليييلة جدا لي لي كاتسمح لغير الطبيب ايقيس فم المريض بحدوووود وبقوة القانون. وسول راسك علاش كولشي دول العالم مافيهاش هاذ العبث 180 دولة بانت ليك غي استراليا لي بعيدة بآلاف الأميال وفيها داكشي قانوي وبتكوين كيف شرحت ليك.
المغرب، صانع الأسنان يقوم بكل شيء، قلع جراحات، تركيبات متحركة، فيكس حتا الزراعات ههه بدون تكوين ولا دكتوراة ولا تعقيم ولا نظافة، ولا يساهم حتى ضريبيا وبغيتي تعطيه مزال شرعية ؟؟ فكر شويا
خويا والله مكاين لا لوبي لا والو.. غير فكر مع راسك شويا، واش تقدر تحل فمك لواحد مقاري والو أغلبهم ماعندهم تا الباك، وماقاري لا طب لا علوم لا والو، والاخطر مكايعقمش المعدات وأغلبهم كابيني موسخة وزيد وزيد غير حيت رخيص.. أيرضيك هذا صديقي ؟ واش الفم ماشي طرف ف صحتك وجسمك.
علاجات الأسنان وسير قلب ف النت ف جميع دول العالم غالية حيت المواد غالية والخدمة الخ.. خاص الدولة تحمل المسؤولية ديالها من خلال سهولة الولوج للخدمات الطبية للأسنان المجانية ودير صبيطارات ف هاذ الخصوص ولا التأمين والميتوال يتحمل المصاريف بحال كاع دول العالم. أما الترقيع بالسماح للصناع ومنتحلي طبيب الأسنان بالعبث في صحة المواطن راه غلط كبير.. والله مكاين لا لوبي لا والو.. ولكن مغاتعرف بهاذ الهضرة حتا تجيب شي مرض خطير من عند الصانع وديك الساع ارا مايفكك
الممارسين غير الشرعيين لطب الاسنان يجب ان يتوقفوا على هذا العبث مع صحة المواطنين ، للأسف كل يوم كارثة في فم مواطن إظافة ان المواطن لا يشتكي . انتحال صفة لمهنة نضمها القانون واضحة و عقوبتها واضحة كذلك. يجب على السلطات و جميع المؤسسات ان توقف هذا وتحدد مهمتهم فقط في المختبرات، هذا نداء للمواطن راه ما غادي تفهم الفرق حتى يوقع ليك المشكل أنت شخصيا . اللهم إني قد بلغت
تخايلو معيا واحد مقاريش و أغلبية حتى الباكالوريا معندهومش و كينوظو يعالج الناس ، و الحجة ديالهوم انهم كانو من شحال هذي(يعني المغرب مخاصوش يتطور و يصلح المنظومة الصحية خاصو يخلينا كيف ما كانت شحال هاذي ، فالقديم فالعالم كامل مكانوش جامعات و كليات الطب و كان الطب كيمارسوه ناس وخا مقراوش ولكن مع التطور تفتحات جامعات و كليات و اصبح الطب يدرس و اصبح فقط الطبيب الحاصل على الدكتوراه في الطب هو الي كيمارس المهنة )و كيتوارثو الحرفة ، طب الاسنان ولات حرفة بالنسبة ليهم و كيقولو انهم عندهم التجربة فحال الى راه خدام نجار ولا جزار … يعني بالنسبة ليهم أي واحد عجباتو شي مهنة مثلا طبية او هندسة او محامات… يمشي ياخذ الحرفة من عند شيواحد و يفتح يبدا يجزر فعباد الله و يقول أنا كنتساعد مع الدرويش حتاش كنقص الثمن . صحة المواطن لا تقدر بثمن و جميع المواطنين عندهم الحق يتعالجو عند الأطباء أهل الإختصاص ، الدولة غتزيد فتعويضات العلاجات و يولي المواطن يتعالج و يتعوض مزيان حفاظا على صحته و جيبه
هل يستوي الذين يعلمون واللذين لا يعلمون صحة المواطنين ماشي لعبة وماشي اي واحد مالقا ميدير يبدأ يمارس هاد المهنة هاد الموضوع حشومة نتناقش فيه ولا يكون فيه خلاف لانه واضح لي باغي يمارس هاد المهنة يمشي يقرأ وياخد دبلوم ماشي لي حط كرسي أسنان باغي يبدأ يدير فيها طبيب اش هاد العبث
المغرب كيحاول يصلح المنظومة الصحية و باقي عندو منتحلين صفة طبيب الاسنان كيغامرو بصحة المواطنين . المغرب كيعمم التغطية الصحية باش كلشي يمشي عند الطبيب ، المواطن البسيط من حقو يمشي يتعالج عند الطبيب و خاص الدولة تحميه من هاذ المنتحلين .
واش كاين فهاد الوقت لي مزال كيمشي عند صانع اسنان الطبقة الهشة الفقيرة لي كيستغلهم مساكن وكيضحكو عليهم وعلى صحتهم كقدرو يهزوا أمراض خطيرة كالسيدا وهما معارفينش بلا لي لي كيموتو بسباب ضرسة مقيحة الاغلبية ديال ناس لي كيعطو فمهم لصانع كيخرج عليهم على سنانهم وكيحدهم في الاخير عند طبيب الاسنان حيت كيكونو مرضو ليهم .
أتذكر جيدا يوم وفاة ابن احد اشهر المحامين في مدينة اسفي بسبب مضاعفات نزيف حاد عند محاولة خلع احد اضرس العقل من قبل صانع اسنان معروف بالمدينة ، الطامة و ما في الامر ان والد المرحوم ( المحامي) تنازل للصانع مقابل مبلغ مالي ، و هو الى يومنا هدا يزاول مهامه بلا حشمة و بلا حياء
جوابا على الاخ لحسن
انت تعترف ان المانيا وكندا فيها مركب الاسنان
وانه يدرس لمدة اربع سنوات
فلمذا اطباء الاسنان في المغرب يحاربون اي محاولة لإنشاء تكوينات في تخصص تركيب الاسنان ؟ إذا كنتم حقا ضد من يشتغل في فم المرضى بدون مؤهلات حماية للمريض
فالحل هو فتح تكوينات لتخريج مركبين مكونين يحافظون على صحة الاسنان
ببساطة اطباء الاسنان يرفعون شعار حماية صحة المريض لكن في الحقيقة يستغلون هذا الشعار لاحتكار هذا الميدان ومراكمة الثروات
هذا مشكل المغرب لوبيات الاحتكار في جميع الميادين
وطبعا لا اعمم هناك اطباء اسنان صادقون يهتمون حقا بصحة المريض
كفى من ذرّ الرماد في العيون!
الاحتماء بذريعة “أثمنة أطباء الأسنان” لتبرير التطفل المستمر من طرف بعض صناع الأسنان على مهنة طب الأسنان لم يعد مجديًا، بل أصبح حجة واهية. فالغالبية الساحقة من أطباء الأسنان تعتمد تسعيرات معقولة، بل إن بعضها يعادل أو حتى يقلّ عن أثمنة بعض الصناع. نعم، هناك قلة من الأطباء أثمنتهم مرتفعة، لكنهم لا يمثلون القاعدة.
أما التمسك بظهير 1960 كمبرر قانوني فهو قراءة مجتزأة للواقع وتجاهل متعمد لسياقه التاريخي. ذلك الظهير كان حلاً ترقيعيًا مؤقتًا، جاء في فترة لم يكن فيها عدد كافٍ من أطباء الأسنان، وكان مخصصًا فقط لأولئك الصناع الذين كانوا يزاولون آنذاك، لا من يبدؤون اليوم ممارستهم خارج القانون!
يكفي أن ننظر إلى دول الجوار كـالجزائر وتونس، حيث يجرّم القانون بصرامة أي ممارسة غير قانونية لمهنة طب الأسنان. فكيف نقبل بما يرفضه غيرنا، بل ونرخص له دون حسيب ولا رقيب؟
طب الاسنان والكليات الكب في خبر كان
منتخلين اصبحو يلهبون في جسم المغربي اكثر من المنتحلين
كا مريض لدي قصص مع منتخلين
اصلا صانع الاسنان هو تقني هذا كيعني انه ديكشي لي كيعطيه الطبيب لي هو متمكن و عارف صحة ديال المريض و عارف الحاجات لي خاصهم يتدارو و لي مخاصش يتدارو و المخاطر ديال قلة التعقيم
و هادوك لي كيقولو تمن ديال الدونتيست غالي كل واحد كيمشي على قدو كاين اطباء على حساب المستويات دكل واحد و كاين السبيطار الدولة و كاين الكليات و لكن تمشي عند واحد معندو لا ترخيص لا احساس بالمسئولية لا علم بالمخاطر ديال المهنة كي تسمى استهتار و الواحد مخصوش يلعب بالصحة ديالو حيت نهار يتقاصلو شي عرق و يعواجلو فمو و نهار يتهرسلو الفك ديالو و نهار يجيه شي مرض بقلة التعقيم ميلوم هير راسو
و هادوك لي كيقولو الصانع هو لي كيركب غالطين الطبيب هو لي عارف كل حاجة فوقاش خاصها تدار و كيفاش خاصها تدار كل واحد يكون ملتزم بالخدمة ديالو و التطفل راه جريمة
حقيقة خاص الاطباء يخدمو بحال فالموزمبيق ، حنا عندنا هنا الطبيب قاري على الصحة ديال الانسان و كايعطيه العلاج الامثل ، و بالنسبة لتركاب الاسنان كايخدم بواحد الطابعة كاتطبع ليه السنة لي هايركب للشخص فنفس اليوم، اما فكندا كيما قالت الاخت عندهم الكوارث بسبب ان واحد ما قاري تا حرف على الصحة ، و كايتلاح يخرب فالفام ديال عباد الله. و فالاخير يقوليك الطبيب وسيط، هزلت
تحياتي للفصل الثاني من تاريخ البلاد فرنسا دخولها كان على اساس الحماية والشروط الاساسية لاكن لما رات مايعجبها تركت ماعليه اكثر من اربعين سنة و المغاربة يتوجهون مايرضي الاسثعمار وهاهم في حيرة الطبيب يبحث عن من يداويه المسؤولية والآمانة سننتضركم أمام الله
ردا على مغربي مسلم، عاود قرا مزيااان شنو كتبت.. ف كندا والمانيا كاتكون ف كلية طب الأسنان بعد امتحان الولوج ونقط جيدة جدا في الباكالوريا ماشي واحد جايب دبلوم من مدرسة خاصة غير معترف بها فيها عامين وغالبا مكايحضرش للدروس وبغا يكون قاليك متخصص الأطقم الطبية، راه لا مجال للمقارنة بين هذا وذاك. أما واحد ثلاثين ألف منتحل صفة طبيب أسنان أو من يسمون أنفسهم صناع الأسنان أغلبهم ماقاريش كاع أو قاري شي حاجة ديال الله احسن العوان وكايطالبو بالادماج والشرعية ديال الشعودة ديالهم تحت ذريعة التخصص في صناعة وتركيب الأسنان والكل يعلم أنهم يتطفلون على مهنة طبة الأسنان وهؤلاء هم من يُحاربون من طرف الأطباء حماية للمواطن وللمهنة.. ماشي كل من هب ودب يجي يحل محل ويحط كرسي ويقول ليك انا صانع أسنان ويبدأ يكرفس ف عباد الله.. والأطباء لا يمنعون التخصص، بالعكس كل من يريد التخصص عليه أن يمر من كلية طب الأسنان ومرحب به كحال جل الدول العالمية، شوف غي الجزائر وتونس وفرنسا واسبانيا وايطاليا ولبنان والسعودية وأمريكا والصين وروسيا و… نتا شديتي ف كندا والمانيا مع أن لا تشابه بيننا وبينهم . اذن كفى من تمرير المغالطات
ردا على الحسن
كتبت وبوضوح ان هناك تخصص في كندا اسمه دونتيرولوج
وقاري اربع سنوات والاختيار بالنقط وهذا لانهم يحترمون صحة المريض
إذا لماذا تعارضون ان يكون في المغرب ايضا تخصص ديال دونتيرولوج قاري اربع سنوات ويكون الاختيار بالنقط كذلك ؟
واضح جدا ان صحة المريض عندك انت خصوصا وامثالك مجرد ذريعة للاحتكار
نعم حماية صحة المريض تكون بمحاربة العشوائية والذين لم يتكونو
لكن انت هنا لست ضد العشوائية انت ضد انشاء تخصص دونتيرولوج ولو انه لا يتعارض مع صحة المريض كما في كندا
احترم اطباء الاسنان الذين يهتمون حقا بصحة المريض
لكن انت وامثالك خطابكم هو الاحتكار
للأسف في بلد ينتشر فيه الجهل ويُحتقر فيه العلم، نصطدم بواقع مرير حيث يقرر جماعة من المشعوذين بدون أي تكوين أكاديمي، أو في أحسن الحالات، حاصلين على تكوين تقني فقط في صناعة التركيبات والرمامات -كما هو الحال لكل صانعي التركيبات كالتي تستعمل في جراحة العظام وطب العيون- ينادون بأحقية ممارسة طب الأسنان ! حقا هزلت. بينما في دول شقيقة أقل تطورا كموريتانيا والجزائر وليبيا… من يثبت في حقه مزاولة طب الأسنان بدون دكتوراة في طب الأسنان، يتعرض لعقوبة السجن بدون أدنى تردد. بالنسبة للمغالطة الشهيرة التي يستعملها معظم المشعوذين لكسب تعاطف الشعب هي غلاء ثمن العلاجات. أولا الأثمنة تختلف من عيادة لأخرى حسب عدة عوامل، وتوجد عيادات لكل طبقة من الشعب. ثانيا، من الطبيعي أن يكون المشعوذ أرخص ثمنا لأنه متطفل وغير مؤهل ولا يستثمر في عدة أمور كالنظافة والتعقيم والتجهيزات الحديثة والتكوين المستمر. ثالثا، الصحة مُكلفة في كل بلدان العالم، لأن البحث العلمي مُكلف والأدوية مكلفة والصناعة الطبية كلها مكلفة، الطبيب فقط حلقة ضعيفة، لذلك الحل الذي توصلت له دول العالم هو تعميم التغطية الصحية وليس دَمج الجهال لعلاج الناس !
ردا على مغربي مسلم
غادي نعاود نشرح ليك بالخشيبات.. في كندا ليس هناك شيء اسمه دونتغولوك. عاود قرا الفوق شنو كتبت. ف كندا كاين ما يسمى ايجينيست. هاذ ايجينيست كايدير تنظيف الفم فقط وفقط.. لا تركيبات لا قلع، لا معالجة، لا زراعة ولا اي شيء داكشي محدوووود كايحيد الكالكير فقط.
علاش حنا ماشي بحال كندا ؟؟ ببساطة حيت القانون المغربي مختلف عن الكندي، لاش نتا باغي تفرض علينا القانون الكندي؟؟ نحن دولة مستقلة حرة ف قوانينها. 180 دولة منها فرنسا، الصين، انجلتر، روسيا، آسيا وغي حدانا الجزاير وتونس وليبيا مافيهاش هاذ العبث… نتا بانت ليك غي كندا لي بعيدة علينا ولا يجمعنا معها اي شيء وباقي تفرضو علينا. ونزيدك، مدارس الدونتيغلوك هنا كلهم خاصة وعشوائية.. اذن لي بغا التخصص ف المغرب ساهل : شد الدكتورا ديالك ف طب الاسنان ومن بعد تخصص ف لي بغيتي سير شوف المستشفيات الجامعية للأسنان راه غادي تلقا فيها المقيمين والداخليين كايديرو التخصص منهم تخصص البروطيز. نتوما ك 30 الف مشعود أسنان أغلبهم ما عندو تا الباك ما محلكم من الاعراب؟ باغي تقاد مع الأطباء المقيمين والداخلين لي كايقراو التخصص بزز؟؟ نتا شويا لاباس ؟؟